ផ្សារបោះដុំឃ្លាំងរំសេវថ្មីសែនសុខ នឹងក្លាយជាមណ្ឌលចែកចាយទំនិញបោះដុំ

ភ្នំពេញ ៖ ស្ថិតនៅចំណ្តាលនៃខណ្ឌទាំង៣ រួមមានខណ្ឌឫស្សីកែវ ខណ្ឌទួលគោក និងខណ្ឌសែនសុខ ដែលកំពុងមានការអភិវឌ្ឍ រីកចម្រើនលើផ្នែកហេដ្ឋារចនាសម្ព័ន្ធធំៗដែលវិនិយោគដោយរាជរដ្ឋាភិបាលកម្ពុជា និងវិស័យឯកជនក្នុងផ្នែកសំណង់លំនៅដ្ឋានកម្រិតមធ្យម និងកម្រិតអភិជន ប្រមូលផ្តុំទៅដោយមនុស្សយ៉ាងកុះករនោះ ផ្សារបោះដុំឃ្លាំងរំសេវថ្មីសែនសុខ បានបង្ហាញវត្តមានគួរជាទីមោទនៈ ក្នុងនាមជាអ្នកបំពេញតម្រូវការជាក់ស្ដែងរស់នៅប្រចាំថ្ងៃ។

ជាមួយនឹងការបង្ហាញវត្តមាននៅចំកណ្តាលបេះដូងនៃខណ្ឌទាំង៣ ដែលមានមនុស្សរស់នៅជាប់ជាប្រចាំ និងចរាចរណ៍ឆ្លងកាត់សរុបប្រមាណ១លាននាក់ក្នុងមួយថ្ងៃ ផ្សារបោះដុំឃ្លាំងរំសេវថ្មីសែនសុខ បាន និងកំពុងទាក់ទាញបណ្តាអាជីវករទូទៅឱ្យចូលមកលក់ដូរផលិតផល និងសម្ភារៈផ្សេងៗ រួមទាំងបន្លែ ត្រី សាច់ ដែលជាតម្រូវការចាំបាច់របស់មនុស្សរស់នៅក្នុងតំបន់ ជាមួយនឹងលក្ខណៈពិសេសរបស់ខ្លួនជាច្រើន។

លោក សោម កែវម៉ាលីដា នាយកប្រតិបត្តិផ្សារបោះដុំឃ្លាំងរំសេវថ្មីសែនសុខ បានមានប្រសាសន៍ប្រាប់ឱ្យដឹងថា ផ្សារបោះដុំឃ្លាំងរំសេវថ្មីសែនសុខ ត្រូវបានអភិវឌ្ឍន៍ឡើងក្រោមការរចនាប្លង់យ៉ាងយកចិត្តទុកដាក់ជាទីបំផុត ជាពិសេសផ្តោតទៅលើផាសុកភាព សុវត្ថិភាព និងបង្កភាពងាយស្រួលដល់បណ្តាអាជីវករលក់ដូរក្នុងផ្សារ ក៏ដូចជាអតិថិជនផងដែរ។

លោកបានបញ្ជាក់ថា ៖

“នៅទីនេះ មានទីចំណតសម្រាប់រថយន្តធំទូលាយ ទាំងនៅជុំវិញផ្សារ និងនៅចន្លោះរវាងផ្សារបោះដុំឃ្លាំងរំសេវថ្មីសែនសុខ និងផ្សារទំនើប Green Mall មានទំហំជាងកន្លះហិកតា អាចផ្ទុករថយន្តបានរាប់រយគ្រឿង ប្រកបដោយសុវត្ថិភាពខ្ពស់ មានបន្ទប់ទឹកអនាម័យស្អាតធំទូលាយចំនួន៣ទីតាំង ហេដ្ឋារចនាសម្ព័ន្ធនៅក្នុងផ្សាររួមមានផ្លូវសម្រាប់ចរាចរណ៍យ៉ាងទូលាយរហូតដល់ប្រមាណ៦០ភាគរយនៃចំនួនតូបសរុប ដោយបែងចែកចេញជា២ប្រភេទ គឺប្រភេទផ្លូវមេមានទំហំរហូតដល់៦ម៉ែត្រ ប្រភេទផ្លូវតូចមានទំហំ៣ម៉ែត្រ ខណៈដែលផ្លូវនៅតាមបណ្តាផ្សារទូទៅមានទំហំត្រឹមជាង២ម៉ែត្រប៉ុណ្ណោះ”

