សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា តម្លៃប្រេងបានធ្លាក់ចុះបន្តិចបន្ទាប់ពីឡើងថ្លៃក្នុងរយៈពេល ៧ សប្តាហ៍ ជាមួយនឹងតម្រូវការសកលដែលខ្សោយ ការកើនឡើងនៃស្តុកប្រេង និងក្តីសង្ឃឹមធ្លាក់ចុះសម្រាប់ការកាត់បន្ថយអត្រាការប្រាក់របស់សហរដ្ឋអាមេរិក។
ឥឡូវនេះ តម្លៃប្រេងឆៅម៉ាក West Texas Intermediate បានធ្លាក់ចុះ ០,៥ ភាគរយ ឬ ៧៨,៩៥ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក Brent ធ្លាក់ចុះ ០,៣ ភាគរយ ឬ ៨៣,៦៧ ដុល្លារក្នុងមួយបារ៉ែល។
ទន្ទឹមនឹងនេះ អ្នកវិនិយោគប្រេងមានការព្រួយបារម្ភអំពីការធ្លាក់ចុះសេដ្ឋកិច្ចដែលអាចកើតមាននៅក្នុងសហរដ្ឋអាមេរិក ខណៈដែលសង្រ្គាមរវាងអ៊ីស្រាអែល និងក្រុមហាម៉ាស់នៅតែបន្តដោយមិនមានផលប៉ះពាល់ខ្លាំងដល់ការផ្គត់ផ្គង់ប្រេងនៅមជ្ឈិមបូព៌ា។ កាលពីថ្ងៃពុធ តម្លៃប្រេងបានធ្លាក់ចុះជាង ៣ ភាគរយ បន្ទាប់ពីរដ្ឋាភិបាលសហរដ្ឋអាមេរិករាយការណ៍ពីការកើនឡើងនៃស្តុកប្រេងឆៅដ៏គួរឲ្យភ្ញាក់ផ្អើល ហើយ Fed បានរក្សាអត្រាការប្រាក់មិនផ្លាស់ប្តូរដោយលើកឡើងពីអតិផរណាមិនងាយធ្លាក់ចុះ។
អ្នកវិភាគប្រេងម្នាក់ Gaurav Sharma លើកឡើងថា ស្ថានភាពទាំងមូលវិលជុំវិញតម្រូវការ ដោយសាrហានិភ័យដែលទាក់ទងនឹងភាពតានតឹងនៅមជ្ឈិមបូព៌ាពីខែមុនប្រែទៅជាហានិភ័យដែលនៅសល់សម្រាប់ពេលឥឡូវនេះ។ យ៉ាងណាមិញ ការធ្លាក់ចុះនៃតម្រូវការប្រេងម៉ាស៊ូតនៅទូទាំងពិភពលោកក៏កំពុងផ្តល់ក្តីបារម្ភអំពីការពន្យឺតកំណើនតម្រូវការប្រេងនៅក្នុងបណ្តាប្រទេសសេដ្ឋកិច្ចធំៗផងដែរ។ ទិន្នន័យពីក្រុមហ៊ុនប្រឹក្សា Insights Global បានបង្ហាញថា ស្តុកប្រេងសាំងរួមមានប្រេងម៉ាស៊ូត បានកើនឡើងជាង ៣ ភាគរយនៅក្នុងមជ្ឈមណ្ឌលស្តុកប្រេង Amsterdam-Rotterdam-Antwerp របស់អឺរ៉ុបកាលពីថ្ងៃព្រហស្បតិ៍។
Alex Hodes អ្នកវិភាគប្រេងមកពី StoneX លើកឡើងថា តម្រូវការប្រេងម៉ាស៊ូតនៅក្នុងមជ្ឈមណ្ឌលចម្រាញ់ PADD 3 នៅលើឆ្នេរសមុទ្រឈូងសមុទ្រអាមេរិកត្រូវបានគេរំពឹងថានឹងទាបជាងកាលពីបីឆ្នាំមុន។ ដំណឹងអាក្រក់នោះគឺ ទិន្នផលចម្រាញ់របស់ PADD 3 គឺស្ថិតនៅចំណុចទាបបំផុតចាប់តាំងពីដើមខែមីនា ទោះបីជាមានការបន្ថែមស្តុកទាំងនេះក៏ដោយ។ លោក Hiroyuki Kikukawa ប្រធានក្រុមហ៊ុន NS Trading បាននិយាយថា ទីផ្សារប្រេងត្រូវបានគាំទ្រដោយការព្យាករណ៍ថា ប្រសិនបើ WTI ធ្លាក់ចុះក្រោម ៧៩ ដុល្លារក្នុងមួយបារ៉ែលនោះ សហរដ្ឋអាមេរិកនឹងគិតគូរបង្កើតទុនបម្រុងយុទ្ធសាស្ត្ររបស់ខ្លួន។ មួយវិញទៀតនោះ ដើម្បីគាំទ្រដល់តម្លៃប្រេង ក្រុមប្រទេសនាំចេញប្រេង និងសម្ព័ន្ធមិត្ត (OPEC+) អាចបន្តកាត់បន្ថយទិន្នផល ប្រសិនបើតម្រូវការកើនឡើងមិនសមស្របនឹងគោលដៅ៕
Account
Security
Favourite Content