សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ការចិញ្ចឹមត្រីជាមុខរបរមួយដែលវារីវប្បករខ្មែរភាគច្រើនធ្វើក្នុងទំហំតូចតាចគ្រាន់នឹងដោះស្រាយជីវភាពគ្រួសារតែប៉ុណ្ណោះ ក៏ប៉ុន្តែការចិញ្ចឹមត្រីទីឡាព្យាក្នុងទ្រង់ទ្រាយមធ្យមជាកសិដ្ឋានមួយបាន និងកំពុងធ្វើការអភិវឌ្ឍផលិតកម្មរបស់ខ្លួនដោយប្រើបច្ចេកទេសចិញ្ចឹមតាមស្តងដារសម្រាប់ត្រៀមនាំចេញទៅកាន់ទីផ្សារប្រទេសជប៉ុន។ កសិដ្ឋានចិញ្ចឹម និងកែច្នៃត្រីទីឡាព្យា Cambodia Fresh Farm ដែលបានបើកដំណើរការប្រមាណជាង៤ឆ្នាំមកហើយនោះ គ្រោងនាំសាច់ត្រីកែច្នៃទីឡាព្យាទៅកាន់ទីផ្សារជប៉ុនជាលើកដំបូងនៅត្រឹមដើមឆ្នាំ២០២២ខាងមុខនេះ។
អ្នកគ្រប់គ្រងកសិដ្ឋានខាងលើនេះ លោក ចាវ សួស្ដី បានមានប្រសាសន៍ថា ការចិញ្ចឹមត្រីទីឡាព្យានៅពេលបច្ចុប្បន្ននេះគឺស្ថិតនៅក្នុងដំណាក់កាលសាកល្បងនៅឡើយ ហើយការចំណាយថវិកាបានកើនឡើងប្រមាណ ២លានដុល្លារ។ ចំពោះមូលហេតុដែលនាំឱ្យមានការចំណាយច្រើនបែបនេះ គឺដោយសារតែកម្ពុជាពុំទាន់មានបទពិសោធន៍នៅឡើយទាក់ទងនឹងការងារចិញ្ចឹមត្រីកម្រិតស្ដងដារនេះ ដូច្នេះតម្រូវឱ្យមានការបណ្តុះបណ្តាលជំនាញឱ្យបានល្អិតល្អន់ទាំងបែបខ្មែរ និងជប៉ុន ហើយមានគុណភាពស្របតាមតម្រូវការទីផ្សារ។ លើសពីនេះ ឧបករណ៍ប្រើប្រាស់នៅក្នុងកសិដ្ឋាន ជាពិសេសនៅក្នុងរោងចក្រគ្រប់បែបយ៉ាងសុទ្ធតែមានតម្លៃថ្លៃ និងត្រូវនាំចូលពីជប៉ុនដោយផ្ទាល់ទាំងអស់។
ទាក់ទងទៅនឹងតម្លៃនៅលើទីផ្សារត្រូវបានលោក ចាវ សួស្ដី បញ្ជាក់ឲ្យដឹងថា ត្រីដែលត្រូវបានកែច្នៃហើយគឺមានតម្លៃថ្លៃជាងត្រីស្រស់ទាំងមូលដល់ទៅ ៥ដងពោលគឺត្រីស្រស់ទាំងមូលថ្លៃ ១ម៉ឺនរៀល ឯត្រីកែច្នៃហើយមានតម្លៃ ៥ម៉ឺនរៀលក្នុងមួយគីឡូក្រាម។ កត្តានេះដោយសារដើម្បីទទួលបានសាចត្រីមានគុណភាពល្អតែ ១គីឡូក្រាម គេត្រូវការត្រីស្រស់យ៉ាងហោចណាស់ដល់ទៅ ៤គីឡូក្រាមមកកែច្នៃ។ តម្លៃនេះមិនសូវខុសគ្នាប៉ុន្មានទេរវាងក្នុងស្រុក និងតម្លៃនាំចេញគ្រាន់តែការនាំចេញមានបរិមាណច្រើន។ នេះជាអ្វីដែលលោកបានបញ្ជាក់។ លោក សួស្ដី ក៏បានប្រាប់ពីមូលហេតុដែលលោកជ្រើសរើសយកមុខរបរចិញ្ចឹមត្រីនេះ ដោយសារតែលោកគិតថាត្រីគឺជាចំណីដ៏ចាំបាច់បំផុតសម្រាប់របបអាហាររបស់មនុស្សនៅថ្ងៃអនាគត ចំណែកឯប្រភេទត្រីទីឡាព្យានេះទៀតសោត វាមានរសជាតិឆ្ងាញ់ស្រដៀងនឹងប្រភេទត្រីរបស់ជប៉ុនម្យ៉ាងដែលគេនិយមបរិភោគឆៅ ដូច្នេះហើយទើបលោកមានបំណងកែច្នៃត្រីប្រភេទនេះសម្រាប់នាំចេញទៅកាន់ទីផ្សារប្រទេសជប៉ុន។
