រុស្ស៊ី​ប្ដូរ​យុទ្ធសាស្ត្រ​ហិរញ្ញវត្ថុ ​​ពង្រឹង​ពាណិជ្ជកម្ម​ជាមួយ​ចិន​ ទោះ​ការ​ប្រើ​ប្រាក់​យន់​ធ្លាក់ចុះ​

ការ​ធ្លាក់ចុះ​នៃ​ការ​ទូទាត់​ជា​ប្រាក់​យន់​ក្នុង​ពាណិជ្ជកម្ម​រវាង​រុស្ស៊ី​ និង​ចិន ​កំពុង​បង្កើត​ការ​ជជែក​ដេញដោល​អំពី​ប្រសិទ្ធភាព​នៃ​យុទ្ធសាស្ត្រ​របស់​រុស្ស៊ី​ក្នុង​ការ​កាត់បន្ថយ​ការ​ពឹងផ្អែក​លើ​ប្រាក់​ដុល្លារ​អាម៉េរិក​។​ ​ទោះជា​យ៉ាងណា​ ការ​វិភាគ​មួយ​របស់​សារព័ត៌មាន​ ​RT ​បង្ហាញ​ថា​ ​ការ​ធ្លាក់ចុះ​នៃ​ការ​ប្រើ​ប្រាក់​យន់​ដោយ​ផ្ទាល់ ​មិន​បាន​រារាំង​កំណើន​ពាណិជ្ជកម្ម​ទ្វេ​ភាគី​រវាង​ប្រទេស​ទាំង​ពីរ​នោះ​ទេ​។

របាយការណ៍​របស់​សារព័ត៌មាន​ ​Bloomberg ​ដែល​មាន​ចំណងជើង​ថា​ ​«​កិច្ច​ខិតខំ​ប្រឹងប្រែង​របស់​រុស្ស៊ី​ក្នុង​ការ​ជំនួស​ប្រាក់​ដុល្លារ​ដោយ​ប្រាក់​យន់​ចិន​បាន​ឈាន​មក​ដល់​ដំណាក់កាល​ដួល​រលំ​» ​បាន​លើកឡើង​ពី​ការ​ធ្លាក់ចុះ​យ៉ាង​ខ្លាំង​នៃ​ការ​ទូទាត់​ជា​ប្រាក់​យន់​ក្នុង​ពាណិជ្ជកម្ម​ជាមួយ​រុស្ស៊ី​។

យោង​តាម ​Bloomberg ​ចំណែក​ប្រាក់​យន់​ក្នុង​ការ​ទូទាត់​ការ​នាំចេញ​របស់​រុស្ស៊ី​បាន​ធ្លាក់ចុះ​មក​ត្រឹម​ ​២២ ​ភាគរយ ​បើ​ធៀប​នឹង​កម្រិត​ខ្ពស់​បំផុត​កាលពី​ពាក់កណ្ដាល​ឆ្នាំ​ ​២០២៤​។ ការ​ធ្លាក់ចុះ​នេះ​ត្រូវ​បាន​ជំរុញ​ដោយ​ការ​រឹតបន្តឹង​ទណ្ឌកម្ម​ជា​បន្តបន្ទាប់​របស់​សហរដ្ឋ​អាម៉េរិក​ ​ដែល​ធ្វើឱ្យ​ធនាគារ​ចិន​កាន់តែ​មាន​ការ​ប្រុងប្រយ័ត្ន​ក្នុង​ការ​ធ្វើ​ប្រតិបត្តិការ​ហិរញ្ញវត្ថុ​ជា​មួយ​រុស្ស៊ី​។

