សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។
នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា បើទោះបីជាមានការផ្លាស់ប្តូរអ្នកដឹកនាំនយោបាយនៅទីក្រុងវ៉ាស៊ីនតោន និងស៊េអ៊ូលនាពេលថ្មីៗនេះយ៉ាងណាក៏ដោយ ក៏ការបន្តធ្វើសមយុទ្ធត្រីភាគីកម្រិតខ្ពស់នេះបានរៀបរាប់យ៉ាងច្បាស់ពីភាពស្ថិតស្ថេរនៃយុទ្ធសាស្ត្រឥណ្ឌូប៉ាស៊ីហ្វិករបស់អាមេរិក ខណៈដែលការធ្វើសមយុទ្ធទ្វេភាគីរវាងអាមេរិក និងកូរ៉េខាងត្បូង ត្រូវបានកាត់បន្ថយទ្រង់ទ្រាយបន្តិច ដោយសារសម្ពាធនយោបាយ ប៉ុន្តែការធ្វើសមយុទ្ធរួមគ្នាដែលមានវត្តមានកងទ័ពជប៉ុន កូរ៉េខាងត្បូង ព្រមទាំងអាមេរិក នៅតែបន្តដំណើរការទៅតាមផែនការក្នុងប្រទេសកូរ៉េខាងត្បូង។
ជាប្រវត្តិសាស្ត្រ ការបង្កើតកិច្ចសហប្រតិបត្តិការសន្តិសុខស្របគ្នារវាងស៊េអ៊ូល និងតូក្យូ បានជួបប្រទះឧបសគ្គជាច្រើនដោយសារជម្លោះប្រវត្តិសាស្ត្រនាសម័យអាណានិគមដែលមិនទាន់ដោះស្រាយរួច។ យ៉ាងណាក៏ដោយ ការផ្លាស់ប្តូរនយោបាយនៅកូរ៉េខាងត្បូងបានកាត់បន្ថយឧបសគ្គទាំងនេះ ដើម្បីឈានទៅរកកិច្ចសហការកាន់តែស៊ីជម្រៅឡើងវិញ។ ជាមួយគ្នានេះ ទោះបីជាធ្លាប់មានការប្រឆាំងនឹងការស្ដារទំនាក់ទំនងជាមួយតូក្យូពីមុនមកក៏ដោយ អ្នកដឹកនាំនយោបាយកូរ៉េខាងត្បូងនៅតែបន្តប្រកាន់ខ្ជាប់នូវគោលនយោបាយការបរទេសស្របតាមអាមេរិក ដោយគោរពតាមការប្តេជ្ញាចិត្តត្រីភាគី និងងាកចេញពីគោលការណ៍រក្សាតុល្យភាពសន្តិសុខជាមួយវ៉ាស៊ីនតោន និងទំនាក់ទំនងសេដ្ឋកិច្ចជាមួយប៉េកាំង។
ការរុញច្រានឱ្យមានកិច្ចសហប្រតិបត្តិការត្រីភាគីជាប្រចាំនេះ ឆ្លុះបញ្ចាំងពីវិសាលភាពប្រតិបត្តិការដ៏ទូលំទូលាយ ដែលលើសពីការទប់ស្កាត់ការគំរាមកំហែងនៅលើឧបទ្វីបកូរ៉េ។ ក្រុមអ្នកយុទ្ធសាស្ត្របានកត់សម្គាល់ថា ការធ្វើសមយុទ្ធរួមគ្នានេះ រួមជាមួយក្របខ័ណ្ឌសម្ព័ន្ធមិត្តផ្សេងទៀតដូចជា AUKUS និងការពង្រីកទំនាក់ទំនងជាមួយហ្វីលីពីន ត្រូវបានរៀបចំឡើងដើម្បីឆ្លើយតបទៅនឹងស្ថានការណ៍ក្នុងតំបន់ឱ្យកាន់តែទូលំទូលាយ រួមទាំងយុទ្ធសាស្ត្ររារាំង និងទប់ស្កាត់ឥទ្ធិពលរបស់ប្រទេសចិនផងដែរ។
គួរឲ្យដឹងដែរថា កូរ៉េខាងត្បូង សហរដ្ឋអាមេរិក និងជប៉ុន បានចាប់ផ្តើមធ្វើសមយុទ្ធយោធារួមគ្នារយៈពេល៥ថ្ងៃកាលពីថ្ងៃចន្ទសប្តាហ៍នេះ ដោយដំណើរការទៅតាមកាលវិភាគ ទោះបីជាសមយុទ្ធសំខាន់ៗនៅទីក្រុងសេអ៊ូល-វ៉ាស៊ីនតោន នាពេលថ្មីៗនេះ ត្រូវបានកាត់បន្ថយទៅតាមបទបញ្ជារបស់ប្រធានាធិបតីសហរដ្ឋអាមេរិក លោកDonald Trump ក៏ដោយ។
នាយសេនាធិការចម្រុះកូរ៉េខាងត្បូង (JCS) បាននិយាយនៅក្នុងសេចក្តីប្រកាសព័ត៌មានមួយថា សមយុទ្ធពហុដែន Freedom Edge បានចាប់ផ្តើមនៅក្នុងដែនទឹកអន្តរជាតិខាងកើត និងខាងត្បូងនៃកោះ Jeju ភាគខាងត្បូងរបស់ប្រទេសកូរ៉េខាងត្បូង៕
Account
Security
Favourite Content