លោកបានបន្តថា ៖

“អ្នកអភិវឌ្ឍន៍ផ្សារបានគិតគូរទៅលើផាសុកភាពជាសំខាន់ ដោយដំបូលផ្សារមានកម្ពស់ខ្ពស់ល្អ ស្រឡះ ទូលាយ មានខ្យល់ចេញចូលគ្រប់គ្រាន់ មិនក្ដៅ មិនហប់ និងមិនប៉ះពាល់ដល់គុណភាពផលិតផលដែលដាក់តាំងលក់នោះទេ។ ក្រៅពីនេះ ក៏មានការផ្គត់ផ្គង់ទឹកស្អាត ជាពិសេសបណ្តាញអគ្គិសនីគ្រប់គ្រាន់ ២៤ម៉ោង លើ ២៤ម៉ោង ដោយមានម៉ាស៊ីនភ្លើងត្រៀមផ្គត់ផ្គង់បន្ថែម ផ្តល់ភាពងាយស្រួលដល់បណ្តាអាជីវករទាំងអស់សម្រាប់អាជីវកម្មរបស់ខ្លួន រួមទាំងអតិថិជនទូទៅផងដែរ ហើយចំណុចពិសេសចុងក្រោយ គឺប្រព័ន្ធសុវត្ថិភាព ដោយមានកម្លាំងសន្តិសុខយាមកាមគ្រប់ជ្រុងជ្រោយ ២៤ម៉ោង លើ ២៤ម៉ោង រាប់ទាំងថ្ងៃឈប់សម្រាក បុណ្យទានផ្សេងៗ ដែលប្រាកដប្រជាថា ផ្តល់សុខសុវត្ថិភាពដល់ទ្រព្យសម្បត្តិ ក៏ដូចជាទំនិញ និងផលិតផលនានាទាំងអស់នៅក្នុងផ្សារបាន១០០ភាគរយផងដែរ”

គួរឱ្យដឹងផងដែរថា នៅថ្ងៃខាងមុខនេះ ផ្សារបោះដុំឃ្លាំងរំសេវថ្មីសែនសុខ នឹងក្លាយជាមណ្ឌលចែកចាយផលិតផល និងទំនិញបោះដុំយ៉ាងសកម្មទៅដល់បណ្តាអាជីវករទូទៅ ក៏ដូចជាផ្សារនានាដែលស្ថិតនៅតំបន់ជុំវិញយកទៅលក់បន្តយកចំណេញយ៉ាងសកម្មបំផុត ខណៈដែលបណ្តាញហេដ្ឋារចនាសម្ព័ន្ធដែលអភិវឌ្ឍ និងវិនិយោគដោយរាជរដ្ឋាភិបាលកម្ពុជាមានច្រើនខ្វាត់ខ្វែង ផ្តល់ភាពងាយស្រួលក្នុងការធ្វើដំណើរ ចរាចរណ៍ និងដឹកជញ្ជូន។

អ្វីដែលកាន់តែពិសេសជាងនេះទៅទៀត គណៈគ្រប់គ្រងផ្សារបានបង្កើតកម្មវិធីបញ្ជាទិញ-លក់រាយតាមអនឡាញ (App) ដែលអនុញ្ញាតឱ្យអតិថិជនអាចធ្វើការបញ្ជាទិញទំនិញគ្រប់ប្រភេទពីផ្សារបោះដុំឃ្លាំងរំសេវថ្មីសែនសុខមកពីគ្រប់ទីកន្លែងដោយមានការធានាដឹកជញ្ជូនដល់ទីតាំងដោយមិនមានគិតថ្លៃនោះទេ ដែលវិធីសាស្ត្របញ្ជាទិញពីចម្ងាយនេះបានផ្តល់ផលចំណេញទាំងអាជីវករ ចំណេញទាំងអតិថិជន និងមានសុវត្ថិភាពខ្ពស់។

ជាមួយគ្នានេះផងដែរ ពាក់ព័ន្ធទៅនឹងការអភិវឌ្ឍខ្លួនក្លាយជាមណ្ឌលបោះដុំ និងលក់រាយ គណៈគ្រប់គ្រងផ្សារបានរៀបចំយុទ្ធសាស្ត្ររួចរាល់ជាស្រេចទាំងការទំនាក់ទំនងដៃគូបោះដុំ រាប់ទាំងប្រភេទទំនិញគ្រឿងអេឡិចត្រូនិក គ្រឿងទូរស័ព្ទ បន្លែ ផ្លែឈើ សម្លៀកបំពាក់ ក៏ដូចជាមធ្យោបាយដឹកជញ្ជូន ដែលធ្វើយ៉ាងណាអាចផ្តល់ភាពងាយស្រួលដល់បណ្តាអាជីវកររបស់ផ្សារមួយនេះ ជាមួយនឹងការបញ្ចុះតម្លៃឈ្នួលតូបយ៉ាងពិសេសផងដែរ៕

