អ្នកជំនាញមើលឃើញថា​ ចិនបន្ត​ចាប់យកខេត្តព្រះសីហនុ​ជាគោលដៅ​​វិនិយោគ​ និងទេសចរណ៍

ភ្នំពេញ ៖ ដើមឆ្នាំ២០២៣នេះ កម្ពុជាចាប់មានសញ្ញាវិជ្ជមានច្រើន​ពីការ​វិនិយោគ ​និងទេសចរ​ពីខា​ង​ក្រៅប្រ​ទេ​ស​​​ឡើងវិញ ជាពិសេសមកពីប្រទេស​ចិន ដោយ​រំពឹងថា ​វត្តមានរបស់ជនជាតិចិននឹងធ្វើឱ្យវិស័យទេសចរណ៍​ក៏​ដូចជាការ​វិនិ​​យោ​គ​ក្នុ​​ងប្រទេស​កកម្ពុជា​មាន​ភាពប្រសើរ​ឡើ​ងបន្ថែមទៀត ដោយក្នុងនោះ ខេត្តព្រះសីហនុគឺជាគោលដៅចម្បងជាងបណ្តាខេត្តដទៃ​​។

លោក ​សុន មេសា នាយក​គ្រប់គ្រង​ការ​វិនិយោគ​ខុនដូនៃក្រុមហ៊ុន ​Century 21 Mekong បានមានប្រសាសន៍​ថា​ ឆ្នាំ២០២៣​នេះ​ លោកមើលឃើញថា​ ទាំង​ការ​វិនិយោគ ​និងទេសចរ​ណ៍​ពីប្រទេស​ចិន​នឹង​មានកំណើន​ឡើង​វិញ​នៅក្នុ​ងប្រទេស​កម្ពុជា ក្រោយពីប្រទេស​ចិន​បានបើកទូលាយ​ដល់ការ​ធ្វើដំណើររបស់ពលរដ្ឋ​ខ្លួន​ឡើងវិញ  ។​

លោកបន្តថា ៖

“សម្រាប់វិនិយោគិន ​និងទេសចរ​ចិន​មកកម្ពុជា​ពេលនេះ​លោក​បានមើលឃើញផងដែរ​ថា ពួកគេ​​បានផ្ដោតលើ​ខេត្ត​ព្រះសីហនុ​ជាគោលដៅ​របស់ពួកគេ ទាំងការ​វិនិយោគ​ និងទេសចរ​ ជាក់ស្ដែង​ជន​ជា​តិចិ​​ន​មួ​យ​​​យន្តហោះមកពីទីក្រុ​ងគុនមិញ​ប្រទេស​ចិន​ប្រមាណ១០០នាក់ បាន​ចុះចត​នៅអាកាស​យានដ្ឋានអន្តរជាតិ​ខេត្ត​ព្រះសីហនុ ដូ​ច្នេះ​យើងអាច​ចោទសួរថា ​ហេតុអ្វីពួកគេ​មិន​ចុះចត​នៅអាកាស​យានដ្ឋាន​អន្តរជាតិភ្នំពេញ​ ឬក៏សៀមរាប ហើ​យ​គេជ្រើសរើស​យក​ខេត្តព្រះសីហនុ​ជា​គោលដៅ​ចុះចតរបស់គេទៅវិញ​។ ទាំងនេះ អាច​បញ្ជាក់​យ៉ាង​ច្បាស់​ពី​គោលដៅ​របស់ពួកគេ​ដែលចាប់យក​ខេត្តព្រះសីហនុ​ជាគោលដៅ​”

លោកបន្ថែមថា​ ៖

“សម្រាប់វត្តមាន​ជនជាតិ​ចិន​ដែល​នឹង​មកដល់ជា​បន្តបន្ទាប់មកកាន់កម្ពុជា​យើងក៏រំពឹងថា​នឹង​ជំរុញឱ្យ​ទីផ្សារ​អចលនទ្រព្យ​ ជាពិសេស​ខុនដូ​នឹងមានសន្ទុះងើបឡើងវិញ​ ហើយសម្រាប់អគារ​ដែលជាប់គាំង​នៅក្នុ​ងខេត្តព្រះសីហនុ​នោះដែរ​ក៏​នឹងរំពឹងថា​អាច​បន្ត​ដំណើរការ​ឡើងវិញទោះបីជាមិន​ច្រើន​ឬទាំងស្រុងក៏​ដោយ”

