សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រោយការចាក់វ៉ាក់សាំងយ៉ាងទូលាយនៅទូទាំងប្រទេសសរុបប្រមាណជាង៧០ភាគរយនៃផែនការ ក៏ដូចជាការបើកឲ្យធ្វើចរាចរណ៍នៅទូទាំងប្រទេស ជាពិសេសនៅតាមបណ្តាខេត្តក្រុងគោលដៅវិនិយោគ គេសង្កេតឃើញថា ប្រភេទអាជីវកម្មមួយចំនួនចាប់ផ្តើមមានសកម្មភាពផុសផុលឡើងវិញ ហើយក្នុងនោះទីផ្សារអចលនទ្រព្យក៏ចាប់កម្រើកឡើងវិញគួរឲ្យកត់សម្គាល់ផងដែរ។
លោកឧកញ៉ា សំ សុខនឿន ប្រធានសមាគមអចលនទ្រព្យសកល (GRA) បានមានប្រសាសន៍ថា ចាប់តាំងពីមានការបើកដំណើរការឱ្យធ្វើចរាចរណ៍ឡើងវិញរហូតមកដល់ពេលនេះ សកម្មភាពទិញលក់នៅក្នុងវិស័យអចលនទ្រព្យមានសកម្មភាពឡើងវិញហើយ ប៉ុន្តែស្ថិតនៅក្នុងសភាពយឺតបន្តិចបើធៀបទៅនឹងកាលពីពាក់កណ្តាលឆមាសទី១ក្នុងឆ្នាំ២០២១។
លោកឧកញ៉ាបានបញ្ជាក់ថា ស្ថានភាពទិញលក់នៅមានភាពយឺតយ៉ាវ ប៉ុន្តែវានៅតែមានសកម្មភាព ជាពិសេសទីផ្សារលំនៅដ្ឋាន និងប្រភេទគម្រោងដីឡូតិ៍។ ភាពយឺតយ៉ាវទាំងនេះ គឺដោយសារតែជំងឺកូវីដ ១៩ ដែលជះឥទ្ធិពលដល់ការប្រកបអាជីវកម្មនានា ក៏ដូចជាបង្កភាពភ័យខ្លាចដល់មនុស្សទូទៅ ហើយកាត់បន្ថយការធ្វើដំណើរ ការជួបជុំដោយផ្ទាល់ ដែលទាំងអស់នេះ សុទ្ធតែជាចំណុចសំខាន់ៗដែលជះផលអវិជ្ជមានដល់ទីផ្សារអចលនទ្រព្យ។
លោកឧកញ៉ាបានមានប្រសាសន៍ថា ៖
«បច្ចុប្បន្ននេះ យើងមើលឃើញថា ប្រជាពលរដ្ឋអាចធ្វើដំណើរនៅក្នុងទីក្រុងបាន និងអាចធ្វើដំណើរឆ្លងកាន់ខេត្តក៏បានទៀតនោះ បានធ្វើឱ្យការទិញលក់នៅក្នុងវិស័យអចលទ្រព្យមានសន្ទុះងើបឡើងវិញ បើធៀបទៅនឹងពេលកន្លងទៅ ប៉ុន្តែវានៅមានកម្រិតនៅឡើយ។ ដើម្បីឱ្យមានការទិញលក់ក្នុងវិស័យអចលនទ្រព្យកាន់តែមានសន្ទុះលឿនទៅមុខឡើងវិញ លុះត្រាតែប្រជាពលរដ្ឋខ្មែរ នាំគ្នាទៅចាក់វ៉ាក់សាំងឱ្យបានគ្រប់គ្នាតាមការកំណត់របស់រាជរដ្ឋាភិបាល និងទាមទារពេលវេលាបន្ថែមទៀត ដើម្បីមនុស្សចាប់ផ្តើមមានទំនុកចិត្តក្នុងការចេញដើរក្រៅប្រកបមុខជំនួញឡើងវិញ ជាពិសេសអាចទទួលបានចំណូលពីការប្រកបមុខរបរឡើងវិញផងដែរ»
ជាមួយគ្នានេះ លោកឧកញ៉ាក៏បានលើកឡើផងដែរងថា នៅពេលដែលពិភពលោកបានទប់ស្កាត់ជោគជ័យនោះ សេដ្ឋកិច្ចនឹងវិលមករកប្រក្រតីភាពឡើងវិញ ហើយកម្ពុជាក៏នឹងកាន់តែមានភាពល្អប្រសើរបន្ទាប់ពីវិនិយោគិនបរទេសវិលមកកម្ពុជាវិញ ជាពិសេសអ្នកវិនិយោគចិនដែលមានគម្រោងជាច្រើននៅកម្ពុជា ស្របពេលដែលប្រមុខរាជរដ្ឋាភិបាលក៏មានយុទ្ធសាស្ត្រក្នុងការស្តារសេដ្ឋកិច្ចឡើងវិញ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ការបង្ក្រាបអំពើឆបោកតាមអនឡាញ អាចធ្វើឱ្យប៉ះពាល់ដល់សេដ្ឋកិច្ចរយៈពេលខ្លី តែផ្ដល់ផលចំណេញរយៈពេលវែង
អ្នកជំនាញណែនាំឱ្យបង្កើនការប្រុងប្រយ័ត្នចំពោះការទិញអចលនទ្រព្យក្នុងស្ថានភាពទីផ្សារមិនច្បាស់លាស់
Account
Security
Favourite Content