សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កាលពី៣ខែមុន ក្រុមហ៊ុនដែលជាអ្នកផលិតសព្វាវុធដ៏ល្បីរបស់អាមេរិក Lockheed Martin បានសម្រេចចិត្តដើរចេញពីកិច្ចព្រមព្រៀងទិញយកក្រុមហ៊ុនអ្នកផលិតបច្ចេកវិទ្យា និងផ្កាយរណប Terran Orbital ប៉ុន្តែមកទល់នឹងសប្តាហ៍នេះ អ្វីៗបានប្រែប្រួលមកវិញ១៨០ដឺក្រេ។
ក្រុមហ៊ុនយក្សអ្នកជំនាញខាងបច្ចេកវិទ្យាអាវុធនេះបានប្រកាសក្នុងការទិញយកក្រុមហ៊ុន Terran Orbital ដាច់តែម្តងក្នុងតម្លៃប្រមាណ ៤៥០លានដុល្លារបូករួមទាំងការដោះស្រាយបំណុលប្រមាណជា ៣០លានដុល្លារផ្សេងទៀតផងដែរ ហើយតាមផែនការប្រតិបត្តិការទាំងអស់នឹងត្រូវប្រគល់ឲ្យ Lockheed នៅត្រឹមដំណាច់ឆ្នាំនេះ។
យ៉ាងណាក៏ដោយ ទោះបីជាពេលនេះក្រុមហ៊ុន Lockheed Martin នៅតែបន្តផលិត និងអភិវឌ្ឍទៅលើបច្ចេកវិទ្យាផ្កាយរណបខ្នាតតូចក៏ពិតមែន ប៉ុន្តែមួយរយៈចុងក្រោយនេះ Lockheed Martin បានងាកមកចាប់អារម្មណ៍តែជាមួយនឹងបណ្តាក្រុមហ៊ុនអ្នកផលិតបច្ចេកវិទ្យាផ្កាយរណបខ្នាតតូចប៉ុណ្ណោះ។
ក្នុងពេលដំណាលគ្នានេះ គេអាចមើលឃើញបានយ៉ាងច្បាស់ថា ដោយសារតែថ្មីៗនេះ ក្រសួងការពារជាតិរបស់អាមេរិកបានចំណាយលុយយ៉ាងសន្ធឹកសន្ធាប់ទៅលើកិច្ចព្រមព្រៀងជាមួយនឹងបណ្តាក្រុមហ៊ុនអ្នកផលិតផ្កាយរណបខ្នាតតូច ជំនួសឲ្យក្រុមហ៊ុនអ្នកផលិតផ្កាយរណបធំៗ។
គួរឲ្យដឹងដែរថា Terran Orbital ក៏ស្ថិតនៅក្នុងបញ្ជីក្រុមហ៊ុនអ្នកផលិតផ្កាយរណបខ្នាតតូចដែលរដ្ឋាភិបាលទីក្រុងវ៉ាស៊ិនតោនតែងតែធ្វើការជាមួយ។ Terran Orbital ត្រូវបានបង្កើតឡើងកាលពីឆ្នាំ២០១៣ ហើយមកទល់ពេលនេះ ក្រៅតែពីធ្វើការងារឲ្យ Lockheed ក្នុងការផលិតផ្កាយរណបហើយនោះ ក្រុមហ៊ុនក៏មានកិច្ចសហប្រតិបត្តិការជាមួយនឹងក្រសួងការពារជាតិអាមេរិក ក៏ដូចជាអង្គការណាសាផងដែរ ទៅលើគម្រោងទីអវកាសជាច្រើនផ្សេងទៀត។
នៅមុនពេលចេញសេចក្ដីប្រកាសកាលពីថ្ងៃទី១៥ ខែសីហា កន្លងទៅអំពីកុងត្រាទិញលក់នេះ ក្រុមហ៊ុន Lockheed គឺជាម្ចាស់ភាគហ៊ុន ១ ភាគ ៣ ស្រាប់ទៅហើយនៃក្រុមហ៊ុន Terran Orbital ដោយបានចំណាយលុយមួយកញ្ចប់ធំវិនិយោគកាលពីឆ្នាំ២០១៧។ បន្ថែមពីលើនេះ Terran ក៏បានក្លាយទៅជាក្រុមហ៊ុនជំនាញក្នុងការអភិវឌ្ឍ និងផលិតបច្ចេកវិទ្យាផ្កាយរណបខ្នាតតូចដែលអាចធ្វើប្រតិបត្តិការហោះហើរនៅលើទីអវកាសក្នុងកំពស់រហូតដល់ទៅប្រមាណ ១២០០ម៉ាល ឬត្រូវជា ១៩១៣គីឡូម៉ែត្រ៕
Account
Security
Favourite Content