ព្រឹត្តិការណ៍​ស៊ីហ្គេមលើកទី៣២ ជួយបំផុសតម្រូវការទីផ្សារជួលអាផាតមិន និងខុនដូក្នុងរយៈពេលខ្លី

ភ្នំពេញ ៖ កម្ពុជាបានក្លាយជា​ម្ចាស់ផ្ទះលើកដំបូង​ជាប្រវត្តិសាស្ត្រក្នុងមហាព្រឹត្តិការណ៍ស៊ីហ្គេមលើទី៣២ បន្ទាប់ពីបានរង់ចាំអស់រយៈ​៦៤​ឆ្នាំមកហើយ។ នៅក្នុងព្រឹត្តិការណ៍នេះ​បានផ្ដល់នូវអត្ថប្រយោជន៍ជាច្រើន​ដល់​សេដ្ឋកិច្ច​ និងកិត្យានុភាពរបស់​កម្ពុជា ដោយក្នុង​នោះ​ គិតត្រឹមតែតម្រូវការជួលអគារស្នាក់នៅក្នុងរយៈពេលខ្លីដូចជាសណ្ឋាគារ អគារ​ខុនដូ ក៏ដូចជាអាផាតមិនដែល​បានជាប់​គាំងដោយសារបញ្ហាកូវីដ​១៩នោះ ក៏ឃើញ ​មានសកម្មផុស​ផុល​ឡើង​​វិញ​បន្តិច​នៅក្នុងអំឡុងពេលនៃព្រឹត្តិការណ៍​ស៊ីហ្គេម​ ប៉ារ៉ាហ្គេមនេះដែរ ។

លោក ស៊ុន​ មេសា នាយកគ្រប់គ្រ​ងកា​រ​វិនិយោគ​ខុនដូ​នៃក្រុមហ៊ុន Century 21 Mekong បានមានប្រសាសន៍​តាមទូរសព្ទឱ្យដឹងថា ជាការ​ពិតណាស់​នៅមុនព្រឹត្តិការណ៍​ស៊ីហ្គេម​ចាប់ផ្ដើមប្រមាណជា ១សប្ដាហ៍ ទៅ​ ២សប្ដាហ៍ ​មាន​ភ្ញៀវទេសចរ​បរទេស​ ក៏ដូចជាអាណិកជនក​ម្ពុជា​ជាច្រើន​បានទាក់ទង​មករកជួល​ខុន​ដូស្នាក់នៅរយៈពេលខ្លីក្នុងអំឡុងព្រឹត្តិការណ៍​ប្រ​កួត​ស៊ីហ្គេម​នៅក្នុង​ប្រទេស​កម្ពុជា ដែល​ធ្វើឱ្យ​ទីផ្សារ​ខុនដូ​សម្រាប់ជួល​មានភាព​ផុស​ផុលឡើងវិញបន្តិច។

លោកបន្តថា​ ៖

“ភ្ញៀវទេសចរ​ដែល​មកទាក់ទង​រក​ជួល​ខុន​ដូនៅក្នុ​ងប្រទេស​កម្ពុជា​​ភាគច្រើនមកពីតំបន់អាស៊ាន​ ដោយសារតែព្រឹត្តិការណ៍នេះ​គឺជាព្រឹត្តិការណ៍​ប្រកួ​តរវាងប្រទេស​ក្នុង​តំបន់អាស៊ាន ដូច្នេះ​គេនឹង​មក​មើលកា​រប្រកួ​តរបស់កីឡាករ​របស់ពួកគេ ហើយក៏មកគាំទ្រ​កីឡា​ករ​របស់ពួកគេ​ផងដែរ។ ក្រៅពី​ភ្ញៀវទេសចរ​មក​ពីតំ​​ប​​ន់អាស៊ាន​​ក៏មានមកពីបណ្ដាប្រទេស​ផ្សេងទៀត​ ដូចជា ​ចិន ជប៉ុន ​និងកូរ៉េ​ខាង​ត្បូងផងដែរ។ ​ដោយឡែ​ក ​ភ្ញៀ​វ​ទេ​ស​​ចរ​មកពីបណ្ដាប្រទេស​អឺរ៉ុប​ និងអាមេរិក ភាគច្រើនគឺជា​កូន​កាត់ជាមួយ​អាស៊ាន​។​”

