សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការទាញយកផលប្រយោជន៍ពីដីធ្លីមានច្រើនបែប ច្រើនសណ្ឋាន ដោយខ្លះគេយកដីនោះទៅពុះជាឡូត៍លក់យកប្រាក់ចំណេញភ្លាមៗ ខ្លះសង់ផ្ទះ សង់ខុនដូជា ឬសង់អាផាតមិនដើម តែសម្រាប់ដីដែលនៅឆ្ងាយពីក្រុង ឆ្ងាយពីទីប្រជុំជនក៏អាចរកប្រាក់ចំណូលមិនចាញ់ដីនៅជិតៗក្រុងនោះដែរ ជាក់ស្ដែងកសិករម្នាក់នៅខេត្តតាកែវបានប្រើប្រាស់ដី១២ហិកតា និងអាចរកប្រាក់ចំណូលបានជាង៥០ម៉ឺនដុល្លារអាមេរិកក្នុងមួយឆ្នាំ។
អ្នកស្រី ងិន គន្ធា ម្ចាស់កសិដ្ឋានចិញ្ចឹមជ្រូក នៅក្នុងភូមិឬស្សីមួយគុម្ភ ឃុំអូរសារាយ ស្រុកត្រាំកក់ ខេត្តតាកែវ បានប្រាប់ឱ្យដឹងថា គាត់អាចរកចំណូលបានជិត កន្លះលានដុល្លារអាមេរិកក្នុងរយៈពេលមួយឆ្នាំ តាមរយៈការចុះកិច្ចសន្យាជាមួយក្រុមហ៊ុន CP ក្នុងការបើកជាកសិដ្ឋានចិញ្ចឹមសត្វ។ ការបញ្ជាក់របស់អ្នកស្រីធ្វើឡើងនៅក្នុងពេលរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ចុះពិនិត្យលើវឌ្ឍនភាពនៃផលិតកម្មចិញ្ចឹមជ្រូកសាច់ក្នុងកសិដ្ឋានរបស់អ្នកស្រីនៅព្រឹកថ្ងៃទី១៥ សីហា ២០២២ ។
អ្នកស្រី ងិន គន្ធា បានដឹងថា កសិដ្ឋានរបស់អ្នកស្រីបានបង្កើតនៅឆ្នាំ២០១៧ លើផ្ទៃដីទំហំ ១២ហិកតា ដោយបច្ចុប្បន្នមានរោងចិញ្ចឹមជ្រូកចំនួន២០រោង ក្នុងមួយរោងអាចដាក់ជ្រូកសាច់បាន៧០០ក្បាល សរុបមានជ្រូកសាច់ ១៤ ០០០ក្បាល ដោយក្នុងមួយឆ្នាំ គាត់អាចចិញ្ចឹមបាន២វគ្គ ហើយក្នុងមួយវគ្គ រោងនីមួយៗ អាចទទួលបានប្រាក់ចំណូល ១ម៉ឺនដុល្លារអាមេរិក ហើយរោងមួយដាក់ទុនវិនិយោគ៧ម៉ឺនដុល្លារអាមេរិក ។
ជាមួយនឹងកិច្ចដំណើរការកសិដ្ឋានខាងលើនេះ អ្នកស្រីបានចុះកិច្ចសន្យាជាមួយក្រុមហ៊ុន CP មានរយៈពេល៨ឆ្នាំម្តង ដោយក្រុមហ៊ុនជាអ្នកផ្គត់ផ្គង់ កូនពូជ ថ្នាំ ចំណី បច្ចេសទេស និងប្រមូលផល ដោយឡែកទីតាំងសំណង់នានា បុគ្គលិកចិញ្ចឹម និងការថែទាំជាបន្ទុករបស់ម្ចាស់កសិដ្ឋាន ។
ឯកឧត្តម វេង សាខុន រដ្ឋមន្ដ្រីក្រសួងកសិកម្មបានផ្តល់ជាគំនិតថា គួរទាញយកថាមពលពីពន្លឺព្រះអាទិត្យ និងថាមពលបានមកពីលាមកជ្រូក យកមកប្រើដើម្បីកាត់បន្ថយប្រើថាមពលអគ្គិសនី និងសិក្សាស្រាវជ្រាវបច្ចេកទេស ធ្វើការកែច្នៃលាមកជ្រូកលក់ ដែលនេះជាប្រភពចំណូលសេដ្ឋកិច្ចសំខាន់មួយផងដែរ។ ទីផ្សារជ្រូកសាច់បានល្អប្រសើរ ក្រុមហ៊ុន និងម្ចាស់កសិដ្ឋានគួរខិតខំពង្រីកផលិតកម្មបន្ថែម ដើម្បីធានានិរន្តរភាពនៃការផ្គត់ផ្គង់ និងប្រើប្រាស់វត្ថុធាតុដើមក្នុងស្រុកឲ្យអស់លទ្ធភាព ។
លោក ព្រាប កុល ប្រធានក្រុមប្រឹក្សាភិបាលនៃក្រុមហ៊ុនអចលនទ្រព្យ Century 21 Zillion Holding បានមានប្រសាសន៍ថា វិស័យកសិកម្មកម្ពុជា មានសក្ដានុពលស្ទើរតែគ្រប់ខេត្តរាជធានីទូទាំងប្រទេស ហើយការកែប្រែដីធ្លីឱ្យមានតម្លៃគឺវាអាស្រ័យទៅលើម្ចាស់ដីនីមួយៗ ។ ម្ចាស់ដីខ្លះគាត់ដាំដុះដំណាំសម្រាប់យកផលលក់យកចំណូល ហើយខ្លះទៀតធ្វើជាកសិដ្ឋាចិញ្ចឹមសត្វ និងខ្លះទៀតប្រើប្រាស់ដីធ្លីនោះអភិវឌ្ឍន៍ទៅជាសំណង់ ឬអ្វីផ្សេងៗទៀតជាដើម ។ យ៉ាងណាក៏ដោយ ការកែប្រែដីធ្លីនឹងធ្វើឱ្យម្ចាស់ដីធ្លីទទួលបានចំណូលគ្រាន់តែចំណូលនោះមានទំហំតិច ឬ ច្រើន ដែលវាអាស្រ័យទៅលើភាពឆ្លាតវៃរបស់ម្ចាស់ដី ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content