លោក ហេង សុវណ្ណ | Mr. Heng Sovann

ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មីៗ

មើលទាំងអស់ ➧

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

ព័ត៌មានទូទៅ

មើលទាំងអស់ ➧

កម្ពុជានឹងមានរោងចក្រផ្គុំដំឡើងម៉ូតូ និងកង់បី នៅខណ្ឌដង្កោ ក្នុងទំហំទុនវិនិយោគ ៨លានដុល្លារអាម៉េរិក

ព្រឹត្តិការណ៍, សេដ្ឋកិច្ច

• 07/04/2026

រោងចក្រផ្គុំដំឡើងទោចក្រយានយន្ត (ម៉ូតូ) និងត្រីចក្រយានយន្ត ( កង់បី ) មួយកន្លែង ត្រូវបានគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា សម្រេចជាស្ថាពរចុះបញ្ជីវិនិយោគជាគម្រោងដែលមានលក្ខណៈសម្បត្តិគ្រប់គ្រាន់នៅក្នុងខណ្ឌដង្កោរ ភ្នំពេញ

កំពង់ផែស្វយ័តក្រុងព្រះសីហនុ និង CSX រៀបចំវេទិកាក្រុមហ៊ុនចុះបញ្ជីលក់មូលបត្រក្រោមប្រធានបទ «សក្តានុពលរបស់កំពង់ផែស្វយ័តក្រុងព្រះសីហនុ»

ព្រឹត្តិការណ៍, ហិរញ្ញវត្ថុ

• 07/04/2026

កំពង់ផែស្វយ័តក្រុងព្រះសីហនុ និងផ្សារមូលបត្រកម្ពុជា CSX បានរៀបចំវេទិកាក្រុមហ៊ុនចុះបញ្ជីលក់មូលបត្រក្រោមប្រធានបទ «សក្តានុពលរបស់កំពង់ផែស្វយ័តក្រុងព្រះសីហនុ»

ឧកញ៉ា តែ តាំងប៉ ៖ ក្រោយបញ្ចប់ព្រឹត្តិការណ៍ពិព័រណ៍នៅចុងសប្ដាហ៍នេះ ផលិតផលខ្មែរនឹងកាន់ចំណែកទីផ្សារច្រើនជាង ៣០ភាគរយ

ព្រឹត្តិការណ៍, សេដ្ឋកិច្ច

• 07/04/2026

នៅត្រឹមចុងសប្ដាហ៍នេះ ព្រឹត្តិការណ៍ពិព័រណ៍ផលិតផលជាតិលើកទី៣ នឹងរៀបចំឡើងរយៈពេល៤ថ្ងៃ ចាប់ពីថ្ងៃទី០៩-១២ ខែមេសា ឆ្នាំ២០២៦ នៅសាលសន្និបាត និងមជ្ឈមណ្ឌលពិព័រណ៍កោះពេជ្រ ដែលមានការដាក់តាំងបង្ហាញផលិតផលខ្មែរសរុបរាប់រយប្រភេទ

លោក Donald Trump ស្នើសុំបង្កើនចំនួននាវាយោធាទ្វេដងក្នុងថវិកាជាតិ ១,៥ ទ្រីលានសម្រាប់ឆ្នាំ ២០២៧

ព្រឹត្តិការណ៍, សេដ្ឋកិច្ច

• 07/04/2026

ប្រធានាធិបតីអាមេរិកលោក Donald Trump បានប្រកាសកាលពីចុងសប្តាហ៍កន្លងមកនេះថា នឹងបង្កើនខ្ទង់ចំណាយ សម្រាប់ការសាងសង់នាវាយោធាឱ្យបានចំនួនទ្វេដង ធៀបទៅនឹងអ្វីដែលធ្លាប់ស្នើកាលពីឆ្នាំទៅ។

ការឡើងថ្លៃអេល្យូម បង្កការគំរាមកំហែងដល់វិស័យឈីប វេជ្ជសាស្រ្ត និងអវកាស

ព្រឹត្តិការណ៍, អាជីវកម្មថ្មី និងនវានុវត្ត

• 07/04/2026

វិបត្តិសេដ្ឋកិច្ចពិភពលោកដោយសារសង្រ្គាមនៅមជ្ឈិមបូព៌ាកំពុងលាតសន្ធឹងហួសពីប្រេង ពោលគឺអេល្យូម (Helium) បានក្លាយជាទំនិញ ដែលងាយរងគ្រោះមួយផងដែរ។

