សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យ៉ាងហោចណាស់ថវិកាប្រមាណ ៥៨ពាន់លានដុល្លារនឹងត្រូវយកទៅចំណាយសម្រាប់ជួសជុលហេដ្ឋារចនាសម្ព័ន្ធនៅទូទាំងតំបន់មជ្ឈិមបូព៌ាដែលរងគ្រោះដោយសារតែភ្លើងសង្គ្រាម ហើយនៅក្នុងនោះត្រឹមតែហេដ្ឋារចនាសម្ព័ន្នប្រេង និងឧស្ម័នប៉ុណ្ណោះ ត្រូវការរហូតដល់ទៅប្រមាណ ៥០ ពាន់លានដុល្លារ នេះបើយោងតាមសេចក្ដីរាយការណ៍ពី RT News ។
របាយការណ៍ពីក្រុមហ៊ុនស្រាវជ្រាវថាមពល Rystad បានបង្ហាញថា សង្គ្រាមនៅមជ្ឈិមបូព៌ាអាចធ្វើឲ្យតំបន់មួយនេះចំណាយលុយសម្រាប់ជួសជុលសរុបដល់ទៅ ៥៨ ពាន់លានដុល្លារ។ យ៉ាងណាមិញ ថវិកាសម្រាប់ជួសជុលមិនមែនជាឧបសគ្គចម្បងនោះទេ ប៉ុន្តែសមត្ថភាពសកលនៅមានកម្រិតពាក់ព័ន្ធនឹងការផ្គត់ផ្គង់ឧបករណ៍ និងសេវាកម្មវិស្វកម្មសំខាន់ៗ ដែលអាចពន្យារពេលការជួសជុលជាច្រើនឆ្នាំ។ Rystad បានប៉ាន់ប្រមាណថា ក្រុមហ៊ុនបានផ្តល់មូលនិធិដំបូងប្រហែល ២៥ ពាន់លានដុល្លារកាលពី ៣ សប្តាហ៍មុន ដែលឆ្លុះបញ្ចាំងពីវិសាលភាពនៃការខូចខាតមានសភាពធ្ងន់ធ្ងរ។
លោក Karan Satwani អ្នកវិភាគជាន់ខ្ពស់ Rystad បានលើកឡើងថា ការជួសជុលមិនមានសមត្ថភាព ឬបច្ចេកទេសថ្មីៗនោះទេ មានន័យថា ពួកគេត្រូវបង្វែរសមត្ថភាពដែលមានស្រាប់ និងកំពុងធ្វើការលើគម្រោងថ្មីៗនោះទៅប្រើប្រាស់សម្រាប់ការជួសជុលវិញ។ ការអនុវត្តបែបនេះអាចធ្វើឲ្យមានការពន្យារពេលលើគម្រោងផ្សេងៗ និងអាចជំរុញឲ្យមានអតិផរណាកើនឡើងទៅលើតំបន់ផ្សេងៗទៀតលើសពីមជ្ឈិមបូព៌ា។
Rystad បានព្យាការណ៍ថា ខ្ទង់ចំណាយលើការជួសជុលសរុបជាមធ្យមប្រហែល ៤៦ ពាន់លានដុល្លារ សម្រាប់ការជួសជុលកន្លែងចម្រាញ់ឥន្ធនៈ និងទ្រព្យសម្បត្តិគីមីដែលរងការខូចខាតខ្លាំងបំផុត។ គ្រឿងបរិក្ខារឯកទេសធំៗ, ថាមពល និងគ្រឿងបរិក្ខារសម្រាប់ចម្រាញ់អាចត្រូវចំណាយលុយបន្ថែមពី ៣ ពាន់លានដុល្លារទៅ ៨ ពាន់លានដុល្លារថែមទៀត ប៉ុន្តែពេលវេលានៃការស្តារឡើងវិញអាចខុសគ្នា អាស្រ័យលើសមត្ថភាពប្រតិបត្តិការ និងឧបសគ្គនៃខ្សែសង្វាក់ផ្គត់ផ្គង់។ អ៊ីរ៉ង់ ប្រឈមមុខនឹងការខូចខាតយ៉ាងធ្ងន់បំផុតជាមួយនឹងខ្ទង់ចំណាយដែលអាចឈានដល់ ១៩ ពាន់លានដុល្លារលើការជួសជុលប្រតិបត្តិការកែច្នៃឧស្ម័ន ការចម្រាញ់ និងហេដ្ឋារចនាសម្ព័ន្ធសម្រាប់នាំចេញ។ ទន្ទឹមនឹងនោះ ប្រទេសកាតា បានរងការខូចខាតខ្លាំងជាងគេទៅលើផ្នែកបច្ចេកទេស ជាពិសេស មជ្ឈមណ្ឌលថាមពលដ៏សំខាន់ Ras Laffan LNG ដែលត្រូវការជួសជុលបន្ទាន់ ខណៈដែលទីតាំងប្រតិបត្តិការប្រេងមួយចំនួនទៀតក៏ត្រូវការជួសជុលដុចគ្នា។
សូមជម្រាបថា ទីក្រុងតេអេរ៉ង់ ក្រោយបញ្ចប់សង្គ្រាម គ្រោងនឹងទាមទារសំណងពីរដ្ឋអារ៉ាប់ចំនួន ៥ រួមមាន បារ៉ែន ហ្ស៊កដានី កាតា អារ៉ាប់រួម និងអារ៉ាប៊ីសាអូឌីត ក្រោមហេតុផលថា ប្រទេសទាំងនេះបានចូលរួមជាមួយអាម៉េរិក និងអ៊ីស្រាអែល នៅក្នុងសឹកសង្គ្រាមមួយនេះ ដែលបានបំពានទៅលើកិច្ចសន្យា និងកាតព្វកិច្ចរបស់ពួកគេចំពោះអ៊ីរ៉ង់៕
Account
Security
Favourite Content