សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ស្របតាមគោលការណ៍ជំរុញសន្តិសុខដែនសមុទ្រ និងគោលដៅផលិតកម្មក្នុងស្រុកឱ្យកាន់តែរឹងមាំ ប្រទេសឥណ្ឌា កាលពីចុងសប្តាហ៍កន្លងទៅនេះ បានប្រកាសដាក់ឱ្យដំណើរការជាផ្លូវការនូវនាវាចម្បាំសម្រាប់ទ័ពជើងទឹកដែលផលិតឡើងនៅក្នុងស្រុកចំនួន ៣ គ្រឿងបន្ថែមទៀត ។
យោងតាមការចេញផ្សាយរបស់ Defense News កាលពីដើមសប្តាហ៍នេះបានសរសេរថា នាវាទាំង៣ នោះរួមមាន នាវាចម្បាំងបំបាំងកាយពហុមុខងារ (Stealth Frigate) នាវាប្រឆាំងនាវាមុជទឹក និងនាវាឃ្លាំមើលតាមតំបន់ឆ្នេរ ។ នាវាទាំងនេះត្រូវបានអភិវឌ្ឍ និងផលិតនៅក្នុងទីក្រុង Kolkata ភាគខាងកើតប្រទេស ដោយក្រុមហ៊ុនរដ្ឋ Garden Reach Shipbuilders & Engineers (GRSE)។
ការដាក់ឱ្យដំណើរការនាវាទាំង ៣ គ្រឿងក្នុងពេលតែមួយនេះ គឺជាផ្នែកមួយនៃកិច្ចខិតខំប្រឹងប្រែងធ្វើទំនើបកម្មយ៉ាងខ្លាំងក្លារបស់ឥណ្ឌា ដែលក្នុងនោះវានឹងធ្វើឱ្យឥណ្ឌាអាចបន្ថែមនាវាចម្បាំងថ្មីក្នុងចំនួនដល់ទៅ ១៩ គ្រឿងទៅក្នុងកងនាវារបស់ខ្លួនឲ្យបានរួចរាល់ត្រឹមឆ្នាំ២០២៦នេះប៉ុណ្ណោះ។
គួរឲ្យដឹងដែរថា នាវាទាំងនេះប្រើប្រាស់គ្រឿងបន្លាស់ផលិតក្នុងស្រុកប្រមាណពី ៧៥ ទៅ ៨០ភាគរយ ដែលជាចំណុចថ្មីនៃរបត់ដ៏សំខាន់មួយសម្រាប់គំនិតផ្តួចផ្តើមការពារជាតិ “Make in India” ឬផលិតនៅឥណ្ឌា របស់នាយករដ្ឋមន្ត្រី Narendra Modi ។
នៅក្នុងពិធីដាក់ឱ្យដំណើរការនាវានោះ នាយករដ្ឋមន្ត្រី លោក Modi បានថ្លែងពីមហិច្ឆតារបស់ឥណ្ឌាយ៉ាងច្បាស់ថា៖ ឥណ្ឌាលែងចង់ធ្វើជាត្រឹមតែអ្នកបញ្ជាទិញនៅក្នុងវិស័យការពារជាតិទៀតហើយ។ ថ្វីត្បិតតែផលិតផលយោធារបស់ឥណ្ឌា មិនអាចក្លាយជាទីផ្សារសម្រាប់ពិភពលោកបានក្តី ប៉ុន្តែ និយមន័យនៃអំណាច គឺស្ថិតនៅលើភាពររឹងមាំដោយពឹងផ្អែកលើខ្លួនឯងជារឿងសំខាន់។
យ៉ាងណាក៏ដោយ ក្រុមអ្នកវិភាគពីវិស័យការពារជាតិបានមើលឃើញថា ភាពជោគជ័យក្នុងការផលិតនាវាចម្បាំងក្នុងស្រុកគឺជាជ័យជម្នះដ៏ធំធេងក៏ដោយ ប៉ុន្តែឥណ្ឌានៅមិនទាន់អាចពឹងផ្អែកលើខ្លួនឯងទាំងស្រុងនៅឡើយទេ ពោល គឺ ទីក្រុងញូដេលី នៅតែត្រូវពឹងផ្អែកខ្លាំងលើដៃគូអន្តរជាតិសម្រាប់សមាសធាតុបច្ចេកវិទ្យាកម្រិតខ្ពស់មួយចំនួនទៀត៕
Account
Security
Favourite Content