សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពីរ៉យទ័រ បានរាយការណ៍ថា តម្លៃប្រេងបានឡើងថ្លៃប្រហែល ២% បន្ទាប់ពីប្រធានាធិបតីអាម៉េរិក លោក Donald Trump បានព្រមានអំពីផលវិបាកធ្ងន់ធ្ងរ ប្រសិនបើកិច្ចពិភាក្សាជាមួយប្រធានាធិបតីរុស្ស៊ី Vladimir Putin បរាជ័យ។
ទន្ទឹមនឹងនេះ តម្លៃប្រេងឆៅម៉ាក Brent ឡើងថ្លៃ ១,៨% ឬ ៦៦,៨៤ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ២,១% ឬ ៦៣,៩៦ ដុល្លារក្នុងមួយបារ៉ែល។ កាលពីថ្ងៃព្រហស្បតិ៍ ប្រធានាធិបតីអាម៉េរិក Donald Trump សង្ឃឹមថា ប្រធានាធិបតីរុស្ស៊ី Vladimir Putin ត្រៀមខ្លួនជាស្រេចដើម្បីធ្វើកិច្ចព្រមព្រៀងស្តីពីការបញ្ចប់សង្គ្រាមជាមួយនឹងអ៊ុយក្រែន។ យ៉ាងណាមិញ Trump បានគំរាមកំហែងពីផលវិបាកធ្ងន់ធ្ងរ ប្រសិនបើលោក Putin មិនយល់ព្រមចំពោះសន្តិភាពនៅអ៊ុយក្រែន។ ប្រសិនបើលទ្ធផលនៃកិច្ចប្រជុំបរាជ័យ Trump អាចនឹងការដាក់ទណ្ឌកម្មសេដ្ឋកិច្ចលើរុស្ស៊ី។ ប្រសិនបើរុស្ស៊ីបន្តសង្រ្គាមនៅអ៊ុយក្រែន អាម៉េរិកគំរាមដំឡើងពន្ធលើប្រទេសទាំងឡាយណាដែលទិញប្រេងឆៅពីរុស្ស៊ី ជាពិសេសចិន និងឥណ្ឌា។ រុស្ស៊ី គឺជាប្រទេសផលិតប្រេងឆៅធំជាងគេទី២ បន្ទាប់ពីអាម៉េរិក ហើយបើសិនកិច្ចព្រមព្រៀងណាមួយអាចបន្ធូរបន្ថយទណ្ឌកម្មលើទីក្រុងម៉ូស្គូ នោះវានឹងជំរុញបរិមាណនាំចេញប្រេងរុស្ស៊ីទៅកាន់ទីផ្សារពិភពលោក។
ក្រុមហ៊ុនស្រាវជ្រាវថាមពល Rystad Energy លើកឡើងថា ភាពមិនប្រាកដប្រជានៃកិច្ចចរចាសន្តិភាពរវាងសហរដ្ឋអាមេរិក និងរុស្ស៊ីកំពុងបន្ថែមហានិភ័យដល់អ្នកទិញប្រេងរុស្ស៊ី ដែលធ្វើឲ្យសេដ្ឋកិច្ចប្រឈមមុខនឹងសម្ពាធកាន់តែច្រើន។
មិនត្រឹមតែប៉ុណ្ណោះ ការរំពឹងទុកថាធនាគារកណ្តាលអាម៉េរិក Federal Reserve នឹងកាត់បន្ថយអត្រាការប្រាក់នៅក្នុងខែកញ្ញាក៏បានជំរុញឱ្យតម្លៃប្រេងឡើងថ្លៃផងដែរ។ ទន្ទឹមនឹងនេះ ពាណិជ្ជករភាគច្រើនជឿថា ការកាត់បន្ថយអត្រាការប្រាក់នឹងកើតឡើងនៅខែក្រោយ បន្ទាប់ពីតម្លៃទំនិញប្រើប្រាស់របស់អាម៉េរិកបានឡើងថ្លៃដល់កម្រិតមធ្យមកាលពីខែកក្កដា។ ប្រសិនបើធនាគារកណ្តាលកាត់បន្ថយអត្រាការប្រាក់ដើម្បីគ្រប់គ្រងអតិផរណាពិតមែន នោះអត្រាទាបអាចជំរុញកំណើនសេដ្ឋកិច្ច និងតម្រូវការប្រេងបន្ថែមទៀត។ យ៉ាងណាមិញ អ្នកបង្កើតគោលនយោបាយរបស់ Fed នៅតែប្រុងប្រយ័ត្ន ដោយសារការកើនឡើងអតិផរណានៅតែជាហានិភ័យ ដោយត្រូវបង្កើនការជជែកវែកញែកបន្ថែមទៀតលើហេតុផលកាត់បន្ថយអត្រាការប្រាក់ ខណៈដែលកំពុងមានតានតឹងជាមួយនឹងសេតវិមាន៕
Account
Security
Favourite Content