ផ្លូវល្បឿនលឿនទី៤ នឹងអាចកើតមាន​ពីភ្នំពេញទៅបណ្ដាខេត្ត​ប៉ែក​ឦសានប្រទេស​

ភ្នំពេញ ៖ កម្ពុជា​ទើបតែប្រកាស​បើក​ការដ្ឋានសាងសង់ផ្លូវល្បឿនលឿនទី២ ដែលតភ្ជាប់ពីភ្នំពេញទៅបាវិត និង​ទើប​ចុះហត្ថលេខា​លើកិច្ច​ព្រមព្រៀង​ក្របខ័ណ្ឌគម្រោង​សាងសង់ផ្លូវ​ល្បឿនលឿនភ្នំពេញ – ប៉ោយ​ប៉ែត កាត់តាមខេត្តសៀមរាប ហើយ​កម្ពុជាក៏អាចនឹង​សង់​ផ្លូវល្បឿនលឿនខ្សែទី​៤ ដែលតភ្ជាប់ពីភ្នំពេញទៅ​បណ្ដាខេត្ត​ប៉ែក​ឦសាន​នៃប្រទេស​កម្ពុជានាពេលខាងមុខនេះ។

យោងតាមប្រសាសន៍​ឯកឧត្តម​ទេសរដ្ឋមន្ត្រី ស៊ុន ចាន់ថុល​ រដ្ឋមន្ត្រីក្រសួង​សាធារណការ ​និងដឹកជញ្ជូន​ថ្លែងនៅក្នុង​ពិធីចុះ​ហត្ថលេខា​មួយ​កាលពីថ្ងៃទី​០៧ មិថុនា ២០២៣ បានឱ្យដឹងថា​​ ដូច​ដែលសម្ដេចធ្លាប់បានមានប្រសាសន៍​ក្នុងពិធី​បើក​ការដ្ឋាន​សាងសង់ផ្លូវ​ល្បឿនលឿន​ភ្នំពេញ – បាវិត បើ​មានមួយអាច​នឹង​មានពីរ ហើយបើមានពីរ​អាច​នឹង​មានបី ហើយក៏អាច​នឹង​មានបួនដែរ ។​

ឯកឧត្តម​បន្តថា ៖

“ពេលនេះ​ យើងបាន​ឈានដល់​ដំណាក់​សិក្សា​លើ​គម្រោងផ្លូវ​ល្បឿនលឿន​ភ្នំពេញ សៀមរាប ប៉ោយ​ប៉ែតហើយ ដែល​គម្រោងផ្លូវ​ល្បឿនលឿន​ភ្នំពេញ សៀមរាប​មានប្រវែង​ប្រមាន២៥០​គីឡូម៉ែត្រ ហើយពី​សៀម​រា​ប​​​ទៅ​ប៉ោយប៉ែត​មានប្រវែង​១៥០​គីឡូម៉ែត្រ​បន្ថែមទៀត ។​ ខ្ញុំជឿថា​ បន្ទាប់ពី​ផ្លូវនេះទៅ យើង​នឹង​មានផ្លូវ​ល្បឿន​លឿនមួយខ្សែ​ទៀត ដែល​ការ​ស្រម៉ៃ​គិតរបស់​ខ្ញុំ​អាច​នឹង​ភ្ជាប់ភ្នំពេញ ទៅ​ ក្រចេះ​ ចេញពីក្រចេះទៅ​ស្នួ​ល បន្តទៅខេត្ត​មណ្ឌលគីរី រតនគីរី ចេញពីរតនគីរីទៅស្ទឹង​ត្រែង និង​ មក​ព្រះវិហារ ។ ពោលគឺ​មួយជុំវិញ​តំបន់ភូមិ​ភាគ​ឦសាន។”

ឯកឧត្តម​បានបន្តទៀតថា នាថ្ងៃអនាគត​​ ការធ្វើដំណើរ​តាមបណ្ដាខេត្ត​ជុំវិញប្រទេស​កម្ពុជា​របស់ពលរដ្ឋ​នឹងអាច​ធ្វើដំណើរ​​តាម​ផ្លូវ​ល្បឿនលឿន ពីព្រោះ​គម្រោង​ មានអស់​ហើយ ប៉ុន្តែត្រូវការ​ពេលវេលា ជាពិសេស​នោះគឺត្រូវ​ការការពារ​សុខសន្តិភាពឱ្យ​បានទើបមានការអភិវឌ្ឍន៍ ។