​ទោះជា​យ៉ាងណា ​ការ​វិភាគ​របស់​ RT ​បាន​ចង្អុលបង្ហាញ​ថា​ ​ការ​ផ្ដោត​តែ​លើ​ចំណែក​នៃ​ប្រាក់​យន់​ក្នុង​ការ​ទូទាត់​ ​អាច​មើល​រំលង​ការ​វិវត្ត​សំខាន់​មួយ​ទៀត​ ​គឺ​កំណើន​ពាណិជ្ជកម្ម​រវាង​ប្រទេស​ទាំង​ពីរ​។ ​ទិន្នន័យ​គយ​ផ្លូវការ​របស់​ចិន​សម្រាប់​រយៈពេល​ ៩ ​ខែ​ដំបូង​នៃ​ឆ្នាំ​នេះ​ ​បង្ហាញ​ថា​ ​ពាណិជ្ជកម្ម​ទ្វេ​ភាគី​បាន​កើនឡើង​ ​៣០​,​៦​ ​ភាគរយ​ ធៀប​នឹង​រយៈពេល​ដូចគ្នា​កាលពី​ឆ្នាំ​មុន​ ​ដោយ​មាន​ទំហំ​ប្រមាណ ​២១៤ ពាន់​លាន​ដុល្លារ​។

​ដើម្បី​រក្សា​សន្ទុះ​ពាណិជ្ជកម្ម​នេះ​ ​ទោះ​បី​ប្រឈម​នឹង​ការ​រឹតត្បិត​ផ្នែក​ហិរញ្ញវត្ថុ​ពី​លោក​ខាង​លិច​ក៏​ដោយ​ ​រុស្ស៊ី​បាន​ផ្លាស់ប្ដូរ​យន្តការ​ទូទាត់​របស់​ខ្លួន​។​ ​ការ​វាយតម្លៃ​របស់​ធនាគារ​កណ្តាល​រុស្ស៊ី​បង្ហាញ​ថា​ ​ការ​ប្រើប្រាស់​ប្រាក់​រូបល ​(​Ruble​)​ ​បាន​កើនឡើង​យ៉ាង​ខ្លាំង ​ដោយ​ចំណែក​របស់​រូបិយប័ណ្ណ​នេះ​ក្នុង​ការ​ទូទាត់​ការ​នាំចេញ​ទៅកាន់​ទីផ្សារ​អាស៊ី​បាន​កើន​ដល់​ ៦៩ ​ភាគរយ​។

​ជាមួយគ្នា​នេះ​ ​ស្ថាប័ន​ហិរញ្ញវត្ថុ​ធំ​ៗ​របស់​រុស្ស៊ី​ក៏​កំពុង​ពឹងផ្អែក​កាន់តែ​ខ្លាំង​លើ​យន្ត​ការ​ទូទាត់​ជំនួស ​ដូចជា​ប្រព័ន្ធ​ ​«​China ​Track​»​ ​ដែល​ត្រូវ​បាន​ដាក់​ឱ្យ​ប្រើប្រាស់​ក្នុង​ឆ្នាំ​ ២០២៥​។ ​ប្រព័ន្ធ​នេះ​ប្រើប្រាស់​ភ្នាក់ងារ​ទូទាត់​ដើម្បី​ទូទាត់​កាតព្វកិច្ច​នាំចូល​និង​នាំចេញ​ក្នុង​ស្រុក​ ​ដែល​អនុញ្ញាតឱ្យ​ក្រុមហ៊ុន​នានា​ធ្វើ​តុល្យភាព​ប្រតិបត្តិការ​របស់​ខ្លួន​ ​ដោយ​មិន​ចាំបាច់​ពឹងផ្អែក​លើ​ប្រព័ន្ធ​ S​WI​FT ​ឬ​បណ្តាញ​ធនាគារ​បែប​ប្រពៃណី​ដែល​គ្រប់គ្រង​ដោយ​លោក​ខាង​លិច​។

មួយ​វិញទៀត​ ​ការ​ដឹកជញ្ជូន​មាស​របស់​រុស្ស៊ី​ទៅកាន់​ទីក្រុង​ហុងកុង​ក៏​បាន​កើនឡើង​យ៉ាង​ខ្លាំង​ផងដែរ​។ ការ​នាំចេញ​មាស​ទៅកាន់​ទីក្រុង​នេះ​បាន​កើនឡើង​ជិត​ ៣ ​ដង​ ​ដល់​ ​១០០ ​តោន ​ក្នុង​រយៈពេល​ ៧ ​ខែ​ដំបូង​នៃ​ឆ្នាំ​នេះ​ ​មុនពេល​បន្ត​ដឹកជញ្ជូន​ចូល​ទៅកាន់​ប្រទេស​ចិន​ដី​គោក​។​

