គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ភ្នំពេញ ៖ ដើម្បីទាក់ទាញ​ និងជំរុញការ​វិនិយោគ​នៅខេត្ត​ព្រះសីហនុបន្ថែម ជាពិសេស​ទាក់ទាញវិនិយោគិន​ចូល​មក​បណ្ដាក់ទុន​វិនិយោគ​លើអគារ​ជាប់គាំង​ រាជរដ្ឋាភិបាល​បានសម្រេ​ច​លើក​ទឹកចិត្ត​ផ្នែកពន្ធ​ដល់ការ​វិនិ​យោគ​​ ៨​ចំណុច​សំខាន់ៗ ។

បើតាមលោក​ ត្រាំង ឡៃ អនុ​ប្រធាន​នាយកដ្ឋាន​សវនកម្ម​សហគ្រាស​នៃអគ្គ​នាយកដ្ឋាន​ពន្ធដារ បានមាន​ប្រសា​ស​ន៍ថា​​​ រាជរដ្ឋាភិបាល​នីតិកាល​ទី៧ បាន​ដាក់​ចេញនូវ​យុទ្ធសាស្ត្រ​បញ្ចកោណដំណាក់​កាលទី​១ ក្នុង​ការ​​ជំរុញ​ការ​អភិវឌ្ឍ​សង្គម​ សេដ្ឋកិច្ច​ គ្រប់​វិស័យ​ ក្នុងនោះដែរ រាជរដ្ឋាភិបាល​ ក៏បានពន្លឿន​ការអភិវឌ្ឍ​​ខេត្ត​ព្រះ​សីហនុឱ្យ​ក្លាយ​ទៅជា​តំបន់​សេដ្ឋកិច្ច​ពិសេស​គំរូពហុ​បំណង ដែលជាប៉ូល​សេដ្ឋកិច្ច​ដ៏​សំខាន់សម្រាប់​វិ​ស័​យ​ទេចរណ៍​ មជ្ឈមណ្ឌល​សេវាហិរញ្ញវត្ថុ​ តំបន់ឧស្សាហកម្ម​ជាដើម ដោយ​កំណត់​យន្ត​ការ​អនុវត្ត​ឱ្យ​បាន​ច្បា​ស់​លាស់​គ្រប់​ជ្រុងជ្រោយ និងការរៀបចំ​ផែនការ​មេ​អភិវឌ្ឍ​បណ្ដា​ខេត្ត​​ជាប់​ឆ្នេរ​សមុទ្រ​កម្ពុជា ជា​របៀ​ង​​សេ​ដ្ឋកិ​ច្ច​ពហុ​បំណង ​និងប្រទាក់ក្រឡា ។

លោក​បាន​ប្រសាសន៍​បន្តថា សម្រាប់​គម្រោង​វិនិយោគ​អគារ​ជាប់គាំងនានា​នៅក្នុងខេត្តព្រះសីហនុដែល​បានសាងសង់​ហើយ និងបានផ្អាក ពន្យារ​ពេល ឬបញ្ឈប់​ការ​សាងសង់​ចាប់ពីឆ្នាំ២០១៦ រា​ជរ​ដ្ឋា​​ភិ​បាល​បាន​លើកទឹកចិត្តផ្នែកពន្ធដារ​ចំនួន​៨ចំណុច​សំខាន់ៗក្នុងនោះរួមមាន ៖

១. លើក​លែង​ពន្ធលើ​ប្រាក់ចំណូល​ រួមទាំង​ប្រាក់រំដោះពន្ធ​លើ​ប្រាក់​ចំណូល​ប្រចាំខែ​ និងពន្ធអប្បបរមា​ប្រចាំឆ្នាំ រយៈពេល ​៣ឆ្នាំ

២.​លើកលែង​អាករ​លើតម្លៃបន្ថែម​ ចំពោះ​សហគ្រាស​ដែល​ផ្ដល់​កា​រផ្គត់ផ្គង់ទំនិញ ឬសេវាដល់​ការ​វិនិយោគ​ដើម្បីសាងសង់​បន្ត​ និងបញ្ចប់​អគារ​ជាប់គាំង

៣.ការ​លើកលែងពន្ធកាត់ទុក លើការ​ជួល​អចលនទ្រព្យ​​រយៈពេល​ ៥ឆ្នាំ ក្នុងករណី​វិនិយោគិន​មក​វិនិយោគលើអគារ​ជាប់​គាំង​ដែល​ទីតាំង​នោះជួលពីរូបវន្ត​បុគ្គល

៤. លើកលែងពន្ធលើអចលនទ្រព្យ និងលើ​កលែង​ទណ្ឌកម្ម​រដ្ឋបាល​រួមទាំង​ពន្ធ​បន្ថែម និងការ​ប្រាក់ទាំងអស់​ចាប់ពីឆ្នាំ២០១៦ ដល់ឆ្នាំ ២០២៥

៥.លើកលែង​ពន្ធ​ប្រថាប់ត្រា​លើកា​រផ្ទេរ​កម្មសិទ្ធិ​អចលនទ្រព្យចាប់ពីឆ្នាំ ២០២៣ ដល់ឆ្នាំ ២០២៥​

