សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ វិស័យឧស្សាហកម្មទូទៅដែលរួមមានការរុករករ៉ែ កម្មន្តសាល អគ្គិសនី ឧស្ម័ន ទឹក និងសំណង់ ត្រូវការទុនវិនិយោគប្រមាណ ១៧ ៥៥៨លានដុល្លារអាមេរិក សម្រាប់រយៈពេល៣ឆ្នាំ (២០២២ – ២០២៤) ។ នេះបើយោងតាមរបាយការណ៍នៃកម្មវិធីវិនិយោគសាធារណៈរបស់ក្រសួងផែនការសម្រាប់ឆ្នាំ២០២២-២០២៤ ។
តាមរយៈរបាយការណ៍ឱ្យដឹងថា នៅក្នុងក្រុមនៃវិស័យឧស្សាហកម្ម អនុវិស័យកម្មន្តសាល និងត្រូវការចំណែកធំជាងគេនៃការវិនិយោគ គឺមានចំនួនប្រមាណ ៦ ០១៨លានដុល្លារអាមេរិក អនុវិស័យសំណង់ ត្រូវការចំណែកថវិកាធំទី២ ប្រមាណ ៩ ២៧០លានដុល្លារអាមេរិក ហើយអនុវិស័យអគ្គិសនី ឧស្ម័ន និងទឹកត្រូវការទុនវិនិយោគចំនួនប្រមាណ ១ ៩៨៤លានដុល្លារអាមេរិក ។
នៅក្នុងរបាយការណ៍ដដែលបង្ហាញផងដែរថា ក្នុងឆ្នាំ២០២២នេះ វិស័យឧស្សាហកម្មសាធារណៈត្រូវការទុនវិនិយោគ ៥ ៣៧២លានដុល្លារអាមេរិក ឆ្នាំ២០២៣ត្រូវការទុនវិនិយោគសរុប ៥ ៩១៧លានដុល្លារអាមេរិក និងឆ្នាំ២០២៤ត្រូវការទុនវិនិយោគលើឧស្សាហកម្មប្រមាណ ៦ ២៦៩លានដុល្លារអាមេរិក ។
ក្នុងកិច្ចខិតខំប្រឹងប្រែងប្រមូលចំណូល រាជរដ្ឋាភិបាលពុំមានគោលការណ៍បង្កើតបន្ទុកពន្ធថ្មី ឬដំឡើងពន្ធបន្ថែមដល់ប្រជាជន និងធុរជននោះទេ ពោលគឺរាជរដ្ឋាភិបាលបានផ្ដោតលើការពង្រឹងការអនុវត្តគោលនយោបាយ និងច្បាប់ ដែលមានស្រាប់ តាមរយៈការអនុវត្តវិធានការយ៉ាងម៉ឺងម៉ាត់ និងមុតស្រួច ទាំងតាមវិធានការរដ្ឋបាល និងវិធានការណ៍គោលនយោបាយ ទាំងសម្រាប់រយៈពេលខ្លី មធ្យម និងវែង ជាពិសេសការលើកកម្ពស់វប្បធម៌បង់ពន្ធ ការបង្ក្រាបអំពើរត់ពន្ធ និងការគេចពន្ធគ្រប់រូបភាពឱ្យដល់ឬសគល់ ព្រមទាំងការកែលម្អអភិបាលកិច្ចក្នុងការប្រមូលពន្ធទាំងក្នុងផ្នែកគយ និងពន្ធដារ ព្រមទាំងផ្នែកមិនមែនសារពើពន្ធ ។ យ៉ាងណាក៏ដោយ ទោះបីជាស្ថិតនៅក្នុងវិបត្តិកូវីដ-១៩កន្លងមក ក៏រាជរដ្ឋាភិបាលបានប្រើប្រាស់ថវិកាដែលសន្សំបាន សម្រាប់វិនិយោគលើវិស័យជាច្រើន ដើម្បីសម្រេចឱ្យបាននូវចក្ខុវិស័យរបស់ខ្លួនក្លាយជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងប្រទេសមានប្រាក់ចំណូលខ្ពស់នៅឆ្នាំ២០៥០ ដោយក្នុងនោះរាជរដ្ឋាភិបាលបានសាងសង់សំណង់សាធារណៈ ខ្វាត់ខ្វែង ស្ពាន ថ្នល់ និងហេដ្ឋារចនាសម្ព័ន្ធជាច្រើនទៀត៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content