ប្រធាន GRA ៖ ទីផ្សារដីធ្លីនឹងមានតម្រូវការខ្លាំងក្រោយពេលរដ្ឋាភិបាលបើកសេដ្ឋកិច្ចឡើងវិញ

ភ្នំពេញ ៖ ជាមួយនឹងការបង្ហើបប្រាប់ពីគម្រោងនៃការបើកប្រទេស និងអាចដំណើរការសេដ្ឋកិច្ចឡើងវិញលើគ្រប់វិស័យពីសំណាក់រាជរដ្ឋាភិបាលកម្ពុជានោះ ប្រធានសមាគមអចលនទ្រព្យសកល (GRA) បានបង្ហាញពីភាពសុទិដ្ឋិនិយមយ៉ាងខ្លាំងចំពោះទីផ្សារនៃវិស័យមួយនេះ ជាពិសេសទីផ្សារដីធ្លីដែលអាចនឹងមានភាពល្អប្រសើរជាងគេ ខណៈដែលគម្រោងវិនិយោគថ្មីៗនៅក្នុងវិស័យឧស្សាហកម្មដែលត្រូវការប្រើប្រាស់ដីក្នុងទ្រង់ទ្រាយធំនោះបានកើនឡើងជាង១០០គម្រោងរួចទៅហើយនោះ។

អស់រយៈពេលជាង១ឆ្នាំកន្លងមកហើយ ដែលទីផ្សារអចលនទ្រព្យកម្ពុជាទទួលរងនូវសម្ពាធពីវិបត្តិនៃជំងឺឆ្លង រហូតមានអ្នកខ្លះបានបង្ខំចិត្តលក់ចេញទាំងតម្លៃទាបជាងទីផ្សារក៏គ្មានអ្នកទទួលទិញ ពោលគឺមានតែអ្នកលក់ ប៉ុន្តែគ្មានអ្នកទិញនោះឡើយ។

ប្រធានសមាគមអចលនទ្រព្យសកល (GRA) លោកឧកញ៉ា សំ សុខនឿន បានមានប្រសាសន៍ថា យ៉ាងយូរនៅត្រឹមដើមឆ្នាំ២០២២ខាងមុខនេះ វិស័យអចលនទ្រព្យកម្ពុជាអាចនឹងងាកមករកភាពល្អប្រសើរឡើងវិញជាបណ្តើរៗ បន្ទាប់ពីរាជរដ្ឋាភិបាលសម្រេចបើកសេដ្ឋកិច្ចឡើងវិញលើគ្រប់វិស័យ ដោយផ្តើមចាប់ពីវិស័យសេវាកម្ម និងទេសចរណ៍។

លោកឧកញ៉ា សំ សុខនឿន បានមានប្រសាសន៍បញ្ជាក់ថា ​៖

«ឲ្យវាកើនឡើងខ្លាំងភ្លាមៗតែម្ដងនោះ វាមិនអាចធ្វើទៅបាននោះទេ ពោលគឺត្រូវការពេលវេលាបន្តិច ប៉ុន្តែវានឹងងាកទៅរកភាពល្អប្រសើរឡើងវិញជាបណ្តើរៗ។ និយាយដោយឡែក ក្នុងរយៈពេលជាង១ឆ្នាំកន្លងទៅនេះ ទោះស្ថិតនៅក្នុងកំឡុងពេលកើតមានវិបត្តិជំងឺឆ្លងដែលបានគំរាមកំហែងលើគ្រប់វិស័យនោះ សម្រាប់ទីផ្សារអចលនទ្រព្យផ្នែកលំនៅដ្ឋានជាប់ដីហាក់មិនរងផលប៉ះពាល់ធ្ងន់ធ្ងរពេកនោះទេ ព្រោះភាគច្រើនតម្រូវការទីផ្សារជាក់ស្ដែងគឺជាអតិថិជនក្នុងស្រុក ដែលខុសពីទីផ្សារខុនដូ ដែលបានជាប់គាំងមួយចំនួនដោយសារតែអតិថិជនភាគច្រើនជាជនបរទេស»

ប្រធានសមាគមអចលនទ្រព្យសកល (GRA) បានមានប្រសាសន៍បន្តឲ្យដឹងទៀតថា អ្វីដែលជាក្ដីអំណរនោះគឺគម្រោងបើកប្រទេស និងសេដ្ឋកិច្ចលើគ្រប់វិស័យឡើងវិញក្នុងពេលខាងមុខនេះ វាគឺជារឿងល្អ ហើយល្អដល់គ្រប់ផ្នែកទាំងអស់ដែលមានចរន្តទីផ្សារឡើងវិញ។ ដោយឡែក សម្រាប់តែទីផ្សារអចលនទ្រព្យក៏នឹងវិលទៅរកភាពល្អប្រសើរឡើងវិញផងដែរ ទាំងទីផ្សារលំនៅដ្ឋាន ទាំងខុនដូ ទាំងវិស័យផ្សារទំនើប និងអគារការិយាល័យជាដើម។

លោកឧកញ៉ា សំ សុខនឿន បានបញ្ជាក់ថា ៖

«នៅក្នុងចំណោមទីផ្សារអចលនទ្រព្យទាំងអស់ ផ្នែកដីធ្លីអាចនឹងមានភាពល្អប្រសើរ និងកើនឡើងលឿនជាងគេ ព្រោះជាធម្មតានៅពេលដែលមានគម្រោងវិនិយោគថ្មី គឺចាំបាច់ត្រូវការប្រើប្រាស់ដី ជាពិសេសគម្រោងវិនិយោគ និងអភិវឌ្ឍន៍ក្នុងវិស័យឧស្សាហកម្ម ដែលចាំបាច់ត្រូវការដីធ្វើជាទីតាំងសម្រាប់ប្រតិបត្តិការ ដូច្នេះ ចង់មិនចង់ ទីផ្សារដីធ្លីនឹងមានការកើនឡើងបន្ថែមពីលើតម្រូវការដែលមានស្រាប់សម្រាប់អភិវឌ្ឍន៍គម្រោងនានា»


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ទោះបីជាខ្លាំងទាំងការអភិវឌ្ឍ ខ្លាំងទាំងសេដ្ឋកិច្ច-នយោបាយ តែអាមេរិកមិនមើលរំលងទីផ្សារចិញ្ចឹមគោយកសាច់ឡើយ

ព្រឹត្តិការណ៍, សេដ្ឋកិច្ច

• 28/03/2024

ការចិញ្ចឹមសត្វគោនិងឧស្សាហកម្មផលិតសាច់គោប៉ុណ្ណោះសហរដ្ឋអាមេរិកអាចទាញរកចំណូលបានទៅដល់រាប់ពាន់លានដុល្លារជារៀងរាល់ឆ្នាំនិងថែមទាំងមានឈ្មោះជា អ្នកផលិតសាច់គោច្រើនជាងគេបំផុតរបស់ពិភពលោក

World Bank ៖ កម្ពុជាអាចសម្រេចគោលដៅដ៏មានមហិច្ឆតារបស់ខ្លួនក្នុងការបង្កើនចំនួន​យានយន្ត​​អគ្គិសនីនៅលើដងផ្លូវ

ព្រឹត្តិការណ៍, សេដ្ឋកិច្ច

• 28/03/2024

World Bank បានឱ្យដឹងថា ប្រទេសកម្ពុជាអាចសម្រេចគោលដៅដ៏មានមហិច្ឆតារបស់ខ្លួន ក្នុងការបង្កើនចំនួនយានយន្តអគ្គិសនីនៅលើដងផ្លូវ

យុវជនសម័យថ្មីមានទំនោរគាំទ្រអាជីវកម្មបែបទំនើប

ព្រឹត្តិការណ៍, សេដ្ឋកិច្ច

• 28/03/2024

ជាការពិត ការហូរចូលមកនូវប្រព័ន្ធឌីជីថល បានធ្វើឱ្យមានការប្រែប្រួលយ៉ាងខ្លាំងនៅក្នុងស្ថានភាពរស់នៅប្រចាំថ្ងៃរបស់ប្រជាជនកម្ពុជាដែលកាន់តែមានភាពទំនើបកម្មជាងមុន ជាពិសេសបណ្តាមិត្តយុវវ័យកាន់តែមានទំនោរគាំទ្រទៅលើអ្វីដែលថ្មី ប្លែក និងទំនើប...

