ទំហំនៃការផ្ដល់​ឥណទាន​ទៅលើវិស័យសំណង់​កើនឡើង​ ២៩,៣ភាគរយក្នុងត្រីមាស​ដំបូងឆ្នាំនេះ

ភ្នំពេញ ៖ បើទោះបីជា​កម្ពុជា​បានជួបនូវវិបត្តិ​អស់រយៈ​ពេលជាង​២ឆ្នាំមកហើយក្ដី តែ​វិស័យ​ធនាគារ​ និងហិរញ្ញវត្ថុ​នៅតែបន្តមានកំណើនល្អប្រសើ​ទាំង​ឥណទាន និងប្រាក់​បញ្ញើ​​ ដោយក្នុងនោះដែរ​កា​រផ្ដល់​ឥណទាន​ទៅលើ​វិស័យ​សំណង់​ក្នុង​រយៈ​ពេល​១ត្រីមាស​នៃឆ្នាំ​២០២២នេះ ឃើញថាមានកំណើនរហូតដល់​២៩,៣ភាគរយ​ធៀបនឹង​រយៈ​ពេលដូចគ្នា​កាលពីឆ្នាំ២០២១​កន្លងទៅ ។

ផ្អែកតាមរបាយការណ៍​ដែលចេញដោយធនាគារ​ជាតិនៃកម្ពុជាបានឱ្យដឹងថា គិតត្រឹម​ដំណាច់​ត្រីមាសទី១ឆ្នាំ២០២២​នេះ វិស័យ​ធនាគារ ​និងហិរញ្ញវត្ថុ​បានផ្ដល់​ឥណទានដល់វិស័យ​នានា​សរុបចំនួន​៥០,៧​ពាន់លានដុល្លារអាមេរិក ធៀបនឹង​រយៈ​ពេលដូចគ្នា​កាល​ពីឆ្នាំ​២០​២១​កន្លងទៅ​មានកំណើន​រហូតដល់ ២២,៤ភាគរយ ហើយសម្រាប់វិស័យ​សំណង់​បានកើនឡើ​ង​រហូតដល់​២៩,៣ភាគរយ​​ដែលមានទឹកប្រាក់សរុប​ចំនួន​១៣,៧​ពាន់លានដុល្លារអាមេរិក ។​

វិស័យលក់​ដុំ ​និងរាយ​​ក៏​ទទួលបានការផ្ដល់​ឥណទានខ្ពស់​ផងដែរ ដោយក្នុងរយៈ​ពេល​១ត្រីមាស​ដំបូង​នៃ​ឆ្នាំ​២០២២​នេះ​មានទឹកប្រាក់​១២,៦​ពាន់លានដុល្លារអាមេរិក​ និ​ងមានកំណើន​២៦,១​ភាគរយ​ធៀបនឹង​ឆ្នាំមុន ។ ទាំងអស់​នេះបានបង្ហាញផងដែរថា ​សកម្មភាព​អាជីវកម្ម​នានា​នៅក្នុងប្រទេស​កម្ពុជា​ចាប់ផ្ដើម​ដំណើរការ​ឡើង​វិញនៅក្នុងឆ្នាំ ២០២២​នេះ និងជាសញ្ញា​ល្អសម្រាប់កំណើន​សេដ្ឋកិច្ច ។

លោក​ឧកញ៉ា​ ហួត អៀងតុង​​ អគ្គនាយក​ធនាគារ​ហត្ថា​ បានមានប្រសាសន៍ឱ្យដឹងផងដែរថា​ ៥ខែ​ដើម​ឆ្នាំ​២០២២​​នេះ វិស័យ​ធនាគារ​ឃើញថានៅតែមានស្ថានភាពល្អ​ទាំង​ផល​បត្រ​ឥណទាន ​និងប្រាក់បញ្ញើ​ ហើយ​ធនាគារ​ហត្ថា​វិញក៏ដូចគ្នា​ដែរ ក្នុងរយៈ​ពេល​៥ខែ​ដើមឆ្នាំនេះ ក៏ទទួលបានលទ្ធផល​ល្អប្រសើរ​ និងឃើញថា​បានដើរ​លឿនជាង​ផែនការ​គ្រោង​ទុក ។

លោកឧញ៉ា​បន្តថា​ ៖

“ធនាគារ​ហត្ថា​បានផ្ដោត​កា​រយកចិត្តទុកដាក់​ទៅលើ​វិស័យ​មួយចំនួន​ដែលជាសរសរស្ដម្ភ​នៃសេដ្ឋកិច្ច​ ក្នុងនោះមានកា​រផ្ដោតការ​យកចិត្តទុកដាក់​ផ្ដល់​ឥណទានទៅលើ​វិស័យ​ កសិកម្ម វិស័យ​ជំនួញ​ខ្នាត​តូច ​និងមធ្យម ហើយវិស័យ​សំណង់ក៏បានផ្ដល់​ឥណទានច្រើនផងដែរ​ ដែលអាច​និយាយថា​យើងផ្ដល់​ឥណទានដល់​វិស័យសំណង់​ក្នុងកម្រិត​ខ្ពស់​បំផុត​ផងដែរ​។ ការផ្ដល់​ឥណទានទៅលើវិស័យ​លំ​នៅ​ឋាន​ក៏ធនាគារ​ហត្ថា​បានផ្ដោត​ការ​យកចិត្តទុកដាក់​និងផ្ដល់​ច្រើន​​ក្នុងកម្រិតខ្ពស់ផងដែរ ក្នុងពេល​វិស័យនេះ កំពុង​​មានការអភិវឌ្ឍ​ជា​បន្តបន្ទាប់”

គួររំលឹកផងដែរថា ក្រសួងសេដ្ឋកិច្ច ​និងហិរញ្ញវត្ថុ​បានព្យាករ​ថា​វិស័យ​សំណង់​រំពឹង​មានកំណើន​រង្វង់​៣ភាគរយ ហើយការព្យាករ​នេះដែរ​ក៏ពឹងផ្អែក​ទៅលើ​ការបន្ត​ផ្ដល់​ឥណទានរបស់​ធនាគារ​និងមីក្រូហិរញ្ញវត្ថុទៅលើវិស័យ​នេះ​ផងដែរ។ ហើយបើតាមអ្នកជំនាញនៃវិស័យ​អចលនទ្រព្យ​ក៏បានលើកឡើងពីបញ្ហា​ប្រឈមពីវិស័យសំណង់ ដោយ សារតែ​តម្លៃគ្រឿង​សំណង់​បានហកឡើ​ងខ្ពស់​ពីព្រោះតែ​វិបត្តិ​នៃសង្គ្រាមរវាង​រុស្ស៊ី និងអ៊ុយ​ក្រែន នាំឱ្យ​ប្រេង​ឥន្ធនៈឡើង​ថ្លៃ និង​ជំរុញឱ្យតម្លៃដឹកជញ្ជូនក៏ឡើងថ្លៃជាង​មុន ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

៥ខែ ឆ្នាំ២០២៤ កម្ពុជា នាំចេញបង្កងប៉ាករស់ ២,៥តោន អន្ទង់០.២០តោន និងកំពិសបង្កកជាង៣៥តោនទៅទីផ្សារចិន

ព្រឹត្តិការណ៍, សេដ្ឋកិច្ច

• 16/07/2024

៥ខែនៃឆ្នាំ២០២៤ កម្ពុជាបាននាំចេញបង្កងប៉ាករស់ ២,៥តោន អន្ទង់០.២០តោន និង កំពិសបង្កកជាង​៣៥តោនទៅទីផ្សារប្រទេសចិន

ទីផ្សារហ៊ុននៅអាស៊ីកំពុងស្ថិតក្រោមស្រមោលនៃព្រឹត្តិការណ៍ប៉ុនប៉ងបាញ់សម្លាប់លោក Trump

ព្រឹត្តិការណ៍, សេដ្ឋកិច្ច

• 16/07/2024

គិតត្រឹមព្រឹកព្រលឹមថ្ងៃចន្ទសប្ដាហ៍នេះ សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងទៅដល់ប្រមាណ ៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល

សត្វចង្រៃ ដង្កូវ​ហ្វូង និង​រុយ​ស​ បំផ្លាញ​ស្រូវ​កសិករជាច្រើនហិកតា តែអាចគ្រប់គ្រងបាន

ព្រឹត្តិការណ៍, សេដ្ឋកិច្ច

• 16/07/2024

ឯកឧត្តម ងិន ឆាយ ប្រតិភូររាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានបញ្ជាក់ឱ្យដឹងថា ការខូចខាតដំណាំស្រូវ​ដោយសារសត្វល្អិតចង្រៃអាចគ្រប់គ្រងបាន