សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងរយៈពេលជាង១០ឆ្នាំចុងក្រោយនេះ វិស័យអចលនទ្រព្យនៅក្នុងប្រទេសកម្ពុជាមានភាពរីកចម្រើនគួរឱ្យកត់សម្គាល់ ពោលគឺចាប់តាំងពីពិភពលោកបានរួចផុតពីវិបត្តិហិរញ្ញវត្ថុកាលពីអំឡុងឆ្នាំ២០០៨ ឬ២០០៩ ។ ជាមួយគ្នានេះ ដោយមើលឃើញពីសន្ទុះ នៃការអភិវឌ្ឍក្នុងវិស័យនេះកាន់តែខ្លាំង អ្នកជំនាញនៃវិស័យអចលនទ្រព្យកម្ពុជារំពឹងថា កម្ពុជាប្រើពេលតែ ៣ ឬ៤ឆ្នាំទៀត នឹងអាចភាពប្រទាប់ប្រសងជាមួយបណ្តាប្រទេសជិតខាង។
លោកឧកញ៉ា ចេង ខេង អគ្គនាយកនៃក្រុមហ៊ុនអចលនទ្រព្យ CPL បានមានប្រសាសន៍ថា វិស័យដីធ្លី និងអចលនទ្រព្យនៅកម្ពុជា ជាពិសេសតំបន់ដែលស្ថិតនៅជុំវិញរាជធានីភ្នំពេញ មានការរីកចម្រើនស្ទើរគ្រប់ទិស ដែលធ្វើឱ្យអ្នកវិនិយោគជាតិ និងអន្តរជាតិទទួលបានផលចំណេញពីការវិនិយោគនៅក្នុងវិស័យមួយនេះ។
លោកឧកញ៉ាបានបញ្ជាក់ថា ៖
“ក្នុងរយៈពេល៥ឆ្នាំកន្លងមកនេះ យើងបានឃើញថា ការរីកចម្រើននៃវិស័យអចលនទ្រព្យក្នុងប្រទេសកម្ពុជា ជិតស្មើមុខស្មើមាត់នឹងប្រទេសជិតខាងទៅហើយ ដូច្នេះយើងរំពឹងថា រយៈពេល៣ទៅ៤ឆ្នាំខាងមុខ យើងនឹងអាចមានការប្រកួតប្រជែងជាមួយនឹងប្រទេសជិតខាងដែរ ។ ទាំងនេះ ដោយតែកម្ពុជាមានស្ថិរភាពទាំងនយោបាយ និងសេដ្ឋកិច្ច និងការរីកចម្រើននៃវិស័យផ្សេងៗដែលគាំទ្រដល់សេដ្ឋកិច្ច ជាពិសេស វិស័យអចលនទ្រព្យតែម្ដង”
លោកឧកញ៉ាបន្ថែមថា ៖
“ការអភិវឌ្ឍនៅជុំវិញរាជធានីភ្នំពេញ គឺជាភស្តុតាងជាក់ស្ដែង។ យើងមានផ្លូវក្រវ៉ាត់ក្រុងទី១ទី២ ទី៣ និងឈានដល់ការអភិវឌ្ឍផ្លូវក្រវ៉ាត់ក្រុងទី៤ ជាបន្តបន្ទាប់ ដែលជំរុញឱ្យការធ្វើដំណើររបស់ប្រជាពលរដ្ឋក្នុងរាជធានីភ្នំពេញក៏ដូចជាប្រជាពលរដ្ឋទូទាំងប្រទេសកាន់តែងាយស្រួល។ ក្រៅពីនេះ កម្ពុជាក៏បានអភិវឌ្ឍន៍នូវផ្លូវល្បឿនលឿនពីភ្នំពេញ ទៅក្រុងព្រះសីហនុ ដែលផ្លូវនេះដែរ នឹងទាក់ទាញដល់ការវិនិយោគពីសំណាក់វិនិយោគិនក្នុង និងក្រៅប្រទេសផងដែរ”
លោកស្រី Grace Rachny Fong អគ្គនាយិកាក្រុមហ៊ុន Century 21 Cambodia បានមានប្រសាសន៍ថា អ្នកវិនិយោគបរទេសដែលចូលមកកម្ពុជាស្វែងរកការវិនិយោគនានា អ្នកជំនាញក្នុងវិស័យអចលនទ្រព្យកម្ពុជាតែងតែជម្រាបគេអំពីស្ថានភាពសេដ្ឋកិច្ចនៅក្នុងប្រទេសកម្ពុជា ដូចជា GDP បរិយាកាសវិនិយោគក្នុងប្រទេសកម្ពុជា ដែលអាចដាក់ទុន ហើយនឹងទទួលបានផលចំណេញត្រលប់មកវិញតបនឹងការវិនិយោគ ។
លោកស្រីបន្តថា ៖
“ពីមួយឆ្នាំទៅមួយឆ្នាំសក្ដានុពលនៃការវិនិយោគនៅក្នុងប្រទេសកម្ពុជាឃើញថាកាន់តែមានការរីកលូតលាស់ជាបន្តបន្ទាប់។ កាលពីមុនបើនិយាយពីតំបន់ពាណិជ្ជកម្មគឺភាគច្រើនគេសំដៅទៅលើតំបន់បឹងកេងកង តែបច្ចុប្បន្ននេះវិញតំបន់ពាណិជ្ជកម្មត្រូវបានសាយភាយកាន់តែខ្លាំងទៅកាន់តំបន់ផ្សេងទៀត ដោយក្នុងនោះតំបន់ទួលគោកបានក្លាយជាតំបន់ពាណិជ្ជកម្មដ៏មានសក្ដានុពលបន្ទាប់ពីបឹងកេងកង ហើយតម្លៃដីធ្លីនៅក្នុងតំបន់ទួលគោកក៏នៅមានកម្រិតបើធៀបនឹងខណ្ឌបឹងកេងកង”
លោកស្រីបន្ថែមថា ព្រឹត្តិការណ៍ស៊ីហ្គេម ដែលកម្ពុជាធ្វើជាម្ចាស់ផ្ទះនៅឆ្នាំក្រោយក៏នឹងនាំមកនូវការវិនិយោគបន្ថែមលើវិស័យអចលនទ្រព្យផងដែរ ហើយទីតាំងដែលនឹងទទួលបានការចាប់អារម្មណ៍នោះគឹតំបន់តាមបណ្ដោយផ្លូវជាតិលេខ៦A ពីព្រោះតែភ្ញៀវ ឬកីឡាករ ចូលរួមប្រកួតនឹងត្រូវធ្វើដំណើរតាមផ្លូវនោះទៅកាន់ពហុកីឡដ្ឋានជាតិមរតកតេជោ ដែលជាទីតាំងប្រកួត ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
AMRO ព្យាករថា តំបន់អាស៊ានបូកបីនឹងមានកំណើនសេដ្ឋកិច្ច ៤,១% នៅក្នុងឆ្នាំ ២០២៦ នេះ
ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 28/07/2026
ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន +៣ (AMRO) សប្តាហ៍នេះ បានចេញផ្សាយរបាយការណ៍បច្ចុប្បន្នភាពប្រចាំត្រីមាស ខែកក្កដា ឆ្នាំ២០២៦ នៃរបាយការណ៍ស្តីអំពីវិស័យសេដ្ឋកិច្ចតំបន់អាស៊ានបូកបី (AREO) ដោយបានព្យាករថា តំបន់អាស៊ានបូកបី (ASEAN+3)នឹងមានកំណើនសេដ្ឋកិច្ច ៤,១ ភាគរយ នៅក្នុងឆ្នាំ ២០២៦ នេះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content