អ្នកនាង ​គឹម​ គិន​កេសា​ អ្នកគ្រប់គ្រង​ជាន់​ខ្ពស់​នៃក្រុមហ៊ុន CBRE Cambodia បាន​ឱ្យដឹងផងដែរថា​ ការ​បើក​ប្រទេសរបស់ចិនយ៉ាង​ទូលាយ​សម្រាប់ពលរដ្ឋ​របស់ខ្លួន​ ទាំង​វិនិយោគិន​ និ​ងទេសចរ ​ពិតណាស់​នឹង​ជួយ​​ជំរុញ​ឱ្យ​ទីផ្សារអចលនទ្រព្យ​កម្ពុជា​បានមួយកម្រិត​ផងដែរ ស្រប​នឹងវិស័យ​អចលនទ្រព្យ​កម្ពុជា​​បន្ត​ពឹងលើ​ទីផ្សារ​អន្តរជាតិ ​ជាពិសេស​ជនជាតិចិន​តែម្ដង​​។

អ្នក​នាង​បន្ត​ថា ៖

“ជា​ជំហាន​ដំបូង​ចិន​អាច​ជាកា​របើក​សាកល្បង ហើយ​នឹង​ពិនិត្យមើលសន្ទុះ​នៃការ​ឆ្លង​រាល​ដា​ល​​​កូវីដ​១៩ ថាតើ​វានឹង​បន្ត​រាលដា​ល​បន្តទៀត ​ឬអាច​គ្រប់គ្រងបានយ៉ាងណា ។ បើសិនជា​ចិន​អាច​គ្រប់​គ្រ​ង​​​​ការ​​ឆ្លងរាលដាលនេះបាន​​ នោះ​ចិន​នឹង​ចេញចូល​ប្រទេស​កាន់តែសេរី ហើយ​ពួកគេ​នឹង​មកកម្ពុជា​ឡើ​ង​វិញ​ដើ​ម្បី​​បន្ត​គម្រោងឬស្វែងរកការ​វិនិយោគថ្មីៗ​នៅកម្ពុជា”

លោក ​វ៉ាង វិនធាន ​​ឯកអគ្គរដ្ឋទូតនៃសាធារណរដ្ឋ​​ប្រជាមានិតចិនប្រចាំព្រះរាជាណាចក្រកម្ពុជា​ កាលពីពេលកន្លងមកនេះក៏ធ្លាប់បាន​មាន​ប្រ​សាស​ន៍ផងដែរថា កម្ពុជា​ជាគោលដៅដ៏សំខាន់មួយ​របស់​ជនជាតិចិន​ទាំង​ទេសចរ ​និង​វិនិយោគិន ដូច្នេះ នៅពេលរដ្ឋាភិបាល​ចិន​បើក​ប្រទេស​ ប្រជាជន​មិនតិច​ទេ​នឹង​ចូលមកកម្ពុជា​ ដើម្បីទស្សនា​តាមរមណីយដ្ឋាន ​និ​ងស្វែងរកការ​វិនិយោគ​ជាដើម​ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

៥ខែ ឆ្នាំ២០២៤ កម្ពុជា នាំចេញបង្កងប៉ាករស់ ២,៥តោន អន្ទង់០.២០តោន និងកំពិសបង្កកជាង៣៥តោនទៅទីផ្សារចិន

ព្រឹត្តិការណ៍, សេដ្ឋកិច្ច

• 16/07/2024

៥ខែនៃឆ្នាំ២០២៤ កម្ពុជាបាននាំចេញបង្កងប៉ាករស់ ២,៥តោន អន្ទង់០.២០តោន និង កំពិសបង្កកជាង​៣៥តោនទៅទីផ្សារប្រទេសចិន

ទីផ្សារហ៊ុននៅអាស៊ីកំពុងស្ថិតក្រោមស្រមោលនៃព្រឹត្តិការណ៍ប៉ុនប៉ងបាញ់សម្លាប់លោក Trump

ព្រឹត្តិការណ៍, សេដ្ឋកិច្ច

• 16/07/2024

គិតត្រឹមព្រឹកព្រលឹមថ្ងៃចន្ទសប្ដាហ៍នេះ សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងទៅដល់ប្រមាណ ៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល

សត្វចង្រៃ ដង្កូវ​ហ្វូង និង​រុយ​ស​ បំផ្លាញ​ស្រូវ​កសិករជាច្រើនហិកតា តែអាចគ្រប់គ្រងបាន

ព្រឹត្តិការណ៍, សេដ្ឋកិច្ច

• 16/07/2024

ឯកឧត្តម ងិន ឆាយ ប្រតិភូររាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានបញ្ជាក់ឱ្យដឹងថា ការខូចខាតដំណាំស្រូវ​ដោយសារសត្វល្អិតចង្រៃអាចគ្រប់គ្រងបាន