ពិព័រណ៍ទេសចរណ៍ និងពាណិជ្ជកម្មឆ្នាំ២០២៤ នៅក្រុងព្រះសីហនុ ជំរុញការវិនិយោគ និងបង្កើតផលិតផលទេសចរណ៍ថ្មីៗ

ព្រឹត្តិការណ៍, សេដ្ឋកិច្ច

• 28/03/2024

«ទេសចរណ៍ផ្តល់ឱកាសសម្រាប់ទាំងអស់គ្នា» ជាប្រធានបទនៅក្នុងព្រឹត្តិការណ៍តាំងពិព័រណ៍ទេសចរណ៍ និងពាណិជ្ជកម្មឆ្នាំ២០២៤ ដែលធ្វើឡើងនៅក្រុងព្រះសីហនុ ចាប់ពីថ្ងៃទី២៦-៣០ ខែមីនា ឆ្នាំ២០២៤

ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី២ បិទបញ្ចប់ជាមួយនឹងក្តីសង្ឃឹមសម្រាប់អនាគតផ្នែកវិទ្យាសាស្ត្ររបស់កម្ពុជា

ព្រឹត្តិការណ៍, សេដ្ឋកិច្ច

• 27/03/2024

ទិវាជាតិវិទ្យាសាស្ត្រ បច្ចេកវិទ្យា នវានុវត្តន៍លើកទី២ បានបញ្ចប់ទៅយ៉ាងជោគជ័យ ជាមួយនឹងការអបអរសាទរយ៉ាងក្លៀវក្លានៃកិច្ចសហប្រតិបត្តិការភាពច្នៃប្រតិដ្ឋ

សហគ្រាសឧស្សាហកម្មធំៗចំនួន១៧ របស់ប្រទេសចិន បានបង្ហាញពីចំណាប់អារម្មណ៍ និងបំណងពង្រីកការវិនិយោគ

ព្រឹត្តិការណ៍, សេដ្ឋកិច្ច

• 27/03/2024

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ជួបលោក Shen Mingrong ប្រធានក្រុមហ៊ុន Zhenjiang Zhoung និងប្រតិភូសហគ្រាសឧស្សាហកម្មធំៗ១៧ របស់ចិន

វេទិកា Maekyung Cambodia ទាក់ទាញការវិនិយោគ ពាណិជ្ជកម្ម និងធុរកិច្ច

ព្រឹត្តិការណ៍, សេដ្ឋកិច្ច

• 27/03/2024

កម្ពុជា ធ្វើជាម្ចាស់ផ្ទះរៀបចំវេទិកា Maekyung កម្ពុជា ក្រោមមូលបទ "ព្រះរាជាណាចក្រពោរពេញដោយកាលានុវត្តភាព កិច្ចសហប្រតិបត្តិការជាយុទ្ធសាស្រ្តដើម្បីរុញច្រានកំណើនសម្រាប់អនាគត"

ដំណឹងល្អ ! ជនមានពិការភាពជាម្ចាស់អាជីវកម្មខ្នាតមីក្រូ តូច និងមធ្យម នឹងទទួលបានការលើកកម្ពស់ការបង្កើតផលិតផល និងកម្មសិទ្ធិបញ្ញា

ព្រឹត្តិការណ៍, សេដ្ឋកិច្ច

• 27/03/2024

ជនមានពិការភាពដែលជាម្ចាស់អាជីវកម្ម មីក្រូ តូច និង មធ្យម នឹងទទួលបានការលើកកម្ពស់ក្នុងការបង្កើតផលិតផល សេវាកម្មថ្មីៗ និងរក្សាកម្មសិទ្ធិបញ្ញា

ការជិះរទេះគោនៅប្រដាក គឺជាផលិតផលថ្មីនៃសេវាកម្មទេសចរណ៍កំពុងទាក់ទាញទេសចរបរទេស

ព្រឹត្តិការណ៍, សេដ្ឋកិច្ច

• 27/03/2024

ការជិះរទេះគោ មើលភូមិអ្នកស្រុក និងជីវភាពរស់នៅប្រចាំថ្ងៃរបស់ប្រជាជននៅភូមិប្រដាក បានក្លាយជាគោលដៅទេសចរណ៍យ៉ាងសំខាន់របស់ទេសចរបរទេស

ហេតុការណ៍កប៉ាល់បុកស្ពាននៅទីក្រុង Baltimore នៃរដ្ឋ Maryland បានធ្វើឱ្យមនុស្ស៦នាក់បាត់បង់ជីវិត

ព្រឹត្តិការណ៍, សេដ្ឋកិច្ច

• 27/03/2024

កាលពីថ្ងៃទី ២៦ ខែមីនា រថយន្តជាច្រើនគ្រឿងដែលកំពុងឆ្លងកាត់ស្ពានដែលមានប្រវែងជាង ២,៦ គីឡូម៉ែត្របានធ្លាក់ចូលទឹកបន្ទាប់ពីកប៉ាល់ដឹកកុងតឺន័របានបុកសសរស្ពាន Francis Scott Key