សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងរយៈពេល៤ខែកន្លងមកនេះ ផ្លូវល្បឿនលឿនភ្នំពេញ – ក្រុងព្រះសីហនុ មានរថយន្តឆ្លងកាត់សរុប ១,៩លានគ្រឿង ហើយមានរថយន្ត ១,៤លានគ្រឿងបានគិតកម្រៃសេវា ដែលក្នុងរយៈពេលនោះគឺក្រុមហ៊ុនប្រមូលបានចំណូលជិត១១លានដុល្លារអាមេរិក។ នេះបើតាមសេចក្ដីប្រកាសព័ត៌មានរបស់ក្រសួងសាធារណការ និងដឹកជញ្ជូន។
តាមសេចក្ដីប្រកាសព័ត៌មានដដែលនេះឱ្យដឹងថា ផ្លូវល្បឿនលឿនភ្នំពេញក្រុងព្រះសីហនុបានចាប់ផ្ដើមដំណើរការនៅខែតុលា ឆ្នាំ២០២២ ប៉ុន្តែក្នុងរយៈពេលមួយខែដំបូង ខាងក្រុមហ៊ុនបានឱ្យពលរដ្ឋបើកបរសាកល្បងដោយមិនគិតកម្រៃសេវាឡើយ ហើយក៏ចាប់ផ្ដើមយកកម្រៃសេវានៅខែវិច្ឆិកា ឆ្នាំ២០២២ ដែលមកដល់ដំណាច់ខែកុម្ភៈ ឆ្នាំ២០២៣ គឺមានរយៈពេល៤ខែគត់ ហើយទទួលបានចំណូលជិត ១១លានដុល្លារ។
លោក ប៉ូ អ៊ាវគង់ អគ្គនាយកក្រុមហ៊ុនអចលនទ្រព្យ Advance បានមានប្រសាសន៍ថា ផ្លូវល្បឿនលឿនភ្នំពេញ – ក្រុងព្រះសីហនុ ជាផ្លូវដ៏សំខាន់មួយដែលជួយឱ្យទំនាក់ទំនងពាណិជ្ជកម្មរវាងភ្នំពេញ និងក្រុងព្រះសីហនុកាន់តែមានកំណើនឡើងបន្ថែមទៀត ហើយក៏មានបងប្អូនប្រជាពលរដ្ឋធ្វើដំណើរតាមបណ្ដោយផ្លូវនេះច្រើន ដោយសារតែប្រើប្រាស់ពេលវេលាខ្លី គឺត្រឹមតែ២ម៉ោងប៉ុណ្ណោះ ។
លោកបន្តថា ទោះជាយ៉ាងណាក្ដី សម្រាប់ផ្លូវជាតិលេខ៤ក៏ជាផ្លូវដ៏សំខាន់មួយផងដែរ ទោះបីជាផ្លូវល្បឿនលឿនដាក់ដំណើរការក្ដី ហើយប្រជាពលរដ្ឋនឹងមានជម្រើសកាន់តែច្រើនក្នុងការធ្វើដំណើរ ដូចជាតាមផ្លូវល្បឿនលឿនសម្រាប់អ្នកប្រញ៉ាប់ និងអាចតាមផ្លូវជាតិលេខ៤សម្រាប់អ្នកដែលធ្វើដំណើរកម្សាន្តមិនសូវប្រញ៉ាប់៕
Account
Security
Favourite Content