សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតចាប់ពីខែមករា ដល់ដំណាច់ខែឧសភា ២០២៤ កន្លងទៅនេះ ក្រុមប្រឹក្សាអភិវឌ្ឍន៍កម្ពុជាបានសម្រេចអនុម័តចុះបញ្ជីលើគម្រោងវិនិយោគថ្មី និងគម្រោងពង្រីកផលិតកម្មសរុបទាំងអស់ចំនួន ១៥៣គម្រោង គិតជាទឹកប្រាក់វិនិយោគមានចំនួន ២ ៧៥៤លានដុល្លារអាមេរិក ។ នេះបើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាចេញផ្សាយជាបន្តបន្ទាប់ ។
ក្នុងរយៈពេល៥ខែកន្លងមកនេះ ឃើញថានៅក្នុងខែមករា ឆ្នាំ២០២៤ ក្រុមប្រឹក្សាអភិវឌ្ឍន៍កម្ពុជាអនុម័តគម្រោងវិនិយោគសរុបចំនួន ៣២គម្រោង សរុបជាទឹកប្រាក់វិនិយោគមានចំនួន១៨៧លានដុល្លារអាមេរិក បង្កើតការងារជូនប្រជាពលរដ្ឋបានជិត៣ម៉ឺនកន្លែង, ក្នុងខែកុម្ភៈ បានអនុម័តគម្រោងវិនិយោគសរុបចំនួន៣៧គម្រោង គិតជាទឹកប្រាក់វិនិយោគមានរហូតដល់ ជិត ១ ២០០លានដុល្លារអាមេរិក, ខែមីនា មានទឹកប្រាក់៨១៣លានដុល្លារអាមេរិក, ខែមេសា ក្រុមប្រឹក្សាអភិវឌ្ឍន៍បានអនុម័តគម្រោងវិនិយោគចំនួន ២១គម្រោង ដែលមានទឹកប្រាក់វិនិយោគចំនួន៣០៩លានដុល្លារអាមេរិក និងបង្កើតការងារបាន២ម៉ឺន៣ពាន់កន្លែង ។
ដោយឡែកក្នុងខែឧសភា កន្លងទៅនេះ ក្រុមប្រឹក្សាអភិវឌ្ឍន៍កម្ពុជាក៏បានអនុម័តចុះបញ្ជីលើគម្រោងវិនិយោគសរុបចំនួន ២៥គម្រោង ដែលមានទឹកប្រាក់វិនិយោគចំនួន២៤៦លាន ដុល្លារអាមេរិក និងអាចបង្កើតការងាររហូតដល់១ម៉ឺន៥ពាន់កន្លែង ។
បើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាបានបង្ហាញថា គម្រោងវិនិយោគលើវិស័យឧស្សាហកម្មមានច្រើនជាងគេ ជាក់ស្ដែងក្នុងខែឧសភាកន្លងទៅនេះគម្រោងវិនិយោគលើវិស័យឧស្សាហកម្មមានទឹកប្រាក់វិនិយោគរហូតដល់ជាង១៨០លានដុល្លារអាមេរិក ហើយម្ចាស់គម្រោងវិនិយោគមួយចំនួនក៏បានជ្រើសរើសយកតំបន់សេដ្ឋកិច្ចពិសេសជាទីតាំងវិនិយោគរបស់ខ្លួនផងដែរ ។
រាជរដ្ឋាភិបាលក៏មានផែនការបង្កើតតំបន់សេដ្ឋកិច្ចពិសេសជាបន្តបន្ទាប់ទៀត ជាពិសេសតំបន់សេដ្ឋកិច្ចដែលផ្ដោតលើវិនិយោគិនមកពីប្រទេសណាមួយ ដូចជាតំបន់សេដ្ឋកិច្ចសម្រាប់វិនិយោគិនជប៉ុន តំបន់សេដ្ឋកិច្ចពិសេសសម្រាប់វិនិយោគិនចិនជាដើម ។ គិតមកដល់ពេលនេះ កម្ពុជាមានតំបន់សេដ្ឋកិច្ចពិសេសសរុបចំនួន ២៤ទីតាំងកំពុងដំណើរការ ដោយក្នុងនោះ មាននៅរាជធានីភ្នំពេញ ខេត្តស្វាយរៀង ព្រះសីហនុ និងកោះកុងជាដើម ៕
Account
Security
Favourite Content