ក្រុមហ៊ុនចិន DeepSeek កំពុងអភិវឌ្ឍបន្ទះឈីប AI ផ្ទាល់ខ្លួន ដើម្បីបន្ថយការពឹងផ្អែកលើ Nvidia និង Huawei

បរទេស៖ ក្រុមហ៊ុនបញ្ញាសិប្បនិម្មិតរបស់ចិន DeepSeek កំពុងអភិវឌ្ឍបន្ទះឈីប AI ផ្ទាល់ខ្លួនស្ងាត់ៗក្នុងគោលបំណងកាត់បន្ថយការពឹងផ្អែកលើ Huawei និង ក្រុមហ៊ុនអាម៉េរិក Nvidia ដែលខ្លួនធ្លាប់ប្រើប្រាស់សម្រាប់បង្វឹក និងដំណើរការម៉ូដែល AI កន្លងមក។ នេះបើយោងតាមការរាយការណ៍ពីរ៉យទ័រ។

យ៉ាងណាមិញ វាមិនទាន់ជាព័ត៌មានជាផ្លូវការនៅឡើយ ប៉ុន្តែមានប្រភពបង្ហើបពីផែនការសម្ងាត់មួយនេះរបស់ Deepseek។ ការបង្កើតឈីបផ្ទាល់ខ្លួនរបស់ DeepSeek ដើរតាមគន្លងក្រុមហ៊ុនធំៗដទៃទៀតដូចជា OpenAI ដែលទើបប្រកាសចេញឈីបផ្ទាល់ខ្លួនឈ្មោះថា Jalapeno កាលពីខែមុន និង ក្រុមហ៊ុន Anthropic ដែលចង់គ្រប់គ្រងលើផ្នែក Hardware ផ្ទាល់ខ្លួន ដើម្បីកាត់បន្ថយការចំណាយលើការទិញឈីបពី Nvidia។

បន្ទះឈីបដែល DeepSeek កំពុងផលិតនេះ ត្រូវបានរចនាឡើងជាពិសេសសម្រាប់វគ្គ Inference គឺជាដំណាក់កាលដែល AI ដំណើរការគណនាដើម្បីឆ្លើយតប ឬបង្កើតលទ្ធផលជូនអ្នកប្រើប្រាស់។ គម្រោងនេះបានចាប់ផ្តើមប្រហែលមួយឆ្នាំមុន ដោយបច្ចុប្បន្នក្រុមហ៊ុនកំពុងពិភាក្សាស្វែងរកដៃគូសហការខាងក្រៅដូចជា ក្រុមហ៊ុនរចនាឈីប រោងចក្រផលិតឈីប និងក្រុមហ៊ុនផលិតឈីបអង្គចងចាំ។

ក្នុងរយៈពេលប៉ុន្មានខែចុងក្រោយនេះ ក្រុមហ៊ុនកំពុងជ្រើសរើសវិស្វកររចនាឈីបជាច្រើននាក់ដោយសម្ងាត់ ដោយមិនមានការបង្ហោះប្រកាសរើសបុគ្គលិកជាសាធារណៈឡើយ។

ស្របពេលជាមួយគ្នានេះ DeepSeek ក៏បានកែប្រែយុទ្ធសាស្ត្រហិរញ្ញវត្ថុរបស់ខ្លួន ដោយបើកផ្លូវទទួលទុនវិនិយោគពីខាងក្រៅជាលើកដំបូង ក្នុងទំហំទឹកប្រាក់រហូតដល់ ៧ ពាន់លានដុល្លារ ដែលធ្វើឱ្យតម្លៃក្រុមហ៊ុនហក់ឡើងចន្លោះពី ៥២ ទៅ ៥៩ ពាន់លានដុល្លារ។

មូលហេតុដែលជំរុញឱ្យ Deepseek ផលិតបន្ទះឈីបផ្ទាល់ខ្លួន គឺដោយសារសម្ពាធភូមិសាស្ត្រនយោបាយ និង ទណ្ឌកម្មពីសហរដ្ឋអាម៉េរិករារាំងក្រុមហ៊ុនចិនពីការទិញបន្ទះឈីបកម្រិតខ្ពស់បំផុតរបស់ Nvidia។

