សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បច្ចុប្បន្ន ជាដំណាក់កាលមួយដែលវិស័យដីធ្លីក្នុងប្រទេសកម្ពុជាសម្បូរអ្នកលក់តែមិនសូវមានអ្នកទិញដែលធ្វើឱ្យការដោះដូរដីធ្លីមានសកម្មភាពតិចតួច ដោយក្នុងនោះដែរ មានអ្នកលក់ខ្លះទៀតដែលមិនទាន់ត្រូវការលុយបានដាក់លក់ក្នុងតម្លៃថ្លៃ ខណៈដែលចំពោះអ្នកមានតម្រូវការប្រើសប្រាស់លុយចាំបាច់បានប្រកាសលក់ក្នុងតម្លៃទាបជាងទីផ្សារ។
នៅតាមបណ្ដាខេត្ត និងរាជធានីភ្នំពេញ សង្កេតឃើញថាការស្វែងរកទិញអចលនទ្រព្យប្រភេទដីធ្លីហាក់មិនសូវពិបាកនោះទេ ប៉ុន្តែសម្រាប់ការលក់វិញទើបពិបាក ដូច្នេះហើយអ្នកដែលចង់ទិញអចលនទ្រព្យមិនថាដីធ្លី ឬក៏ផ្ទះសម្បែងនោះទេ គឺមានភាពងាយស្រួល ទាំងការទីតាំងល្អ ការទទួបានអចលនទ្រព្យល្អ ហើយមានអាទិភាពក្នុងការចរចាជាមួយអ្នកលក់ក្នុងតម្លៃទាបថែមទៀតផងដែរ ។
លោក មាឃ ឬទ្ធីជ័យ ភ្នាក់ងារអចលនទ្រព្យប្រចាំខេត្តមណ្ឌលគីរី បានមានប្រសាសន៍តាមទូរសព្ទឱ្យដឹងថា បច្ចុប្បន្ននេះស្ថានភាពនៃការទិញលក់ដីធ្លីនៅក្នុងខេត្តមណ្ឌលគីរីមិនសូវមាននោះទេ ដោយសំបូរអ្នកលក់ជាងអ្នកទិញ ក្នុងនោះអ្នកលក់ភាគច្រើនក៏បានដាក់តម្លៃខ្ពស់ជាងទីផ្សារទៅទៀត ដូច្នេះហើយការដោះដូរក៏កាន់តែពិបាកធ្វើបាន ដោយសារតែអ្នកទិញស្វែងរកអចលនទ្រព្យដែលមានតម្លៃទាបជាងទីផ្សារ ហើយអ្នកលក់ចង់បានតម្លៃខ្ពស់ជាងទីផ្សារ។
លោកបន្តថា ទោះជាយ៉ាងក្ដីក៏មានម្ចាស់ទ្រព្យមួយចំនួនដែលត្រូវការលុយបន្ទាន់ បានប្រកាសលក់ដីក្រោមតម្លៃទីផ្សារដែរ ដូច្នេះហើយអ្នកដែលមានទុនមានថវិកាគ្រប់គ្រាន់អាចទិញទុកដើម្បីយកប្រាក់ចំណេញនៅពេលអនាគតឆាប់ៗនេះ ។
លោក កែវ សុជាតិ ប្រធានសាខានៃ KW Kampot បានលើកឡើងផងដែរថា ក្នុងដំណាក់កាលនេះ មានអ្នកលក់ដីធ្លីច្រើននៅក្នុងខេត្តកំពត ប៉ុន្តែតម្លៃវិញមិនទាបជាងទីផ្សារខ្លាំងប៉ុន្មាននោះទេ គឺនៅតែខ្ពស់ដដែលឬអាចខ្ពស់ជាងទីផ្សារទៅទៀតផងក៏មានដែរ ។
លោកបន្តថា យ៉ាងណាក្ដី ការវិនិយោគដីធ្លីនៅតែមានឱកាសចំណេញខ្ពស់នៅពេលអនាគត ពីព្រោះពេលនេះវាស្ថិតនៅក្នុងដំណាក់កាលមួយដែលមិនទាន់មានភាពច្បាស់លាស់នៃទីផ្សារ និងសេដ្ឋកិច្ចដូច្នេះនៅពេលទីផ្សារ និងសេដ្ឋកិច្ចល្អប្រសើរឡើងវិញ នោះតម្លៃដីធ្លី និងការវិនិយោគនឹងកើនឡើងបន្តបន្ទាប់ ។
លោក រ៉ៃ ឬទ្ធី ប្រធានសាខានៃក្រុមហ៊ុន Century 21 Zillion Holding ប្រចាំខេត្តឧត្តរមានជ័យក៏បានឱ្យដឹងដែរថា ពេលនេះជាឱកាសល្អសម្រាប់អ្នកមានប្រាក់គ្រប់គ្រាន់ក្នុងការទិញដីទុកចំណេញហើយសកម្មភាពនៃការទិញដីទុកចំណេញនេះដែរក៏មានកាន់តែច្រើននៅក្នុងខេត្ត ជាពិសេសអ្នកវិនិយោគក្នុងខេត្តផ្ទាល់តែម្ដង ដោយទិញទុកជាច្រើនហិកតា និងលក់វិញពេលដីនោះឡើងថ្លៃ ពីព្រោះនៅខេត្តឧត្តរមានជ័យក៏ចាប់ផ្ដើមមានការអភិវឌ្ឍជាបន្តបន្ទាប់ដោយរំពឹងថានឹងធ្វើឱ្យតម្លៃដីធ្លីងើបឡើងវិញក្នុងពេលឆាប់ៗនេះ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content