ធនាគារធំៗនៅកម្ពុជាឈរជើងយ៉ាងរឹងមាំ ខណៈទ្រព្យសកម្មក្នុងប្រព័ន្ធកើនដល់ជាង ១០០ ពាន់លានដុល្លារ

ព្រឹត្តិការណ៍, ហិរញ្ញវត្ថុ

• 07/04/2026

បើទោះបីជាសេដ្ឋកិច្ចពិភពលោកបាននិងកំពុងជួបប្រទះនូវភាពមិនប្រាកដប្រជាក៏ដោយ ក៏ប្រព័ន្ធធនាគារនៅកម្ពុជានៅតែបន្តឈរជើងយ៉ាងរឹងមាំ ហើយនៅតែរក្សាបានភាពធន់ ដោយទ្រព្យសកម្មប្រព័ន្ធធនាគារសរុបមានជិត ១០២ ពាន់លានដុល្លារ ក្នុងឆ្នាំ២០២៥។

AMRO ព្យាករថា អតិផរណាកម្ពុជាមានអត្រាជិត ៣ ភាគរយ ខណៈអ្នកជំនាញយល់ថាជាអតិផរណាកម្រិតខ្ពស់

ព្រឹត្តិការណ៍, សេដ្ឋកិច្ច

• 07/04/2026

ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន AMRO ព្យាករថា សេដ្ឋកិច្ចកម្ពុជា អាចនឹងសម្រេចបានក្នុងរង្វង់ ៤,៩ភាគរយ ជាមួយនឹងអតិផរណា បានកើនឡើងក្នុងអត្រា ២,៩ ភាគរយ សម្រាប់ឆ្នាំ ២០២៦ នេះ។

កិច្ចពិភាក្សាកម្មវិធីហិរញ្ញវត្ថុ រដូវកាលទី ៣ ក្លាយជាវេទិកាចំណេះដឹងហិរញ្ញវត្ថុសម្រាប់ប្រជាកសិករ

ព្រឹត្តិការណ៍, ហិរញ្ញវត្ថុ

• 06/04/2026

ក្រុមហ៊ុន Apsara Media Services (AMS) កាលពីថ្ងៃទី០៣ ខែមេសា ឆ្នាំ២០២៦ បានសហការជាមួយនឹងសមាគមធនាគារនៅកម្ពុជា (ABC) សមាគមមីក្រូហិរញ្ញវត្ថុកម្ពុជា (CMA) និងក្រុមហ៊ុនក្រេឌីត ប្យួរ៉ូ (ខេមបូឌា) (CBC) ដោយមានការគាំទ្រដោយធនាគារជាតិនៃកម្ពុជា (NBC) បានរៀបចំកម្មវិធី វេទិកាចំណេះដឹងផ្នែកហិរញ្ញវត្ថុកម្ពុជា កិច្ចពិភាក្សា កម្មវិធី «វិថីហិរញ្ញវត្ថុ រដូវកាលទី៣» នៅស្រុកបន្ទាយមាស ខេត្តកំពត។

អតីតព្រលានយន្តហោះអន្តរជាតិ-ភ្នំពេញ នឹងបើកឱ្យសាធារណជនចូលលេងកម្សាន្តរយៈពេល៩ថ្ងៃ អំឡុងបុណ្យចូលឆ្នាំខ្មែរ

ព្រឹត្តិការណ៍, អចលនទ្រព្យ

• 06/04/2026

ព្រលានយន្តហោះពោធិ៍ចិនតុង ដែលរាជរដ្ឋាភិបាលអភិវឌ្ឍន៍ធ្វើជាសួនសាធារណៈ នឹងត្រូវបើកសាកល្បងឱ្យសាធារណជនចូលទស្សនាកម្សាន្ត ហាត់ប្រាណ និងលេងកីឡា ដោយឥតគិតថ្លៃរយៈពេល០៩ថ្ងៃ

ត្រីមាសទី១ ឆ្នាំ២០២៦ សេដ្ឋកិច្ចវៀតណាមកើនឡើងយឺត ដោយសារការនាំចូលប្រេងពីមជ្ឈិមបូព៌ារងផលប៉ះពាល់ខ្លាំង

ព្រឹត្តិការណ៍, សេដ្ឋកិច្ច

• 06/04/2026

សេដ្ឋកិច្ចរបស់ប្រទេសវៀតណាមនៅក្នុងត្រីមាសទី១ ដើមឆ្នាំ២០២៦នេះ មានការកើនឡើងយឺតយ៉ាវ ដោយសារតែការនាំចូលប្រេងពីមជ្ឈិមបូព៌ាទទួលរងនូវផលប៉ះពាល់ខ្លាំង ដែលជាហេតុជំរុញឱ្យមានអតិផរណាកើនឡើង