គួរបញ្ចាក់ដែរថា កសិដ្ឋាន Cambodia Fresh Farm មានទីតាំងនៅភូមិថ្នល់ដាច់ ឃុំកោះចិន ស្រុកពញាឮ ខេត្តកណ្ដាល មានផ្ទៃដីជាង ៤ហិចតា។ កសិដ្ឋាននេះមានស្រះចំនួន២១ និងមានរោងសិប្បកម្មកែច្នៃត្រីនៅខណ្ឌសែនសុខ។ សង្វាក់ផលិតកម្មនេះ អាចផ្គត់ផ្គង់តម្រូវការទីផ្សារក្នុងស្រុកបានប្រមាណជាង ៣០០គីឡូក្រាមក្នុង ១ខែ ដល់ផ្សារទំនើបៗ និងភោជនីយដ្ឋានផងដែរ។ បច្ចុប្បន្ន កសិដ្ឋានមួយនេះក៏មានលទ្ធភាពកែច្នៃសាច់ត្រីទីឡាព្យាដល់ទៅ១៤ប្រភេទ រួមមាន សាច់ត្រីបន្ទះមានស្បែក សាច់ត្រីបន្ទះអត់ស្បែក ត្រីមូល ត្រីសម្ងួត ត្រីឆ្អើរ ត្រីបំពង ស្បែកត្រី ស្រកាត្រី ប្រម៉ាត់ត្រី ក្បាលត្រី ប្រហិតត្រី ម្សៅកាល់ស្យូម ម្សៅត្រីរោយលើបាយ(ម៉ិហ្គឹមិ) និងសំណល់ធ្វើជាជី ហើយក្នុងនោះ ភាគច្រើនផ្ដោតទៅលើសាច់ត្រីដែលត្រូវបានចម្អិតរួចងាយស្រួលក្នុងការនាំចេញ។ ជាមួយនឹងការបង្ហើបប្រាប់ពីលទ្ធភាពក្នុងការចិញ្ចឹម និងកែច្នៃត្រីទីឡាព្យាសម្រាប់នាំចេញទៅកាន់ប្រទេសជប៉ុន លោក ចាវ សួស្ដី ក៏មានចក្ខុវិស័យវែងឆ្ងាយក្នុងការបង្កើនផលិតភាពនៃការផលិត ព្រមទាំងការកែច្នៃផលិតផលត្រីឱ្យបានកាន់តែច្រើន ដែលអាចជួយលើកស្ទួយវិស័យកសិកម្ម ផ្នែកវារីវប្បកម្ម និងសេដ្ឋកិច្ចជាតិ ជាពិសេសជួយដល់បងប្អូនប្រជាកសិករដែលចិញ្ចឹមត្រីក្នុងស្រុកឱ្យមានកម្រិតជីវភាពកាន់តែប្រសើរឡើង។ បន្ថែមពីលើនេះ លោកក៏ថ្លែងអំណរគុណដល់បណ្តាអតិថិជនដែលតែងតែគាំទ្រផលិតផលក្នុងស្រុក និងសូមឱ្យបងប្អូនខ្មែរជ្រើសរើសនូវអាហារណាដែលល្អ និងមានសុវត្ថិភាពចំពោះសុខភាពផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋមន្ត្រីក្រសួងដែនដី ៖ លំនៅឋានមិនគ្រាន់តែជាលំនៅឋានទេ តែជាការកសាងជីវិតនៅក្នុងផ្ទះនោះសម្រាប់ប្រជាជនគ្រប់រូប
Top News, ព្រឹត្តិការណ៍, អចលនទ្រព្យ
• 28/10/2026
ភ្នំពេញ ៖ បន្ទាប់ពីការចុះបញ្ជីដីបង្ហើយ និងការបង្កើតបរិយាកាសគ្មានវិវាទរួចមក ក្រសួងរៀបចំដែនដី នគរូបនីយកម្ម និងសំណង់ បាននិងកំពុងផ្តោតការយកចិត្តទុកដាក់លើកិច្ចការលំនៅឋាន និងការងារសម្បទានដើម្បីសង្គម និងសេដ្ឋកិច្ច ដោយបានដាក់ចេញនូវគោលការណ៍ ចំនួន ៣ ជាផែនទីអនុវត្តការងារ រួមមាន៖ បុរីជនបទ ភូមិឋានក្សេមក្សាន្ត និងទ្រនំសុភមង្គល ដើម្បីបង្កលក្ខណៈឱ្យប្រជាជនខ្មែរគ្រប់រូបមានផ្ទះសម្បែងរស់នៅសមរម្យ ជាទ្រនំសុភមង្គល។