ជាការឆ្លើយតបទៅនឹងបញ្ហានេះ រដ្ឋាភិបាលទីក្រុងប៉េកាំងដាក់សម្ពាធឱ្យក្រុមហ៊ុនក្នុងស្រុកបង្កើតបច្ចេកវិទ្យាដោយខ្លួនឯងដើម្បីជំនួសរបស់បរទេស។ កន្លងមក ម៉ូដែលបញ្ញាសិប្បនិម្មិតផ្នែកតក្កវិទ្យា DeepSeek-R1 ត្រូវបានបង្វឹក និង ដំណើរការដោយឈីបល្បឿនទាប Nvidia H800 ប៉ុណ្ណោះ។

ក្នុងអំឡុងពេលនោះ DeepSeek-R1 មានសមត្ថភាពខ្ពស់ ប៉ុន្តែចំណាយថ្លៃដើមទាបខ្លាំងក្នុងការបង្វឹក និងដំណើរការ បើធៀបនឹង AI របស់អាម៉េរិក។ វាបង្កឱ្យមានការភ្ញាក់ផ្អើលជាសកល និងធ្វើឱ្យតម្លៃភាគហ៊ុនបច្ចេកវិទ្យារបស់អាម៉េរិកធ្លាក់ចុះយ៉ាងខ្លាំង ដោយសារវិនិយោគិនបារម្ភថា AI របស់ចិនអាចមានប្រៀបជាង និងចំណាយតិចជាង។

ជាលទ្ធផល អាម៉េរិកបានហាមឃាត់ការនាំចេញឈីប Nvidia H800 ចុងឆ្នាំ ២០២៣។ បន្ទាប់មក DeepSeek ក៏ងាកទៅពឹងផ្អែកលើឈីប Ascend របស់ក្រុមហ៊ុន Huawei វិញសម្រាប់ម៉ូដែលបញ្ញាសិប្បនិម្មិតចុងក្រោយបង្អស់របស់ខ្លួន V4 និង V4-Flash។

ការហាមឃាត់របស់អាម៉េរិកបានជួយឱ្យក្រុមហ៊ុន Huawei អាចក្តោបក្តាប់ចំណែកទីផ្សារ AI របស់ចិនប្រហែលពាក់កណ្តាលនៃតម្លៃទីផ្សារសរុប ៥០ ពាន់លានដុល្លារ បើទោះបីជាឈីបរបស់ក្រុមហ៊ុនចិនមួយនេះដំណើរយឺតជាង Nvidia ក៏ដោយ។

ទោះជាយ៉ាងណាក្តី អំណាចរបស់ Huawei កំពុងរងការគំរាមកំហែង ដោយសារក្រុមហ៊ុនធំៗរបស់ចិនផ្សេងទៀតដូចជា Alibaba និង Baidu កំពុងអភិវឌ្ឍឈីបផ្ទាល់ខ្លួនដែរ ហើយពេលនេះមាន DeepSeek ចូលរួមថែមមួយទៀត។

អ្នកវិភាគមើលឃើញថា ការបង្កើតឈីបបញ្ញាសិប្បនិម្មិត AI ឱ្យមានប្រសិទ្ធភាពត្រូវចំណាយពេលច្រើនឆ្នាំ និងដើមទុនច្រើនសន្ធឹកសន្ធាប់។

មិនត្រឹមតែប៉ុណ្ណោះ ឧបសគ្គធំជាងគេសម្រាប់ DeepSeek គឺទណ្ឌកម្មរបស់អាម៉េរិកហាមឃាត់មិនឱ្យក្រុមហ៊ុនចិនទទួលបានសេវាកម្មពីរោងចក្រផលិតឈីបកម្រិតខ្ពស់នៅបរទេស និងការកាត់ផ្តាច់លទ្ធភាពទទួលបានបច្ចេកវិទ្យាអង្គចងចាំល្បឿនលឿន (HBM) ដែលជាសមាសភាគដ៏សំខាន់សម្រាប់ដំណើរការឈីប AI Inference៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហគមន៍​សសី ​អាច​ផ្គត់ផ្គង់​បន្លែ​សុវត្ថិ​ភាព​ជិត​​ ១ តោន​ក្នុង​ ១ ​ថ្ងៃ ​ដល់​ផ្សារ​នៅ​សៀមរាប​ ​ក្រោយ​ដាំដុះ​ក្នុង​ផ្ទះ​សំណាញ់​

