សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទោះបីស្ថិតនៅក្នុងស្ថានភាពនៃវិបត្តិសេដ្ឋកិច្ចពីខាងក្រៅក្ដី តែការអភិវឌ្ឍលំនៅឋានក្នុងប្រទេសកម្ពុជានៅតែបន្តជាហូរហែ ជាពិសេសការអភិវឌ្ឍលំនៅឋានមានលក្ខណៈជាបុរី ដែលគម្រោងភាគច្រើនត្រូវបានវិនិយោគដោយក្រុមហ៊ុនក្នុងស្រុក។ ជាក់ស្ដែង សម្រាប់ការអភិវឌ្ឍលំនៅឋានមានលក្ខណៈជាបុរីនេះដែរ ក្នុងឆ្នាំ២០២៣នេះ ត្រូវបានរំពឹងថានឹងមានចំនួនលើសពី៦០គម្រោងដែលនឹងត្រូវបញ្ចប់។
យោងតាមរបាយការណ៍របស់ក្រុមហ៊ុនភ្នាក់ងារអចលនទ្រព្យ CBRE Cambodia បានឱ្យដឹងថា ការអភិវឌ្ឍលំនៅឋានជាបុរីក្នុងត្រីមាសទី១ ឆ្នាំ២០២៣នេះ មានភាពយឺតយ៉ាវក្នុងរយៈពេល៥ឆ្នាំចុងក្រោយនេះ ក៏ប៉ុន្តែយ៉ាងណាក៏នៅតែមានគម្រោងថ្មីៗត្រូវបានចាប់ផ្ដើមអភិវឌ្ឍន៍ក្នុងឆ្នាំ២០២៣នេះដែរ។ ជាក់ស្ដែង ក្នុងត្រីមាសទី១ ឆ្នាំ២០២៣កន្លងទៅនេះ មានគម្រោងអភិវឌ្ឍន៍លំនៅឋានថ្មីតែ៤គម្រោងប៉ុណ្ណោះបានបើកដំណើរការ ហើយក្នុងនោះដែរ៧គម្រោងបានបញ្ចប់នៅក្នុងត្រីមាសកន្លងទៅនេះ ដោយរំពឹងថានៅដំណាច់ឆ្នាំ២០២៣ គម្រោងប្រមាណ ៦០ផ្សេងទៀតនឹងត្រូវបានបញ្ចប់ ។
របាយការណ៍ដដែលបង្ហាញផងដែរថា ការផ្គត់ផ្គង់លំនៅឋានជាបុរីតម្លៃសមរម្យ និងតម្លៃមធ្យមមានចំនួនច្រើនជាងគេ។ ចំណែកការផ្គត់ផ្គងលំនៅឋានជាបុរីដែលមានតម្លៃខ្ពស់គឺមានតិចតួចប៉ុណ្ណោះ។ កាលពីឆ្នាំ២០១៨ ការផ្គត់ផ្គង់មានជាង១០០គម្រោង រហូតដល់ឆ្នាំ២០២២ មានចំនួនជិត៤០០គម្រោង និងឆ្នាំ២០២៣ មានការព្យាករថានឹងកើនឡើងដល់ជាង៤០០គម្រោង ។
លោកឧកញ៉ា នួន រិទ្ធី អគ្គនាយកក្រុមហ៊ុន KFA Group បានលើកឡើងថា ការអភិវឌ្ឍលំនៅឋាននៅតែបន្ត ពីព្រោះតម្រូវការនៅតែមាន ដូច្នេះនៅពេលណាមានតម្រូវការ អ្នកអភិវឌ្ឍន៍នឹងនៅតែបន្តអភិវឌ្ឍន៍ ដោយអ្នកទិញមួយចំនួនទិញសម្រាប់វិនិយោគ គឺទិញទុកចំណេញ និងមួយចំនួនទៀតទិញសម្រាប់ស្នាក់នៅខ្លួនឯងតែម្ដង ។
ឯកឧត្តមបណ្ឌិត បេងហុង សុជាតិខេមរ៉ូ អគ្គនាយកនៃអគ្គនាយកនៃអគ្គនាយកដ្ឋានលំនៅឋាននៃក្រសួងរៀបចំដែនដី នគរូបនីយកម្ម និងសំណង់បានមានប្រសាសន៍ថា ការអភិវឌ្ឍបុរីនេះ បានកែប្រែតំបន់មួយដែលធ្លាប់ជាតំបន់ដាច់ស្រយាល តំបន់វាលស្រែ ទៅជាតំបន់លំនៅឋានដ៏មានសក្ដានុពល និងពោរពេញទៅដោយមនុស្សរស់នៅកុះករ ។ ឯកឧត្តមបានលើកទឹកចិត្តដល់អ្នកអភិវឌ្ឍន៍លំនៅឋានបន្តអភិវឌ្ឍន៍លំនៅឋានដែលមានតម្លៃសមរម្យសម្រាប់ផ្គង់ផ្គង់ដល់ប្រជាពលរដ្ឋដែលមានប្រាក់ចំណូលទាបនិងមធ្យម ក៏ដូចជាមន្ត្រីរាជការដែលមិនមានលទ្ធភាពទិញផ្ទះតម្លៃខ្ពស់រស់នៅបាន ក្នុងនោះរាជរដ្ឋាភិបាលក៏បានចូលរួមក្នុងការលើកទឹកចិត្តជាមួយអ្នកអភិវឌ្ឍន៍ដោយលើកលែងពន្ធប្រថាប់ត្រាពេលផ្ទេរកម្មសិទ្ធិសម្រាប់លំនៅឋានតម្លៃក្រោម៧ម៉ឺនដុល្លារអាមេរិកផងដែរ៕
Account
Security
Favourite Content