សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា តុលាការយុត្តិធម៌អឺរ៉ុបរបស់សហភាពអឺរ៉ុប (ECJ) បានបញ្ជាឱ្យក្រុមហ៊ុនបច្ចេកវិទ្យាយក្សរបស់អាមេរិក Apple បង់ពន្ធរាប់ពាន់លានអឺរ៉ូទៅដល់ប្រទេសអៀរឡង់ ជាផ្នែកនៃការបង្រ្កាបរបស់តំបន់លើកិច្ចព្រមព្រៀងពិសេសដែលបានព្រមព្រៀងដោយពហុជាតិ និងរដ្ឋាភិបាល។
នេះគឺជាដំណឹងអាក្រក់សម្រាប់ក្រុមហ៊ុន Apple ដែលកើតឡើងមួយថ្ងៃបន្ទាប់ពីក្រុមហ៊ុនបច្ចេកវិទ្យាយក្សមួយនេះបានបញ្ចេញទូរស័ព្ទ iPhone 16 ស៊េរីថ្មីចុងក្រោយរបស់ខ្លួន។ កាលពីថ្ងៃអង្គារ៍កន្លងទៅនេះ តុលាការយុត្តិធម៌អឺរ៉ុបរបស់សហភាពអឺរ៉ុប (ECJ) បានចេញសាលក្រមក្នុងសេចក្តីថ្លែងការណ៍មួយបញ្ជាក្រុមហ៊ុនបច្ចេកវិទ្យាអាមេរិក Apple បង់ពន្ធចំនួន ១៣ ពាន់លានអឺរ៉ូ (១៤,៤ពាន់លានដុល្លារ) ដល់ប្រទេសអៀរឡង់។
គណៈកម្មការអឺរ៉ុបបានចោទប្រកាន់អៀរឡង់អំពីការផ្តល់អត្ថប្រយោជន៍ពន្ធខុសច្បាប់ដល់ Apple ដោយអត្រាពន្ធទាបរបស់ប្រទេសនេះបានជួយទាក់ទាញក្រុមហ៊ុនបច្ចេកវិទ្យាឱ្យបង្កើតទីស្នាក់ការកណ្តាលរបស់ពួកគេនៅអឺរ៉ុប ហើយក្រុមហ៊ុនផ្សេងទៀតមិនបានទទួលបានអត្ថប្រយោជន៍បែបនេះដែរទេ។ ក្នុងអំឡុងពេលនោះ គណៈកម្មាការសហភាពអឺរ៉ុបព្យាយាមបង្ក្រាបលើករណីនេះ ដោយជឿជាក់ថា Apple ប្រើប្រាស់យុទ្ធសាស្ត្រហិរញ្ញវត្ថុដ៏ឆ្លាតវៃ ដើម្បីកាត់បន្ថយកាតព្វកិច្ចពន្ធរបស់ពួកគេ។ ក្រោយមកនៅក្នុងឆ្នាំ២០២០ ការចោទប្រកាន់នេះត្រូវបានលុបចោលដោយតុលាការកំពូលទី២ របស់សហភាពអឺរ៉ុបបន្ទាប់ពីមានការប្តឹងឧទ្ធរណ៍ដោយអៀរឡង់ និងក្រុមហ៊ុន Apple ។
ទន្ទឹមនឹងនេះ Apple បាននិយាយនៅក្នុងសេចក្តីថ្លែងការណ៍មួយថា ករណីនេះមិនធ្លាប់កើតឡើងចំពោះចំនួនពន្ធដែលពួកគេត្រូវបង់នោះទេ ប៉ុន្តែសំខាន់ទៅលើរដ្ឋាភិបាលណាដែលពួកគេត្រូវជូន។ Apple បានអះអាងថា ពួកគេតែងតែបង់ពន្ធទាំងអស់នៅគ្រប់ទីកន្លែងដែលប្រតិបត្តិការ ហើយមិនដែលមានកិច្ចព្រមព្រៀងពិសេសនោះទេ។ Apple បានសម្តែងការខកចិត្តចំពោះសេចក្តីសម្រេចនេះ ដោយលើកឡើងថា គណៈកម្មការអឺរ៉ុបកំពុងព្យាយាមផ្លាស់ប្តូរ ឬ ធ្វើវិសោធនកម្មច្បាប់ឡើងវិញ ហើយមិនអើពើនឹងការពិតដែលថា ពន្ធប្រាក់ចំណូលរបស់ពួកគេត្រូវបានបង់ទៅឲ្យសហរដ្ឋអាមេរិករួចស្របទៅតាមច្បាប់ពន្ធអន្តរជាតិ។
វាគឺជាចម្ងល់មួយ ហេតុអ្វីបានជាអៀរឡង់មិនចង់បានលុយសំណងពន្ធពី Apple? សេចក្តីសម្រេចរបស់ ECJ មានន័យថា អៀរឡង់ នឹងត្រូវយកសំណងពន្ធដែលបាត់បង់ពី Apple ប៉ុន្តែទីក្រុង Dublin ព្យាយាមជៀសវាងពីការយកសំណងតាមផ្លូវច្បាប់នេះអស់រយៈពេលជាច្រើនឆ្នាំ។ រដ្ឋាភិបាលអៀរឡង់បានប្រកែកថា Apple មិនគួរបង់ពន្ធត្រឡប់មកវិញទេ ដោយចាត់ទុកថាការខាតបង់របស់ខ្លួនមានតម្លៃទៅនឹងការខិតខំប្រឹងប្រែងដែលធ្វើឱ្យប្រទេសនេះក្លាយជាកន្លែងទាក់ទាញការវិនិយោគសម្រាប់ក្រុមហ៊ុនធំៗ។ គួរឲ្យបញ្ជាក់ដែរថា អៀរឡង់មានអត្រាពន្ធសាជីវកម្មទាបបំផុតមួយនៅក្នុងសហភាពអឺរ៉ុប ហើយក៏ជាមូលដ្ឋានរបស់ក្រុមហ៊ុន Apple សម្រាប់អឺរ៉ុប មជ្ឈិមបូព៌ា និងអាហ្វ្រិកផងដែរ។ ទោះបីជាអត្រាពន្ធសាជីវកម្មត្រូវបានកំណត់ជាលក្ខណៈជាតិ និងមិនស្ថិតនៅក្រោមយុត្តាធិការរបស់សហភាពអឺរ៉ុបក៏ដោយ ប៉ុន្តែសហភាពអឺរ៉ុបមានសិទ្ធិអំណាចទូលំទូលាយក្នុងការត្រួតពិនិត្យជំនួយរបស់រដ្ឋជាសមាជិក ហើយក្នុងករណីនេះ វាបានជំទាស់ថាការផ្តល់ឱ្យ Apple នូវអត្រាពន្ធទាបបំផុតគឺជាការឧបត្ថម្ភធនដោយអយុត្តិធម៌៕
Account
Security
Favourite Content