រុស្ស៊ី នឹងសង់ម៉ាស៊ីន រ៉េអាក់ទ័រ ៨ បន្ថែមទៀត នៅរោចក្រនុយក្លេអ៊ែររបស់អុីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 28/10/2026
បរទេស ៖ ក្រុមហ៊ុនរដ្ឋរបស់រុស្ស៊ី Rosatom ជំនាញខាងវិស័យថាមពលនុយក្លេអ៊ែរបានបង្ហាញផែនការថ្មីមួយត្រៀមសាងសង់ម៉ាស៊ីនរ៉េអាក់ទ័រចំនួន ៨ ទៀតនៅក្នុងរោងចក្រនុយក្លេអ៊ែរ Bushehr ប្រទេសអុីរ៉ង់ នេះបើយោងតាមការចេញផ្សាយរបស់កាសែតប៊ុលហ្ការី Novinata។ ប្រធានក្រុមហ៊ុនរដ្ឋរុស្ស៊ី លោក Alexei Likhachev បានប្រកាសពីកិច្ចព្រមព្រៀងដែលបានចុះហត្ថលេខាសម្រាប់បង្កើនសមត្ថភាពថាមពលនុយក្លេអ៊ែរផង ព្រមទាំងគម្រោងសង់រោងចក្រថាមពលនុយក្លេអ៊ែរខ្នាតតូចបន្ថែមទៀត។ តាមផែនការនេះ ក្រុមហ៊ុនរដ្ឋរុស្ស៊ី Rosatom
វិស័យកាហ្វេកម្ពុជាជំរុញការកែច្នៃ និងពង្រឹងគុណភាព ដើម្បីបង្កើនតម្លៃផលិតផល
ព្រឹត្តិការណ៍, អត្ថបទពាណិជ្ជកម្ម
• 28/10/2026
ភ្នំពេញ ៖ ការពង្រឹងគុណភាពកាហ្វេចាប់ពីការប្រមូលផលនៅចម្ការ រហូតដល់ដំណាក់កាលកែច្នៃ ត្រូវបានចាត់ទុកថាជាកត្តាសំខាន់ក្នុងការបង្កើតកាហ្វេពិសេស (Specialty Coffee) ដែលមានគុណភាព និងតម្លៃខ្ពស់ ដោយមានការជំរុញឱ្យអ្នកពាក់ព័ន្ធក្នុងខ្សែច្រវាក់តម្លៃកាហ្វេ សហការគ្នាដើម្បីឆ្លើយតបតម្រូវការទីផ្សារ។ ក្នុងថ្ងៃទី២ នៃកម្មវិធីសិក្សាឈ្វេងយល់អំពីវិស័យកាហ្វេ អ្នកចូលរួមបានចុះអនុវត្តផ្ទាល់នៅចម្ការ ដោយប្រមូលផលផ្លែកាហ្វេទុំក្រហម (Red Cherry) និងសិក្សាអំពីកម្រិតទុំដែលសមស្របសម្រាប់ផលិតកាហ្វេដែលមានគុណភាពខ្ពស់។ ការសិក្សានេះក៏បានផ្តោតលើបច្ចេកទេសជ្រើសរើសផ្លែកាហ្វេ ការប្រមូលផល
កងទ័ពអាកាសប៊ុលហ្គារីប្រារព្ធខួប ១១៤ ឆ្នាំនៃប្រតិបត្តិការយោធាតាមអាកាសលើកដំបូង
ព្រឹត្តិការណ៍, អាជីវកម្មថ្មី និងនវានុវត្ត
• 28/10/2026
រដ្ឋមន្ត្រីក្រសួងការពារជាតិប៊ុលហ្គារី លោក Dimitar Stoyanov និងអគ្គមេបញ្ជាការកងទ័ព លោក Emil Eftimov បានចូលរួមក្នុងពិធីគោរពវិញ្ញាណក្ខន្ធនៅមុខវិមានរំលឹកគុណដល់កងទ័ពអាកាស ក្នុងរាជធានីសូហ្វីយ៉ា (Sofia) កាលពីថ្ងៃទី១៦ ខែតុលា
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content