​អាជ្ញាធរ​រុស្ស៊ី​បាន​ចាត់ទុក​ការ​បញ្ចេញ​មាស​មួយ​ផ្នែក​ថា​ជា​វិធានការ​គ្រប់គ្រង​ឱនភាព​ថវិកា​រដ្ឋ​។ ​ទោះជា​យ៉ាងណា​ ​អ្នក​សង្កេតការណ៍​ទីផ្សារ​យល់ឃើញ​ថា​ ​មាស​ក៏​កំពុង​ដើរ​តួនាទី​ជា​ទ្រព្យ​សកម្ម​ដែល​ពិបាក​រង​ផលប៉ះពាល់​ពី​ទណ្ឌ​កម្ម ​ដើម្បី​ទូទាត់​សម​តុល្យ​ពាណិជ្ជកម្ម​ដែល​នៅ​សេសសល់​ក្នុង​កម្រិត​ធនាគារ​កណ្តាល​ផងដែរ​។

​ជា​រួម ​អ្នក​សង្កេតការណ៍​សេដ្ឋកិច្ច​យល់​ថា​ ​ការ​វាយតម្លៃ​លើ​ការ​រៀបចំ​ប្រព័ន្ធ​ហិរញ្ញវត្ថុ​ឡើង​វិញ​របស់​រុស្ស៊ី​និង​ចិន ​មិន​គួរ​ផ្អែក​តែ​លើ​ការ​ប្រកួតប្រជែង​រវាង​រូបិយ​ប័ណ្ណ​នោះ​ទេ​។ ​ប្រទេស​ទាំង​ពីរ​កំពុង​ឆ្ពោះទៅ​រក​ការ​បង្កើត​ក្របខ័ណ្ឌ​ពាណិជ្ជកម្ម​ជំនួស​ ​ដែល​រួមបញ្ចូល​ការ​ប្រើប្រាស់​រូបិយប័ណ្ណ​ក្នុង​ស្រុក​ ​យន្តការ​ទូទាត់​តុល្យភាព​ក្នុង​ស្រុក​ ​និង​មាស​ ​ដើម្បី​កាត់បន្ថយ​ការ​ពឹងផ្អែក​លើ​ប្រព័ន្ធ​ហិរញ្ញវត្ថុ​ដែល​ស្ថិត​ក្រោម​ឥទ្ធិពល​របស់​លោក​ខាង​លិច​៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រុស្ស៊ី​ប្ដូរ​យុទ្ធសាស្ត្រ​ហិរញ្ញវត្ថុ ​​ពង្រឹង​ពាណិជ្ជកម្ម​ជាមួយ​ចិន​ ទោះ​ការ​ប្រើ​ប្រាក់​យន់​ធ្លាក់ចុះ​

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

ការ​ធ្លាក់ចុះ​នៃ​ការ​ទូទាត់​ជា​ប្រាក់​យន់​ក្នុង​ពាណិជ្ជកម្ម​រវាង​រុស្ស៊ី​ និង​ចិន ​កំពុង​បង្កើត​ការ​ជជែក​ដេញដោល​អំពី​ប្រសិទ្ធភាព​នៃ​យុទ្ធសាស្ត្រ​របស់​រុស្ស៊ី​ក្នុង​ការ​កាត់បន្ថយ​ការ​ពឹងផ្អែក​លើ​ប្រាក់​ដុល្លារ​អាម៉េរិក

