សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពត ៖ ឧបរកណ៍ភ្លេងខ្មែរ ដូចជា ស្គរដៃ ខឹម ទ្រអ៊ូ ទ្រឆា និងទ្រសោ ជាដើម សុទ្ធតែតម្រូវឱ្យចំណាយពេលវេលាយូរក្នុងការច្នៃ និងផលិតឡើង ដោយសារតែឧបករណ៍នីមួយៗត្រូវការ វត្ថុធាតុដើមដែលជាគ្រឿងបង្គុំច្រើន រួមទាំងការឆ្លាក់រូបលម្អបន្ថែមផ្សេងៗច្រើនទម្រាំក្លាយជាឧបករណ៍ភ្លេងខ្មែរដែលអាចយកទៅប្រើប្រាស់បាន។ ប៉ុន្តែសម្រាប់តម្លៃនៃឧបករណ៍ភ្លេងនីមួយៗក៏ទទួលបានថ្លៃ ដែលជាការឆ្លើយតបទៅនឹងការចំណាយពេល និងធនធានក្នុងការផលិតឡើង។
លោក ហ៊ុន វៃ ជាអ្នកទទួលធ្វើឧបករណ៍ភ្លេងខ្មែររស់នៅភូមិអង្គឃ្លៃ ឃុំត្រមែង ស្រុកឈូក ខេត្តកំពត បានមានប្រសាសន៍ប្រាប់ AMS ឱ្យដឹងថា ដោយសារតែស្រឡាញ់វិស័យសិល្បៈខ្មែរបុរាណ ជាពិសេសការប្រគំភ្លេងខ្មែរ លោកបានហាត់រៀនទាំងការលេងភ្លេង ក៏ដូចជាការផលិតឧបករណ៍ភ្លេងខ្មែរផងដែរ ហើយរហូតមកដល់ពេលបច្ចុប្បន្ននេះ ក៏មានទទួលផលិតឧបករណ៍ភ្លេងខ្មែរនេះសម្រាប់លក់ផងដែរ ប៉ុន្តែសម្រាប់តែតាមរយៈការកម្ម៉ង់ប៉ុណ្ណោះ ព្រោះឧបករណ៍នីមួយៗត្រូវចំណាយពេលយូរក្នុងការផលិត និងមានតម្លៃថ្លៃរហូតដល់រាប់រយដុល្លារក៏មានដែរ។
លោកបញ្ជាក់ថា ៖
“ខ្ញុំពុំមានធ្វើជាអាជីវកម្មអ្វីធំដុំនោះទេ ដោយសារការធ្វើនេះភាគច្រើនគឺសម្រាប់តែប្រើប្រាស់នៅក្នុងក្រុមភ្លេងខ្មែររបស់ខ្ញុំតែប៉ុណ្ណោះ ប៉ុន្តែសម្រាប់បងប្អូនដទៃទៀតដែលគាត់ចង់បាន គាត់អាចធ្វើការកម្ម៉ង់ទើបយើងធ្វើជូន ហើយសម្រាប់រយៈពេលផលិតគឺមួយខែជាងទើបរួច ដោយសារយើងធ្វើឡើងដោយសម្រិតសម្រាំង រាប់ទាំងការឆ្លាក់ក្បាច់ជាដើម ហើយម៉្យាងទៀតតម្លៃនៃឧបករណ៍ភ្លេងនីមួយៗគឺថ្លៃគួរសម ដូចជា ទ្រអ៊ូ ជាដើម អាចមានចន្លោះពី ៣០០-៤០០ដុល្លារសម្រាប់ទ្រមួយដើម”
លោកបន្តថា ៖
“យើងផលិតផ្ដោតលើ ទ្រអ៊ូ និងទ្រសោ ហើយពុំសូវមានអតិថិជនច្រើនប៉ុន្មានទេដោយសារឧបករណ៍ប្រភេទនេះមានតម្លៃថ្លៃ។ ចំពោះសម្ភារដែលយើងត្រូវការដើម្បីធ្វើទ្រសោមួយរួមមានដូចជា ឈើប្រណីត និងឆ្អឹងគោក្រាស់ល្អ ហើយចំពោះប្រភេទទ្រអ៊ូ យើងត្រូវការត្រឡោកដូងដែលមានរាងធំ និងក្រាស់ល្អ ឬគេហៅថារាងក្បាលដំរី ដែលភាគច្រើនគឺពិបាករក។ ចំណែកការផលិតមានច្រើនដំណាក់កាល តាំងពីការច្រៀកឈើ ស្វានរន្ធ តឆ្អឹង ឈូសចេញជារាង ឆ្លាក់ក្បាច់ ពាសស្បែក ដាក់ដងឆាក និងដាក់ខ្សែជាដើម”
ជាមួយនឹងការប្រាប់ពីតម្លៃនៃឧបករណ៍ភ្លេងខ្មែរ ទ្រអ៊ូ និងទ្រសោ ខាងលើនេះ លោក ហ៊ុន វៃ ក៏បានរំលឹកឱ្យដឹងផងដែរថា លោកជំនាញ និងចំណេះចេះធ្វើឧបករណ៍ភ្លេងខ្មែរបុរាណនេះតាំងពីក្មេងដោយរៀនពីចាស់ៗរស់នៅក្នុងស្រុកភូមិរួមគ្នា និងរៀនបន្ថែមពីគ្រូជំនាញនៅភ្នំពេញ ហើយក្រៅពីនេះ លោកក៏បានមើលក្បាច់តាមប្រព័ន្ធយូធូបផងដែរ។ ដោយឡែក សម្រាប់ថ្ងៃអនាគត ប្រសិនបើទីផ្សារឧបករណ៍ភ្លេងខ្មែរអាចកើនឡើងខ្ពស់ លោក និងក្រុមគ្រួសារក៏ចង់ពង្រីកអាជីវកម្មនេះឱ្យកាន់តែទូលាយ ដើម្បីចែកចាយ និងថែរក្សានូវឧបករណ៍ភ្លេងខ្មែរបុរាណទៅកាន់មនុស្សជំនាន់ក្រោយ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content