ជាមួយគ្នានេះលោក​រំពឹងថា​ ក្រោយព្រឹត្តិការណ៍ស៊ីហ្គេម​ចប់​សព្វគ្រប់ នឹង​មានកា​រវិនិយោគ​លើខុនដូ​ក៏ដូចជា​វិស័យ​អច​ល​ន​ទ្រព្យ​ទាំងមូល​បន្ថែមទៀត​ផងដែ​រ ពីព្រោះ​ភ្ញៀវ​ទេសចរ​មកមើល​កា​រប្រកួ​តកីឡា​ស៊ីហ្គេម​​ក៏​អាច​ជា​វិនិយោគិ​ន​ដែល​​​​មក​មើល​ផង​ ហើយស្វែងរកឱកាស​នៃការ​វិនិយោគ​នៅក្នុ​ងប្រទេស​កម្ពុជាផង ដូច្នេះ​វាក៏ជាឱកាស​សម្រា​ប់​​វិនិយោគិន​កម្ពុជា​ក្នុង​ការ​បង្ហាញពីអ្វីដែលខ្លួនមានទៅដល់​បណ្ដា​វិនិយោគិន​ទាំងនោះ ដើម្បីឱ្យ​គេ​ចូលវិញ​នៅក្រោ​យព្រឹត្តិការណ៍​នេះ ។​

លោក ឌិន សុមេធារឹទ្ធ ប្រធានសមាគមសណ្ឋាគារនៅកម្ពុជា​ក៏បានឱ្យដឹងផងដែរថា​ ព្រឹត្តិការណ៍ស៊ីហ្គេម​មិនមែនមកតែកីឡាករ​​ប្រកួ​តនោះទេ តែក៏មក​ជាមួយ​នូ​វប្រតិភូកីឡា​របស់គេ ​និង​អ្នកគាំទ្រ​របស់​គេ​ផងដែរ។ សម្រាប់កីឡា​ករ​ កីឡាការិនី គឺកម្ពុជា​បានរៀបចំកន្លែង​ស្នាក់​នៅ​​​ក្បែរ​នឹងពហុកីឡដ្ឋាន​ជាតិមរតកតេជោ ចំណែក​ប្រតិភូកីឡា​អាច​ជ្រើស​រើស​សណ្ឋាគារ​ណាផ្សេងក្រៅពី​កម្ពុជា​ផ្ដល់ជូន។ ​អ្នក​គាំទ្រ​ក៏ដូចគ្នា​ គេអាច​រកកន្លែង​ស្នាក់​នៅ​ដូចជា​សណ្ឋាគារ ឬ​អាផាតមិន ​និងខុនដូជាដើម។

គួររំលឹកដែរថា អ្នកជំនាញអចលនទ្រព្យ​ជាច្រើន​បានបង្ហាញពីក្ដីរំពឹងថា​ តាមរយៈព្រឹត្តិការណ៍​កីឡាស៊ីហ្គេមមួយ​នេះ នឹ​ងហុច​ប្រយោជន៍​ជាច្រើន​ដល់​កម្ពុជា ហើយក៏រំពឹងថា​នៅពេ​លខាងមុខ​នេះនឹងមានវិនិយោគិន​អន្តរជាតិ​កាន់តែច្រើន​ចូលមកកម្ពុជាដើម្បី​បណ្ដាក់ទុនវិនិយោគទៅតាមជំនាញរបស់ពួកគេ​​លើ​វិស័យ​ផ្សេងៗ បន្ទាប់ពីពួកគេ​បានស្គាល់​កម្ពុជា​រួចហើយ​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

តម្លៃជួញដូរហ៊ុននៅកម្ពុជាប្រចាំថ្ងៃ ជាមធ្យមជាង២១ម៉ឺនដុល្លារ តែថ្ងៃខ្លះហក់ឡើងដល់ជាងកន្លះលាន

ព្រឹត្តិការណ៍, សេដ្ឋកិច្ច

• 12/07/2024

តម្លៃជួញដូរហ៊ុនប្រចាំថ្ងៃជាមធ្យមជាង២១ម៉ឺនដុល្លារអាម៉េរិក តែមានថ្ងៃខ្លះបានហក់ឡើងដល់ជាងកន្លះលានដុល្លារ និងប្រមូលបានសាច់ប្រាក់សរុប៣៨៩លានដុល្លារ

គិតត្រឹម ឆមាសទី១ ឆ្នាំ២០២៤ យានយន្តអគ្គិសនីសរុបចំនួន ២ ៩៦៨គ្រឿង បានចុះបញ្ជីជាផ្លូវការ