អាស៊ានចង់ពង្រឹងជំហររបស់តំបន់ឲ្យធំជាងមុននៅក្នុងខ្សែច្រវាក់ផ្គត់ផ្គង់រ៉ែកម្រជាសកល

ព្រឹត្តិការណ៍, សេដ្ឋកិច្ច

• 18/11/2026

នៅក្នុងសេចក្តីថ្លែងការណ៍មួយដែលត្រូវបានអនុម័តក្នុងអំឡុងកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល មេដឹកនាំទាំងអស់ប្តេជ្ញាបង្កើតយុទ្ធសាស្ត្ររ៉ែកម្រសំខាន់ៗរបស់អាស៊ាន ដើម្បីតម្រង់ទិសកិច្ចសហប្រតិបត្តិការនៅទូទាំងខ្សែច្រវាក់តម្លៃរ៉ែ

ជំនួបដ៏តានតឹងរវាងកំពូលបុរសខ្លាំងទាំង៣ នៅ APEC ក្រោយបោះបង់ចោលសន្ធិសញ្ញានុយក្លេអ៊ែរជិត១ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

បរទេស ៖ រយៈពេល៩ខែមកហើយបន្ទាប់ពីការផុតកំណត់នៃសន្ធិសញ្ញា New START ដែលមានន័យថា មហាអំណាចនុយក្លេអ៊ែរធំៗបំផុតរបស់ពិភពលោកនឹងមិនមានដែនកំណត់ផ្លូវច្បាប់ទៀតឡើយទៅលើការគ្រប់គ្រងឃ្លាំងអាវុធយុទ្ធសាស្ត្រប្រល័យលោក។ មកដល់ពេលនេះប្រធានាធិបតីអាមេរិក លោក Donald Trump ប្រធានាធិបតីចិន លោក Xi Jinping និងប្រធានាធិបតីរុស្ស៊ី លោក Vladimir Putin គ្រោងជួបប្រជុំគ្នានៅថ្ងៃព្រហស្បតិ៍

ពាណិជ្ជកម្ម​កម្ពុជា​-​បារាំង ​ឈាន​ដល់​ដំណាក់កាល​អនុវត្ត​ឱ្យ​ចេញ​ជា​លទ្ធផល​ជាក់ស្តែង​

ព្រឹត្តិការណ៍, សេដ្ឋកិច្ច

• 18/11/2026

​ ​ទំនាក់ទំនង​សេដ្ឋកិច្ច​រវាង​កម្ពុជា​ ​និង​បារាំង ​បាន​ឈាន​ដល់​ដំណាក់កាល​អនុវត្ត ​ដើម្បី​បង្កើត​លទ្ធផល​ជាក់ស្តែង​ ​ដោយ​ផ្អែក​លើ​សក្តានុពល​សេដ្ឋកិច្ច​ ​និង​ចំណុច​ខ្លាំង​របស់​កម្ពុជា​ ​ដែល​អាច​ទាក់ទាញ​វិនិយោគិន​បារាំង

ន​នោង​ជ្រុង ​ដំណាំ​រយៈពេល​ខ្លី ងាយ​ដាំដុះ​ ​និង​អាច​រក​ចំណូល​បាន​ជិត ​២០ ​លាន​រៀល​លើ​ផ្ទៃដី​ ​៧៥ ​អា

ជំនួញ, ព្រឹត្តិការណ៍

• 18/11/2026

ដំណាំននោង​ជ្រុង​កំពុង​បង្ហាញ​ពី​សក្តានុពល​ជា​បន្លែ​សេដ្ឋកិច្ច​មួយ​សម្រាប់​កសិករ ​ដោយ​សារ​ងាយស្រួល​ដាំដុះ​ ថែទាំ​មិន​ស្មុគស្មាញ ​អាច​ដាំ​បាន​គ្រប់​រដូវ​កាល​ ​និង​ឆាប់​ទទួល​បាន​ផល ​ដែល​អាច​ជួយ​បង្កើត​ប្រាក់​ចំណូល​ជា​ប្រចាំ​សម្រាប់​គ្រួសារ​កសិករ

ប៊ុលហ្គារី ​និង​វៀតណាម ​​ប្តេជ្ញា​ពង្រីក​កិច្ច​សហប្រតិបត្តិការ​សេដ្ឋកិច្ច​ ​និង​ការពារ​ជាតិ​

