សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNN បានរាយការណ៍ថា ធនាគារ Deutsche Pfandbriefbank (PBB) ដែលជាធនាគារផ្តល់ប្រាក់កម្ចីអាល្លឺម៉ង់ផ្តោតលើអចលនទ្រព្យបានបង្កើនការផ្តល់កម្ចីបន្ថែមទៀត ចំពេលដែលអាល្លឺម៉ង់កំពុងប្រឈមនឹងការធ្លាក់ចុះដ៏អាក្រក់បំផុតនៃតម្លៃអចលនទ្រព្យពាណិជ្ជកម្មក្នុងរយៈពេល ១៥ ឆ្នាំចុងក្រោយ។
កាលពីសប្តាហ៍មុន PBB បានបង្ហាញពីការបង្កើនប្រាក់កម្ចីរបស់ខ្លួនរហូតទៅដល់ ២១៥ លានអឺរ៉ូ (២៣១,៧ លានដុល្លារ) នៅក្នុងត្រីមាសទី ៤ ឆ្នាំ២០២៣ ដោយសារភាពទន់ខ្សោយជាបន្តបន្ទាប់នៃទីផ្សារអចលនទ្រព្យ។ យ៉ាងណាក៏ដោយ បើទោះបីជា PBB ចំណាយក្នុងទំហំច្រើនបែបនេះនេះក៏ដោយ ប៉ុន្តែវានៅតែទទួលបានផលចំណេញដោយសារភាពរឹងមាំផ្នែកហិរញ្ញវត្ថុរបស់ខ្លួន សូម្បីតែស្ថិតនៅក្នុងវិបត្តិអចលនទ្រព្យដ៏ធំបំផុតចាប់តាំងពីវិបត្តិហិរញ្ញវត្ថុមក។
កាលពីថ្ងៃសុក្រកន្លងទៅនេះ ភាគហ៊ុនរបស់ធនាគារបានធ្លាក់ចុះច្រើនជាង ៣ ភាគរយ។ នៅឆ្នាំនេះផងដែរ ភាគហ៊ុនរបស់ PBB ធ្លាក់ចុះសល់ត្រឹម ២៧ ភាគរយ ដែលធ្លាក់ចុះពី ៤០ ភាគរយកាលពី ៦ ខែមុន។ កាលពីថ្ងៃព្រហស្បតិ៍ PBB បានខិតខំប្រឹងប្រែងបញ្ចុះបញ្ចូលវិនិយោគិនថា ខ្លួនមានសាច់ប្រាក់គ្រប់គ្រាន់ និងទ្រព្យសកម្មរាវ (ទ្រព្យដែលអាចបម្លែងទៅជាសាច់ប្រាក់បានងាយស្រួលក្នុងរយៈពេលខ្លី) ខ្ពស់នៅក្នុងដៃ ដើម្បីដំណើរការអាជីវកម្មរបស់ខ្លួនសម្រាប់រយៈពេលប្រាំមួយខែដោយមិនយកដើមទុនបន្ថែមពីពួកគេ។
ទន្ទឹមនឹងនេះ ធនាគារវិនិយោគ Deutsche Bank បានលាតត្រដាងថា ខ្លួនបានកំណត់ទុនបំរុងដោយឡែកចំនួន ១២៣ លានអឺរ៉ូនៅក្នុងត្រីមាសទី ៤ នៃឆ្នាំមុន ដើម្បីគ្របដណ្តប់ការខកខានដែលអាចកើតមានលើប្រាក់កម្ចីអចលនទ្រព្យពាណិជ្ជកម្មនៅសហរដ្ឋអាមេរិក។ ទំហំនេះគឺច្រើនជាង ៤ ដងនៃអ្វីដែលខ្លួនបានរក្សាទុកកាលពីឆ្នាំ ២០២២ ។
ថ្មីៗនេះ ធនាគារនៅសហរដ្ឋអាមេរិក ជប៉ុន និងស្វីសក៏បានរាយការណ៍ពីការខាតបង់កាន់តែច្រើនលើការផ្តល់ប្រាក់កម្ចីដល់វិស័យអចលនទ្រព្យពាណិជ្ជកម្មដែលមានបញ្ហាផងដែរ។ កាលពីថ្ងៃអង្គារ រដ្ឋមន្ត្រីក្រសួងរតនាគារសហរដ្ឋអាមេរិក Janet Yellen បានប្រាប់សមាជិកសភាថា លោកស្រីមានការព្រួយបារម្ភអំពីការប៉ះពាល់ធនាគារមួយចំនួនចំពោះអចលនទ្រព្យពាណិជ្ជកម្ម៕
Account
Security
Favourite Content