សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងឆ្នាំ២០២២នេះ ទិន្នន័យសំណង់ទូទាំងប្រទេសមានចំនួន ៣ ៨២៧គម្រោង ដែលមានផ្ទៃក្រឡាកម្រាលសំណង់សរុបចំនួន ៦ ៥៩៦ ៩៣៦ម៉ែត្រការ៉េ ដែលមានតម្លៃប៉ាន់ស្មានទុនវិនិយោគប្រមាណ ២,៦៣ពាន់លានដុល្លារអាមេរិក។ នេះបើតាមរបាយការណ៍របស់ក្រសួងរៀបចំដែនដី នគរូបនីយកម្ម និង សំណង់ ។
របាយការណ៍បង្ហាញ បើធៀបនឹងរយៈពេលដូចគ្នាក្នុងឆ្នាំ២០២១ គម្រោងសំណង់ទូទាំងប្រមាណចំនួន ៣ ៩២៥គម្រោង មានផ្ទៃក្រឡាកម្រាលសំណង់ចំនួន១២ ៦៨៤ ១០២ម៉ែត្រការ៉េ តម្លៃប៉ាន់ស្មានទុនវិនិយោគប្រមាណ ៥,២១ពាន់លានដុល្លារអាមេរិក ថយចុះប្រមាណ ៤៩,៤២ភាគរយ។ គម្រោង ដែលចេញដោយក្រសួងរៀបចំដែនដីមានចំនួន ២០២ គម្រោង ផ្ទៃក្រឡាកម្រាលសំណង់សរុបចំនួន ៥ ១៤០ ៦៥២ម៉ែត្រការ៉េ តម្លៃប៉ាន់ស្មានទុនវិនិយោគប្រមាណ ២,០៩ពាន់លានដុល្លារអាមេរិក បើធៀបនឹងរយៈពេលដូចគ្នាក្នុងឆ្នាំ២០២១កន្លងទៅ មានគម្រោងចំនួន ៣៦៧គម្រោង មានផ្ទៃក្រឡាកម្រាលសំណង់ចំនួន១០,២៥លានម៉ែត្រការ៉េ តម្លៃប៉ានស្មានទុនវិនិយោគប្រមាណ ៤,១៥ពាន់លានដុល្លារអាមេរិកថយចុះ ប្រមាណ៤៩,៧១ភាគរយ ។
គម្រោងដែលចេញដោយរាជធានី / ខេត្ត មានចំនួន ៣ ៦២៥គម្រោង មានផ្ទៃក្រឡាកម្រាលសំណង់ចំនួន ១ ៤៥៦ ២៨៤ម៉ែត្រការ៉េ មានទុនវិនិយោគប្រមាណ៥៤៧លានដុល្លារអាមេរិក ធៀបនឹងរយៈពេលដូចគ្នាកាលពីឆ្នាំមុន មានគម្រោងចំនួន ៣ ៥៥៨គម្រោង មានផ្ទៃក្រឡាកម្រាលសំណង់ចំនួន ២ ៤២៩ ៦៥២ម៉ែត្រការ៉េ មានទុនវិនិយោគសរុបប្រមាណ ១ ០៥៨លានដុល្លារអាមេរិកថយចុះ ៤៨,៣២ភាគរយ ។
បើគិតចាប់តាំងពីឆ្នាំ២០០០ ដល់ដំណាច់ខែវិច្ឆិកា ឆ្នាំ២០២២នេះ ក្រសួងបានចេញលិខិតអនុញ្ញាតសាងសង់ចំនួន ៦១ ៤១៨គម្រោង ដែលមានផ្ទៃក្រឡាកម្រាលសំណង់សរុបចំនួន ១៧៣,២១លានម៉ែត្រការ៉េ និងតម្លៃប៉ាន់ស្មានទុនវិនិយោគសរុបប្រមាណ ៦៨,៨៣ពាន់លានដុល្លារអាមេរិក ។
អ្នកនាង គឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុន CBRE Cambodia បានលើកឡើងផងដែរថាក្នុងឆ្នាំ២០២២នេះ គម្រោងសាងសង់ភាគច្រើនជាងគម្រោងចាស់ៗដែលផ្អាកសកម្មភាពកាលពីអំឡុងឆ្នាំ២០២០ និងឆ្នាំ២០២១ ហើយគម្រោងថ្មីៗមិនទាន់ជាមានច្រើនទេ ។
អ្នកនាងបន្តថា ៖
“គម្រោងវិនិយោគលើវិស័យនេះ យើងនៅតែបន្តពឹងលើជនបរទេស ខណៈវិនិយោគិនក្នុងស្រុកក៏បានបណ្ដាក់ទុនវិនិយោគផងដែរក្នុងអំឡុងនៃវិបត្តិកូវីដ១៩។ ការបណ្ដាក់ទុនវិនិយោគរបស់វិនិយោគិនក្នុងស្រុកក៏ជាកត្តាមួយសំខាន់ក្នុងការជួយមិនឱ្យសកម្មភាពថមថយខ្លាំង ខណៈបរទេសត្រូវរំពឹងថានឹងត្រលប់មកកម្ពុជាឡើងវិញនៅពេលឆាប់ៗ”
គួរបញ្ជាក់ដែរថា ក្នុងរយៈពេលចុងក្រោយនេះដែរ ប្រទេសចិនដែលជាប្រភពវិនិយោគធំរបស់កម្ពុជាបានបើកប្រទេស និងបន្ធូរបន្ថយលក្ខខណ្ឌមួយចំនួន ដែលរំពឹងថាវិនិយោគិនចិននឹងចេញធ្វើដំណើរកម្សាន្ត និងស្វែងរកការវិនិយោគ ជាពិសេសចូលមកក្នុងប្រទេសកម្ពុជាឡើងវិញផងដែរ ៕
Account
Security
Favourite Content