ព្រឹត្តិការណ៍, សេដ្ឋកិច្ច

• 18/11/2026

ប៊ុលហ្គារី ​និង​វៀតណាម ​បាន​ប្តេជ្ញា​ពង្រឹង​ភាព​ជា​ដៃគូ​យុទ្ធសាស្ត្រ​ឱ្យ​កាន់តែ​ស៊ីជម្រៅ​ ​តាមរយៈ​ការ​ពង្រីក​កិច្ច​សហប្រតិបត្តិការ​លើ​វិស័យ​សេដ្ឋកិច្ច​ ​ការពារ​ជាតិ​ ការ​អប់រំ​ ​និង​បច្ចេកវិទ្យា​ខ្ពស់ ​ក្នុង​ជំនួប​ទ្វេ​ភាគី​រវាង​ប្រមុខ​រដ្ឋ​នៃ​ប្រទេស​ទាំង​ពីរ ​នៅ​រាជធានី​ភ្នំពេញ​ ​ប្រទេស​កម្ពុជា

អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

ណា​តូ ​លុប​ចោល​កិច្ច​ប្រជុំ​កំពូល​ឆ្នាំ ​២០២៧ ​ចំពេល​ភាព​តានតឹង​អាម៉េរិក​-​អឺរ៉ុប​កើនឡើង​

ព្រឹត្តិការណ៍, អាជីវកម្មថ្មី និងនវានុវត្ត

• 17/11/2026

អង្គការ​សន្ធិសញ្ញា​អាត្លង់ទិក​ខាង​ជើង​ ​(​NATO​) ​បាន​សម្រេច​មិន​រៀបចំ​កិច្ច​ប្រជុំ​កំពូល​ថ្នាក់ដឹកនាំ​នៅ​ឆ្នាំ ​២០២៧ ​តាម​ផែនការ​ដើមឡើយ​ ​ដោយសារ​ការ​ខ្វែងគំនិត​គ្នា​កាន់តែ​ខ្លាំង​ឡើង​ក្នុង​ចំណោម​សម្ព័ន្ធមិត្ត​ ​ជាពិសេស​រវាង​សហរដ្ឋ​អាម៉េរិក​ ​និង​ប្រទេស​ជា​សមាជិក​អឺរ៉ុប

កម្មវិធីសហគ្រិនចុងភៅ ឆ្នាំ២០២៦ ! អបអរសាទរទេពកោសល្យចុងភៅជំនាន់ថ្មី និងសហគ្រិនភាពក្នុងវិស័យម្ហូបអាហារ ចាប់ផ្តើមពីគំនិតច្នៃប្រឌិតម្ហូបអាហារ ឆ្ពោះទៅកាន់ឱកាសក្លាយជាសហគ្រិន

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ សហគ្រិនខ្មែរបានបញ្ចប់កម្មវិធី «សហគ្រិនចុងភៅ» (Chefpreneur) ឆ្នាំ២០២៦ តាមរយៈការប្រកួតចម្អិនអាហារវគ្គផ្តាច់ព្រ័ត្រ្រ ដោយមានការចូលរួម ពីយុវជនដែលមានទេពកោសល្យ គណៈកម្មការជំនាញ ដៃគូធុរកិច្ច និងអ្នកប្រឹក្សាជំនាញ ក្នុងវិស័យសេវាកម្ម។ កម្មវិធីនេះបានឆ្លុះបញ្ចាំងពីយុទ្ធសាស្ត្រអភិវឌ្ឍសហគ្រិនភាពក្នុងវិស័យម្ហូបអាហារ តាមរយៈការរួមបញ្ចូល ការបណ្តុះបណ្តាលអំពីគំនិតអាជីវកម្ម ការគ្រប់គ្រងថ្លៃដើម ការប្រើប្រាស់គ្រឿងទេសចម្រុះ និងការកសាង ម៉ាកយីហោ