ព្រឹត្តិការណ៍, សេដ្ឋកិច្ច

• 12/07/2024

ការចុះបញ្ជីយានយន្តអគ្គិសនីដែលជានិន្នាការថ្មី មានការកើនឡើងជារៀងរាល់ថ្ងៃ ដោយប្រជាពលរដ្ឋមានសុទិដ្ឋិនិយមច្រើន និងបង្ហាញការចាប់អារម្មណ៍ខ្ពស់

រយៈពេល ៥ខែ ដើមឆ្នាំ២០២៤ មានទេសចរជាតិ និងអន្តរជាតិសរុបជាង ១២លាន ៦សែននាក់ បានចេញដើរកម្សាន្តនៅទូទាំងប្រទេស

ព្រឹត្តិការណ៍, សេដ្ឋកិច្ច

• 12/07/2024

ទេសចរអន្តរជាតិជាង២លាន៦សែននាក់ បានមកទស្សនាកម្ពុជាក្នុងរយៈពេល៥ខែនៃដើមឆ្នាំ២០២៤ ខណៈទេសចរក្នុងស្រុកមានចំនួន ១០,៦៨៨,០៧៣ នាក់

ក្រសួងកសិកម្ម និងសហគ្រិនខ្មែរ គាំទ្រគោលនយោបាយអាទិភាព«សហគមន៍កសិកម្មទំនើប»

ព្រឹត្តិការណ៍, សេដ្ឋកិច្ច

• 12/07/2024

ក្រសួងកសិកម្ម និង សហគ្រិនខ្មែរ បានចុះ MoU ជាមួយគ្នា ក្នុងគោលបំណងជំរុញការអភិវឌ្ឍប្រព័ន្ធអេកូឡូស៊ី សហគ្រិនភាពឱ្យរស់រវើក

យុទ្ធនាការ «ការទុកដាក់ និងការញែកសំរាម» នឹងជួយឱ្យប្រទេសកម្ពុជាទទួលបានភាពស្អាតតាមដងវីថី និងទីសាធារណៈ

ព្រឹត្តិការណ៍, សេដ្ឋកិច្ច

• 11/07/2024

យុទ្ធនាការ «ការទុកដាក់ និង ការញែកសំរាម» នឹងជួយឱ្យប្រទេសកម្ពុជាទទួលបានភាពស្អាតនៅតាមដងវីថី និងទីសាធារណៈគ្មានសំរាម

អ្នកឧកញ៉ា លឹម ហេង ៖ ការក្លាយខ្លួនជាអ្នករៀបចំកិច្ចប្រជុំកំពូលហ្រ្វង់កូហ្វូនី នឹងចំណេញដល់ការផ្សព្វផ្សាយ​ឱកាស​វិនិយោគក្នុងស្រុក

ព្រឹត្តិការណ៍, សេដ្ឋកិច្ច

• 11/07/2024

នៅឆ្នាំ ២០២៦ ខាងមុខ គឺជាលើកទី២០នៃការរៀបចំកិច្ចប្រជុំកំពូលហ្វ្រង់កូហ្វូនី ក្នុងនោះកម្ពុជាគឺជាប្រទេសមួយដែលបានដាក់បេក្ខភាពក្នុងការរៀបចំ

រយៈពេល៥ខែ កម្ពុជានាំចេញគ្រាប់ស្វាយចន្ទីបានជិត៥៤ម៉ឺនតោន កើនឡើងជាង៦០%

ព្រឹត្តិការណ៍, សេដ្ឋកិច្ច

• 11/07/2024

ក្នុងរយៈពេល៥ខែ នៃឆ្នាំ២០២៤ កម្ពុជាបាននាំចេញគ្រាប់ស្វាយចន្ទីជិត ៥៤ម៉ឺនតោន កើនឡើងជាង៦០ភាគរយ ក្នុងនោះនាំចេញទៅប្រទេសវៀតណាមចំនួន ៦៦ ម៉ឺន ៧ ពាន់តោន

Anti-Dumping អាចជាអាវុធដំបូងដែលចិនប្រើសម្រាប់ធ្វើសង្គ្រាមពាណិជ្ជកម្មជាមួយអឺរ៉ុប

ព្រឹត្តិការណ៍, សេដ្ឋកិច្ច

• 10/07/2024

ចិនកំពុងបន្តធ្វើការស៊ើបអង្កេតទៅលើករណីអនុវត្តច្បាប់ប្រឆាំងទៅនឹងការប្រកួតប្រជែងតម្លៃជាមួយនឹងទំនិញរបស់អឺរ៉ុបមួយប្រភេទ គឺផលិតផលសាច់ជ្រូក និងផលិតផលដែលធ្វើពីសាច់ជ្រូកទាំងអស់