សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ច្បាប់វិនិយោគថ្មីនៃព្រះរាជាណាចក្រកម្ពុជា បាន និងកំពុងហុចផលប្រយោជន៍ដល់ការវិនិយោគនៅក្នុងប្រទេសកម្ពុជាជាបន្តបន្ទាប់ ក្នុងនោះដែរ មានតំបន់មួយចំនួន កំពុងទទួលបានការវិនិយោគបន្ថែមទៀតតាមរយៈច្បាប់វិនិយោគថ្មីនេះ។ ជាក់ស្ដែងខេត្តស្វាយរៀងដែលជាខេត្តមានសក្ដានុពលទាក់ទាញវិនិយោគិន បាន និងកំពុងទទួលបានការចាប់អារម្មណ៍ខ្លាំងលើការវិនិយោគនៅក្នុងខេត្តមួយនេះ ។
ដើម្បីទាក់ទាញការវិនិយោគបន្ថែមទៀត ក្រុមប្រឹក្សាអភិវឌ្ឍន៍កម្ពុជា និងរដ្ឋបាលខេត្តស្វាយរៀង សហការក្នុងផ្សព្វផ្សាយច្បាប់ស្ដីពីវិនិយោគនៃព្រះរាជាណាចក្រកម្ពុជាដល់បណ្ដាវិនិយោគិន ពាណិជ្ជករ ក៏ដូចជាមន្ត្រីរាជការនៃរដ្ឋបាលខេត្ត ស្វែងយល់ក្នុងការអនុវត្តច្បាប់ជំរុញឱ្យការវិនិយោគកាន់តែល្អប្រសើរនៅក្នុងខេត្តស្វាយរៀង ។
ឯកឧត្តម សរ សុដានី អភិបាលរងខេត្តស្វាយរៀងបានថ្លែងថា អង្គសិក្ខាសាលាដ៏មានសារៈសំខាន់នាពេលនេះគឺចាំបាច់សម្រាប់ វិនិយោគិន ពាណិជ្ជករក៏ដូចជាមន្ត្រីរាជការនៃរដ្ឋបាលខេត្ត ស្វែងយល់ក្នុងការអនុវត្តច្បាប់ និងជំរុញការអនុវត្តវិស័យ វិនិយោគឲ្យកាន់តែល្អប្រសើរឡើង ដើម្បីរួមគ្នាអភិវឌ្ឍន៍សេដ្ឋកិច្ចខេត្ត ក៏ដូចជាសេដ្ឋកិច្ចជាតិ ជាប្រយោជន៍លើកស្ទួយជីវភាពប្រជាជនអោយសម្បូរសប្បាយជាបន្តបន្ទាប់។
ឯកឧត្តមសង្ឃឹមជឿជាក់ថា តាមរយៈលក្ខណអនុគ្រោះ និងលក្ខណៈពិសេសអំណោយផលនៃច្បាប់នេះ ខេត្តស្វាយរៀង នឹងទទួលបាននូវអត្ថប្រយោជន៍ជាច្រើន ជាពិសេសការមកបណ្តាក់ទុនបង្កើតរោងចក្រសហគ្រាស បង្កើតតំបន់សេដ្ឋកិច្ចពិសេសក្នុងខេត្តស្វាយរៀងជាបន្តបន្ទាប់ទៀត ដែលបច្ចុប្បន្នខេត្តស្វាយរៀងមានតំបន់សេដ្ឋកិច្ចពិសេស បានកំពុងដំណើរការចំនួន៩កន្លែង មានរោងចក្រសហគ្រាសសរុបចំនួន ២៩៣កន្លែងបង្កើតការងារប្រមាណជិត ៩,៥ម៉ឺនកន្លែង និងត្រៀមបង្កើត ចំនួន ២កន្លែងបន្ថែមទៀត ដែលបច្ចុប្បន្នកំពុងតែដំណើរការសាងសង់ហេដ្ឋារចនាសម្ព័ន្ធផ្សេងៗ។
បើតាមក្រុមប្រឹក្សាអភិវឌ្ឍន៍កម្ពុជាបានបង្ហាញឱ្យឃើញថា ក្នុងរយៈពេលជិត៤ខែកន្លងទៅនេះ កម្ពុជាទាក់ទាញបានគម្រោងវិនិយោគចំនួន១៤៧គម្រោងដែលមានទឹកប្រាក់ប្រមាណជាង ២ ៧០០លានដុល្លារអាមេរិក ក្នុងនោះខេត្តស្វាយរៀងក៏ឃើញថាទទួលបានគម្រោងវិនិយោគច្រើនគួរសមដែរ ក្នុងនោះមានរោងចក្រផលតសំបកកង់យានយន្តមួយបានពង្រីកទុនវិនិយោគរហូតដល់ជាង១០០លានដុល្លារ ដែលអាចបង្កើតការងាររាប់រយកន្លែងទៀតដល់ពលរដ្ឋ ៕
Account
Security
Favourite Content