បទយកការណ៍, សេដ្ឋកិច្ច

• 22/11/2026

​សហគមន៍​កសិកម្ម​ទំនើបសសី ​ក្នុង​ខេត្ត​សៀមរាប​ ​អាច​ប្រមូល​ផល​ ​និង​ផ្គត់ផ្គង់​បន្លែ​សុវត្ថិ​ភាព​បាន​ចន្លោះ​ពី​ ​៨០០ ​គីឡូក្រាម​ ​ទៅ​ ១ តោន​ក្នុង​ ១ ​ថ្ងៃ​ ​ទៅកាន់​ផ្សារ​ទំនើប​ ​និង​ទីផ្សារ​បោះ​ដុំ​ក្នុង​ខេត្ត​ ​ក្រោយពី​អនុវត្ត​ការ​ដាំដុះ​តាម​បច្ចេកទេស​ក្នុង​ផ្ទះសំណាញ់​ ​

កសិករ ១៦ ០០០គ្រួសារ ក្នុងសហគមន៍កសិកម្មចំនួន ៨៤  នៅខេត្តចំនួន៤ នឹងទទួលបាន គ្រឿងចក្រ​ ត្រាក់ទ័រ គោយន្ត ម៉ាស៊ីនច្រូតកាត់ ដ្រូនកសិកម្ម ជាហេដ្ឋារចនាសម្ព័ន្ធផលិតកម្ម​ មានតម្លៃជាង ២លានដុល្លារ

Top News, ព្រឹត្តិការណ៍, សេដ្ឋកិច្ច

• 22/11/2026

សៀមរាប ៖ ប្រជាកសិករចំនួន ១៦ ០០០គ្រួសារ ក្នុងសហគមន៍កសិកម្មចំនួន៨៤ នៅខេត្តចំនួន៤ រួមមាន ខេត្តកំពង់ធំ ព្រះវិហារ ឧត្តរមានជ័យ និងខេត្តសៀមរាប នឹងទទួលបានការគាំទ្រនូវហេដ្ឋារចនាសម្ព័ន្ធផលិតកម្ម រួមមាន ផ្ទះសំណាញ់  គ្រឿងចក្រ​ ត្រាក់ទ័រ គោយន្ត ម៉ាស៊ីនច្រូតកាត់ ដ្រូនកសិកម្ម

វេទិកា​ ​Made ​in ​Cambodia ​បើក​ទំព័រ​ថ្មី​សម្រាប់​ផលិតករ​ខ្មែរ ​​ពង្រឹង​គុណភាព​ ​និង​បង្កើន​ឱកាស​ទីផ្សារ

ព្រឹត្តិការណ៍, សេដ្ឋកិច្ច

• 22/11/2026

​ភា​មុខរបរ ​និង​មីក្រូសហគ្រាស​កម្ពុជា​ ​បាន​បើក​ដំណើរការ​វេទិកា​គាំទ្រ​ផលិតផល​ខ្មែរ​ ​(​Khmer ​Product ​Support ​Forum ​–​ ​Made ​in ​Cambodia​)​ ស៊េរី​ឆ្នាំ​២០២៦​-​២៧ ​ដោយ​ផ្តោត​លើ​ការ​ពង្រឹង​សមត្ថភាព​ផលិតករ​ក្នុង​ស្រុក​ ​លើកកម្ពស់​គុណភាព​ផលិតផល​ ​និង​ពង្រីក​ឱកាស​ទីផ្សារ​ទាំង​ក្នុង​ប្រទេស​ ​និង​អន្តរជាតិ​

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ


Leave a Reply

Your email address will not be published.Required fields are marked *