សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ធនាគារជាតិនៃកម្ពុជា (NBC) បានអំពាវនាវឱ្យសាធារណជនមានការប្រុងប្រយ័ត្នខ្ពស់ មុននឹងតភ្ជាប់ ឬចូលប្រើប្រាស់សេវាទូទាត់សងប្រាក់ណាមួយដែលមិនមានអាជ្ញាបណ្ណច្បាស់លាស់ ដើម្បីចៀសវាងហានិភ័យ ឬការខាតបង់ដែលអាចកើតមានពីការឆបោកតាមប្រព័ន្ធបច្ចេកវិទ្យា។
ការអំពាវនាវនេះធ្វើឡើងនៅថ្ងៃទី១១ ខែកញ្ញា ឆ្នាំ ២០២៦ បន្ទាប់ពី NBC បានពិនិត្យឃើញថា គេហទំព័រ khqr.co បានផ្សព្វផ្សាយអំពីការផ្តល់មុខងារជាថ្នាល ដែលអនុញ្ញាតឱ្យអ្នកប្រើប្រាស់បង្កើតគណនីចូលក្នុងថ្នាល និងចុះឈ្មោះជាពាណិជ្ជករ ដើម្បីធ្វើប្រតិបត្តិការទទួលការទូទាត់សងប្រាក់ តាមរយៈការស្កេន KHQR Code ឬការតភ្ជាប់ទៅកម្មវិធីទូទាត់ចល័តរបស់គ្រឹះស្ថានធនាគារ និងកម្មវិធី Binance ជាដើម។
ធនាគារជាតិ បានបញ្ជាក់ថា ការផ្តល់ថ្នាល ឬប្រព័ន្ធសម្រាប់ផ្តល់សេវាទូទាត់សងប្រាក់ជូនពាណិជ្ជករ ឬបុគ្គលណាមួយ អាចធ្វើបានតែដោយគ្រឹះស្ថានធនាគារ និងហិរញ្ញវត្ថុ ឬគ្រឹះស្ថានផ្តល់សេវាទូទាត់សងប្រាក់ដែលមានអាជ្ញាបណ្ណ ឬទទួលបានការអនុញ្ញាតពីធនាគារជាតិនៃកម្ពុជាប៉ុណ្ណោះ។
សម្រាប់គេហទំព័រ khqr.co ធនាគារជាតិ បានបញ្ជាក់ថា គេហទំព័រនេះមិនមែនជាគេហទំព័ររបស់គ្រឹះស្ថានធនាគារ និងហិរញ្ញវត្ថុ ឬគ្រឹះស្ថានផ្តល់សេវាទូទាត់សងប្រាក់ដែលមានអាជ្ញាបណ្ណ ឬទទួលបានការអនុញ្ញាតពីធនាគារជាតិនៃកម្ពុជានោះឡើយ។
សម្រាប់ករណីនេះ ធនាគារជាតិ បាននិងកំពុងសហការជាមួយអាជ្ញាធរមានសមត្ថកិច្ចពាក់ព័ន្ធ ដើម្បីចាត់វិធានការក្នុងគោលបំណងទប់ស្កាត់ហានិភ័យនានាដែលអាចកើតមានឡើងចំពោះប្រព័ន្ធទូទាត់សងប្រាក់។
ធនាគារជាតិនៃកម្ពុជាបានបញ្ជាក់បន្ថែមថា ក្នុងករណីបុគ្គល ឬនីតិបុគ្គលណាអនុវត្តផ្ទុយនឹងច្បាប់ និងបទប្បញ្ញត្តិដែលមានជាធរមាន ត្រូវទទួលខុសត្រូវចំពោះមុខច្បាប់។
ធនាគារជាតិ បានស្នើឱ្យសាធារណជនពិនិត្យឱ្យបានច្បាស់លាស់ មុននឹងធ្វើការតភ្ជាប់ ឬចូលប្រើប្រាស់សេវាទូទាត់សងប្រាក់ណាមួយដែលមិនមានអាជ្ញាបណ្ណច្បាស់លាស់ ជាពិសេសចំពោះហានិភ័យនៃការឆបោកតាមប្រព័ន្ធបច្ចេកវិទ្យា ដែលអាចបង្កឱ្យមានការខាតបង់ដោយប្រការណាមួយ។
ក្នុងករណីមានការសង្ស័យ សាធារណជនអាចពិនិត្យបញ្ជីឈ្មោះគ្រឹះស្ថានដែលទទួលបានអាជ្ញាបណ្ណពីធនាគារជាតិនៃកម្ពុជា តាមរយៈគេហទំព័ររបស់ធនាគារជាតិនៃកម្ពុជា៕
Account
Security
Favourite Content