៦.លើកលែងពិន័យ ​និងការ​ប្រាក់ចាប់ពីឆ្នាំ២០១៦ ដល់ឆ្នាំ ២០២៤ សម្រាប់គម្រោង​ដែល​ស្នើ​សុំ ក្នុ​ងករណីអគ្គនាយកដ្ឋាន​ពន្ធដារ​ពុំទាន់ធ្វើសវនកម្ម​ពន្ធដារ ឬកំណត់​ពន្ធ

៧.អនុ​ញ្ញាតឱ្យ​សហគ្រាស​ជាអ្នកអភិវឌ្ឍ​លំនៅឋាន អាច​បង់ពន្ធ​ជា​កញ្ចប់​តាមដំណាក់​កាល​ ប៉ុន្តែមិនលើសពី​៣៦ខែ គិតចាប់ពីឆ្នាំ២០២៤​

៨.ផ្ដល់ការ​លើកទឹកចិត្ត​ ដោយ​ពន្ធអាករ ជា​បន្តុក​របស់​រដ្ឋ លើការ​ផលិត​ ឬការ​ផ្សព្វផ្សាយ​អំពីផលិត​ផលទេស​ចរណ៍​ គោលដៅទេសចរណ៍ ក្នុង​ខេត្តព្រះសីហនុ ( សម្រាប់ឆ្នាំ​២០២៤ និង​ឆ្នាំ ២០២៥ ) ។

កម្មវិធីនេះ​ផ្ដល់ការ​លើកទឹកចិត្ត​ជាច្រើន​រួមទាំង​ការ​លើក​ទឹកចិត្ត​ផ្នែក​ពន្ធដារផង​ និងសម្រួល​នីតិវិធី​ផ្សេង​ទៀត​​ផង ជូន​ដល់​វិនិយោគិន​ ឬធុរជន​ ដែលមានបំណង​វិនិយោគ​នៅខេត្ត​ព្រះសីហនុ ទាំង​វិនិយោគិន​ខ្មែរ​ និ​ង​បរទេស ។​

គួរ​បញ្ជាក់ថា រហូតមកដល់ពេលនេះ អគារ​ជាប់គាំង​នៅក្នុង​ខេត្តព្រះសីហនុ ត្រូវបាន​ដោះស្រាយ ​និងរក​ឃើញ​អ្នកវិនិយោគថ្មីមក​បន្ត​វិនិយោគ​លើអគារ​ជាប់គាំងទាំង​នោះជា​បន្តបន្ទាប់ ហើយ​រាជរដ្ឋាភិបាលក៏បាន និងកំពុង​ស្វែងរក​វិនិយោគិន​ថ្មីៗបន្ថែមទៀត​មកបន្ត​ដំណើរការ​វិនិយោគ​លើអគារ​ជាប់គាំង​ទាំង​នោះ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល

កម្ពុជា នឹងធ្វើជាម្ចាស់ផ្ទះ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូង

ព្រឹត្តិការណ៍, សេដ្ឋកិច្ច

• 18/07/2024

ព្រះរាជាណាចក្រកម្ពុជា នឹងធ្វើជាម្ចាស់ផ្ទះរៀបចំ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូងក្នុងប្រវត្តិសាស្ត្រ

ក្រុមប្រទេស​ G7 គ្រោងផ្តល់កម្ចី ៥០ ពាន់លានដុល្លារជួយអ៊ុយក្រែនកសាងប្រទេសឡើងវិញ

ព្រឹត្តិការណ៍, សេដ្ឋកិច្ច

• 18/07/2024

ក្រុមប្រទេស G7 បានឈានដល់កិច្ចព្រមព្រៀងមួយស្តីពីការប្រើប្រាស់ការប្រាក់ពីការបង្កកមូលនិធិរុស្ស៊ី ដោយគ្រោងផ្តលកម្ច ៥០ ពាន់លានដុល្លារក្នុងការជួយអុយក្រែ

តម្លៃមាសឡើងថ្លៃដល់កម្រិតខ្ពស់ជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 18/07/2024

តម្លៃមាសនៅលើទីផ្សារអន្តរជាតិបានឡើងថ្លៃដល់កម្រិតខ្ពស់ ២ ៤៨០ ដុល្លារក្នុងមួយអោន ហើយតម្លៃមាសអាចនឹងឡើងថ្លៃដល់ ៣ ០០០ ដុល្លារក្នុងមួយអោនក្នុងរយៈពេល ១២ខែបន្ទាប់

អ្នកជាប់ពន្ធត្រៀម ! ពន្ធដារ នឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

ព្រឹត្តិការណ៍, សេដ្ឋកិច្ច

• 18/07/2024

អគ្គនាយកដ្ឋានពន្ធដារ បានចេញសេចក្តីប្រកាសថា មន្ត្រីជំនាញពន្ធដារនឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

កិច្ចប្រជុំពេញអង្គលើកទី៣នៃបក្សកុម្មុយនីស្តចិនធ្វើឡើងចំពេលសេដ្ឋកិច្ចមានកំណើនយឺតយ៉ាវ

ព្រឹត្តិការណ៍, សេដ្ឋកិច្ច

• 18/07/2024

ចិនបន្តជួបបញ្ហារាំងស្ទះជាច្រើនក្រោយពេលវិបត្តិកូវីដដែលរួមមានបញ្ហាបំណុលក្នុងវិស័យអចលនទ្រព្យ និងបញ្ហានៃការធ្លាក់ចុះទំនុកចិត្តទីផ្សារជាដើម

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច