អ្នកជំនាញ ៖ ការអភិវឌ្ឍដីឡូត៍ទំហំតូចមិនមែនជាជម្រើសល្អ និងអាចជួយអភិវឌ្ឍប្រទេសនោះឡើយ

ភ្នំពេញ ៖ នៅរយៈពេលប៉ុន្មានឆ្នាំចុងក្រោយនេះ គម្រោងអភិវឌ្ឍន៍ដីឡូត៍មានសកម្មភាពកាន់តែខ្លាំង ជាពិសេសការទិញដីស្រែ ទិញដីចំការនិងដីទំនេរដើម្បីជាពុះបំបែកឡូត៍ដើម្បីលក់ទៅឲ្យអតិថិជន ដោយក្នុងនោះភាគច្រើនអ្នកអភិវឌ្ឍន៍ពុះដីឡូត៍ត្រឹមទំហំតែ ៥ម៉ែត្រ X ២០ម៉ែត្រប៉ុណ្ណោះ ខណៈដែលអ្នកជំនាញក្នុងវិស័យអចលនទ្រព្យមើលឃើញថាដីទាំងនេះគឺមានទំហំតូច ហើយមិនបានជួយលើកស្ទួយការរស់នៅរបស់ប្រជាពលរដ្ឋបាននោះទេ។

លោកឧកញ៉ា សំ សុខនឿន ប្រធានសមាគមអចលនទ្រព្យសកល (GRA) បានមានប្រសាសន៍ឱ្យដឹងថា តាំងពីដើមមកលោកមិនដែលលើកទឹកចិត្តឱ្យប្រជាពលរដ្ឋទៅទិញដីឡូត៍ទំហំតូចៗនោះទេ ហើយនៅពេលអនាគត វិស័យដីឡូត៍នឹងត្រូវបាត់បង់។ យ៉ាងណាក្ដី ក៏នៅតែមានបងប្អូនមួយចំនួននៅតែមានសុទិដ្ឋិនិយមចំពោះដីឡូត៍ ហើយគិតថា ការទិញដីឡូត៍នឹងអាចធ្វើឱ្យពួកគាត់ទទួលបានប្រាក់ចំណេញមកវិញនៅពេលអនាគ។

លោកឧកញ៉ាបន្តថា ការទិញដីឡូត៍មិនមែនជាជម្រើសល្អក្នុងការពង្រីកលំនៅឋាននោះទេ ពីព្រោះថាដីឡូត៍ភាគច្រើនស្ថិតនៅតំបន់ជាយក្រុង និងមិនទាន់មានការអភិវឌ្ឍហេដ្ឋារចនាសម្ព័ន្ធនៅឡើយ ដូច្នេះហើយទើបអ្នកដែលទិញដីឡូត៍ហើយតែងពិបាកលក់ចេញវិញ ពីព្រោះថាអ្នកអភិវឌ្ឍន៍ដីឡូត៍គេបានយកចំណេញរួចទៅហើយ។

លោកឧកញ៉ាបន្តថា ៖

“អ្នកទិញដីឡូត៍ភាគច្រើនមិនមែនទិញហើយទៅសង់ផ្ទះរស់នៅទេ ពីព្រោះអ្នកទិញដីឡូត៍ភាគច្រើនជាអ្នករស់នៅ និងធ្វើការក្នុងក្រុង ដូចជាកម្មកររោងចក្រ កម្មករសំណង់ បងប្អូនរត់ម៉ូតូឌុប កង់បី និងអាជីវករតូចៗ ជាដើម”

លោកឧកញ៉ាបន្តថា ៖

“អ្នកអភិវឌ្ឍន៍ដីឡូត៍ គេបានទិញដីក្នុងតម្លៃមួយម៉ែត្រការ៉េ១ដុល្លារ ឬ ៣ដុល្លារ ហើយពុះលក់ក្នុងមួយឡូត៍ ៣០០០ដុល្លារ ឬថ្លៃជាងនេះ ដូច្នេះគេចំណេញរួចទៅហើយ បើគិតទៅមួយម៉ែត្រការ៉េអាចលក់ចេញបានដល់ទៅ៣០ដុល្លារ ដែលវាជាតម្លៃលក់នៅរយៈពេល៥ឆ្នាំក្រោយឯណោះ អញ្ចឹងអ្នកទិញហើយចង់លក់វិញនឹងពិបាកលក់ចេញ ហើយដីឡូត៏នោះ ក៏មិនដឹងថាគេយកទៅធ្វើអ្វីដែរ បើយកទៅអភិវឌ្ឍន៍ត្រូវការប្រមូលទិញពីម្ចាស់ដីឡូត៍មួយៗច្រើនគ្នា”

ជាមួយគ្នានេះ លោកឧកញ៉ា សំ សុខនឿន ក៏បានបញ្ជាក់ឲ្យដឹងបន្ថែមថា ការពុះដីឡូត៍មួយចំនួន មិនបានគិតគូរដល់ការអភិវឌ្ឍន៍ហេដ្ឋារចនាសម្ព័ន្ធនោះទេ ដូចជាប្រព័ន្ធលូបង្ហូរទឹក ប្រពន្ធទឹកស្អាត បណ្តាញអគ្គិសនីជាដើម ដូច្នេះនៅពេលពលរដ្ឋម្ចាស់ដីឡូត៍ទៅសាងសង់ផ្ទះ នឹងមានផលពិបាកក្នុងការតបណ្ដាញទឹក ភ្លើង និងលូ ។ ជារួមគេអាចនិយាយបានថា ការអភិវឌ្ឍហេដ្ឋារចនាសម្ព័ន្ធនៅក្នុងគម្រោងដីឡូត៍មិនមែនជាការងាយស្រួលនោះទេ ទោះបីជាមានការរីកចម្រើនទៅដល់តំបន់នោះក៏ដោយ។

លោកឧកញ៉ាថា ៖

“ដីឡូត៍គឺជាគម្រោងឯកជន ដូច្នេះ នៅពេលមានការអភិវឌ្ឍទៅដល់តំបន់នោះ ក៏រដ្ឋអភិវឌ្ឍន៍តែគម្រោងផ្លូវធំៗ គម្រោងលូធំៗរបស់រដ្ឋ ដូច្នេះហេដ្ឋារចនាសម្ព័ន្ធក្នុងគម្រោងដីឡូត៍គឺទុកឱ្យម្ចាស់គម្រោងជាអ្នកអភិវឌ្ឍខ្លួនឯង”

យ៉ាងណាក្ដី សម្រាប់អ្នកអភិវឌ្ឍន៍ដីឡូត៍មួយចំនួនបានលើកឡើងថា អាជីវកម្មដីឡូត៍របស់ពួកគេនៅតែមានប្រជាប្រិយភាព និងបានរួមចំណែកធំធេងដល់សង្គមជាតិ ដូចជាការសម្រួលដល់ពលរដ្ឋដែលខ្វះលទ្ធភាពក្នុងការទិញផ្ទះ ជំនួសដោយទិញដីឡូត៍ដោយបង់រំលស់ប្រចាំខែ។ ក្រៅពីនេះ ការទិញលក់ដីឡូត៍នេះក៏បានផ្ដល់ជាចំណូលពន្ធ តាមរយៈការផ្ទេរកម្មសិទ្ធិពីម្ចាស់គម្រោងទៅអតិថិជនជាដើម។ យ៉ាងណាមិញ តាមការសង្កេតជាក់ស្ដែងចំពោះការពុះដីឡូត៍នៅក្នុងប្រទេសកម្ពុជានាពេលបច្ចុប្បន្ននេះ បានចាប់ផ្តើមមានការផ្លាស់ប្តូរខុសពីមុន ជាពិសេសទៅលើទំហំដី និងការរចនា ដោយបានពុះជាទំហំដីធំៗ និងមានដាំដំណាំនៅក្នុងដីនោះស្រាប់ ដែលក្នុងនោះភាគច្រើនសម្រាប់ប្រភេទដីឡូត៍លំនៅឋានលំហែ ដែលអាចសង់ផ្ទះក្នុងដីនោះ និងដំណាំបន្លែបង្កានានាសម្រាប់ជាការកម្សាន្តផងដែរ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

៥ខែ ឆ្នាំ២០២៤ កម្ពុជា នាំចេញបង្កងប៉ាករស់ ២,៥តោន អន្ទង់០.២០តោន និងកំពិសបង្កកជាង៣៥តោនទៅទីផ្សារចិន

ព្រឹត្តិការណ៍, សេដ្ឋកិច្ច

• 16/07/2024

៥ខែនៃឆ្នាំ២០២៤ កម្ពុជាបាននាំចេញបង្កងប៉ាករស់ ២,៥តោន អន្ទង់០.២០តោន និង កំពិសបង្កកជាង​៣៥តោនទៅទីផ្សារប្រទេសចិន

ទីផ្សារហ៊ុននៅអាស៊ីកំពុងស្ថិតក្រោមស្រមោលនៃព្រឹត្តិការណ៍ប៉ុនប៉ងបាញ់សម្លាប់លោក Trump

ព្រឹត្តិការណ៍, សេដ្ឋកិច្ច

• 16/07/2024

គិតត្រឹមព្រឹកព្រលឹមថ្ងៃចន្ទសប្ដាហ៍នេះ សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងទៅដល់ប្រមាណ ៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល

សត្វចង្រៃ ដង្កូវ​ហ្វូង និង​រុយ​ស​ បំផ្លាញ​ស្រូវ​កសិករជាច្រើនហិកតា តែអាចគ្រប់គ្រងបាន

ព្រឹត្តិការណ៍, សេដ្ឋកិច្ច

• 16/07/2024

ឯកឧត្តម ងិន ឆាយ ប្រតិភូររាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានបញ្ជាក់ឱ្យដឹងថា ការខូចខាតដំណាំស្រូវ​ដោយសារសត្វល្អិតចង្រៃអាចគ្រប់គ្រងបាន