សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងរយៈពេលតែប៉ុន្មានឆ្នាំចុងក្រោយប៉ុណ្ណោះ តំបន់តាមបណ្ដោយមហាវិថីឈ្នះឈ្នះ ឬផ្លូវកប់ស្រូវ បានកែប្រែមុខមាត់ថ្មី ដោយលេចចេញនូវសំណង់រឹងជាបន្តបន្ទាប់ ដូចជា បុរី ផ្ទះល្វែង ផ្សារដើមគរថ្មី និងមន្ទីរពេទ្យតេជោសន្តិភាពដ៏ស្កឹមស្កៃជាដើម ។ ជាពិសេស នាពេលឆាប់ៗខាងមុខនេះតំបន់តាមបណ្ដោយមហាវិថីនេះ នឹងក្លាយជាតំបន់ដ៏មមាញឹកទៅដោយអាជីវកម្ម និងជាតំបន់លំនៅឋានដ៏មានសក្ដានុពល ។
កាលពីប៉ុន្មានឆ្នាំមុននេះ តំបន់តាមបណ្ដោយផ្លូវកប់ស្រូវ ឬឈ្នះមហាវិថីឈ្នះឈ្នះ គឺជាតំបន់វាលស្រែ និងបឹង ប៉ុន្តែក្រោយពីមានក្រុមហ៊ុនធំៗចាប់ផ្ដើមវិនិយោគលើសំណង់ផ្ទះល្វែងនៅបណ្ដោយមហាវិថីនេះ ក៏ស្រាប់តែមានការទាក់ទាញ និងមានការអភិវឌ្ឍជាបន្តបន្ទាប់លើគម្រោងរដ្ឋ ក៏ដូចជាឯកជន ដូចជាគម្រោងមន្ទីរពេទ្យតេជោសន្តិភាពបានសង់រួចរាល់ គម្រោងផ្សារដើមគរថ្មីដែលកំពុងសាងសង់ និងគ្រោងដាក់ដំណើរការនៅពេលឆាប់ៗនេះ។
បើតាមអ្នកជំនាញនៃវិស័យអចលនទ្រព្យជាច្រើនបានមើលឃើញថា តំបន់តាមបណ្ដោយវិថីឈ្នះឈ្នះ បាន និងកំពុងក្លាយជាតំបន់ដែលទាក់ទាញ ពីព្រោះថាតំបន់នេះជាតំបន់ដែលមានការតភ្ជាប់ទៅផ្លូវសំខាន់ៗជុំវិញរាជធានីភ្នំពេញ និងទៅតាមបណ្ដាខេត្តនានា ជាក់ស្ដែងសម្រាប់អ្នករស់នៅតំបន់នេះអាចធ្វើដំណើរទៅកាន់ខេត្តផ្សេងទៀតដូចជា កំពង់ស្ពឺ កណ្តាល កំពត តាកែវ ក៏ដូចជាខេត្តព្រៃវែង និងស្វាយរៀង ដែលអាចធ្វើដំណើរតាមផ្លូវក្រវាត់ក្រុងទី៣ដែលទើបសង់រួចបានដោយងាយស្រួលដោយមិនចាំបាច់ធ្វើដំណើរឆ្លងកាត់ក្នុងក្រុងភ្នំពេញក៏បានដែរ ។
លោក ប៉ូ អ៊ាវគង់ អគ្គនាយកក្រុមហ៊ុន Advance បានមានប្រសាសាន៍ថា តំបន់ណាដែលមានផ្លូវងាយស្រួលធ្វើដំណើរតំបន់នោះ នឹងមានការទាក់ទាញការវិនិយោគច្រើន ហើយតំបន់ណាដែលមានគម្រោងប្លង់មេ ពីរដ្ឋបាលក្រុង ខេត្តឬរាជរដ្ឋាភិបាលច្បាស់លាស់តំបន់នោះ ក៏នឹងទទួលបានការវិនិយោគខ្លាំងផងដែរ ។
លោកបន្តថា តំបន់ដែលមានគម្រោងប្លង់មេច្បាស់លាស់ត្រឹមត្រូវមិនត្រឹមតែទាក់ទាញគម្រោងវិនិយោគនោះទេ តែក៏សំបូរទៅដោយគម្រោងវិនិយោគធំៗ និងអភិវឌ្ឍន៍គម្រោងដែលមានតម្លៃខ្ពស់សម្រាប់អ្នកមានចំណូលខ្ពស់ផងដែរ។ តំបន់ខាងលិច និងខាងជើងភ្នំពេញ នឹងក្លាយជាតំបន់ដែលមានការទាក់ទាញកាន់តែខ្លាំងបន្ថែមទៀតនៅពេលឆាប់ៗនេះ ៕
Account
Security
Favourite Content