ក្រៅពីផ្លូ​វល្បឿនលឿន កម្ពុជា​ក៏បានពង្រីកផ្លូវជាតិ​ដែល​មានស្រាប់ពី ២គន្លងទៅ ៤​គន្លង​ជា​បន្តបន្ទាប់ ដូច​ជា​​ផ្លូវ​ជាតិ​លេខ​៥​ ពីភ្នំពេញ​ទៅ​កំពង់ឆ្នាំង ពោធិ៍សាត់ បាត់ដំបង បន្ទាយមានជ័យ ​សុទ្ធតែ​៤គន្លងអស់​ហើយ ផ្លូវជាតិលេខ​៧ ​ពី​ស្គន់​ទៅ​ខេត្តកំពង់ចាម ផ្លូវជាតិលេខ៣ ​ពីភ្នំពេញ​ទៅ​បែកគុស​កំពត និង​គម្រោងពង្រីក​ផ្លូវជា​បន្ត​បន្ទាប់​ទៀត​។

បើ​តាមលោក ប៉ូ អ៊ាវគង់ អគ្គ​នាយក​ក្រុមហ៊ុន​អចលនទ្រព្យ Advance បានមានប្រសាសន៍ថា​ ការអភិវឌ្ឍ​ផ្លូវ​ល្បឿន​លឿន​នឹង​តភ្ជាប់ប៉ូល​សេដ្ឋកិច្ច​ពី​ដើម​ផ្លូវ និង​ចុង​ផ្លូ​វ ដូចជា​ផ្លូវ​ល្បឿនលឿន​ភ្នំពេញ ក្រុង​ព្រះសីហនុ នឹង​ជួយ​ជំរុញ​សក្ដានុពល​ និងតភ្ជាប់ប៉ូល​សេដ្ឋកិច្ច​ពីភ្នំពេញ ទៅក្រុ​ងព្រះសីហនុ ផ្លូវល្បឿនលឿនភ្នំពេញ បាវិត​ នឹងជួយ​ជំរុញ​សក្ដានុពល​ប៉ូលសេដ្ឋកិច្ច​នៅតំបន់ក្រុង​បាវិត​ខេត្ត​ស្វាយរៀង​ជាដើម ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ឬ Visa

ព្រឹត្តិការណ៍, សេដ្ឋកិច្ច

• 23/07/2024

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ដើម្បីទាក់ទាញទេសចរ

ការរៀបចំយន្តការតាមដាន និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាលទី១ ជាដំណាក់កាលសំខាន់

ព្រឹត្តិការណ៍, សេដ្ឋកិច្ច

• 23/07/2024

ការរៀបចំយន្តការតាមដាន ត្រួតពិនិត្យ និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាល ទី១ គឺជាដំណាក់កាលសំខាន់នៃគោលនយោបាយរាជរដ្ឋាភិបាល

វេទិកាសេដ្ឋកិច្ចរបស់គណបក្សប្រជាធិបតេយ្យអាចនឹងនៅដដែលបន្ទាប់ពី Joe Biden បញ្ចប់តំណែងជាប្រធានាធិបតី

ព្រឹត្តិការណ៍, សេដ្ឋកិច្ច

• 23/07/2024

ការប្រកាសដកឈ្មោះរបស់ប្រធានាធិបតីសហរដ្ឋអាម៉េរិក Joe Biden ចេញពីគណបក្សប្រជាធិបតេយ្យក្នុងនាមជាបេក្ខជនឈរឈ្មោះបោះឆ្នោតជ្រើសរើសប្រធានាធិបតីឆ្នាំ ២០២៤ កំពុងក្លាយជាប្រធានបទជជែកដេញដោលទាក់ទងនឹងវេទិកាសេដ្ឋកិច្ច

ក្រុមហ៊ុនធំមួយរបស់ចិន នាំចូលរថយន្តអគ្គិសនីទំនើប​ និងបង្កើតមជ្ឈមណ្ឌលតាំងបង្ហាញនៅកម្ពុជា

ព្រឹត្តិការណ៍, សេដ្ឋកិច្ច

• 22/07/2024

ក្រុមហ៊ុនធំមួយរបស់ប្រទេសចិន នាំចូលរថយន្តអគ្គិសនីទំនើប និងបង្កើតមជ្ឈមណ្ឌលតាំងបង្ហាញរថយន្តនៅព្រះរាជាណាចក្រកម្ពុជា .

ឆមាសទី១ ​ឆ្នាំ​២​០​២​៤​ ​កម្ពុជា​នាំចេញ​កៅស៊ូ​ស្ងួត​មានតម្លៃ ​២​១​៣​.​៣​លាន​ដុល្លារ ​កើនឡើង ៨.៦%

ព្រឹត្តិការណ៍, សេដ្ឋកិច្ច

• 22/07/2024

របាយការណ៍ដែលចេញផ្សាយដោយអគ្គនាយកដ្ឋានកៅស៊ូ បានឱ្យដឹងថា ក្នុងឆមាសទីមួយនៃឆ្នាំ ២០២៤ ទំហំនៃការនាំចេញកៅស៊ូស្ងួតរបស់កម្ពុជាមានទំហំទឹកប្រាក់២១៣.៣លានដុល្លារ

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