ឧកញ៉ា នួន រិទ្ធី ៖ អ្នកអភិវឌ្ឍន៍លំនៅឋានគួរគិតគូរឱ្យស៊ីជម្រៅទៅលើតម្រូវការអតិថិជនមុនចាប់ផ្ដើមអនុវត្តន៍គម្រោង

ភ្នំពេញ ៖ ការអភិវឌ្ឍលំនៅឋាននៅក្នុងប្រទេសកម្ពុជានាពេលបច្ចុប្បន្ននេះនៅតែមានសកម្មភាព និងមានកំណើនចំនួនអ្នកអភិវឌ្ឍន៍កើនឡើង ប៉ុន្តែគម្រោងវិនិយោគខ្លះក៏ទទួលបានជោគជ័យ ហើយគម្រោងវិនិយោគខ្លះទៀតក៏មិនសូវមានការគាំទ្រពីប្រជាពលរដ្ឋដែលមានតម្រូវការនោះដែរ។ អ្នកជំនាញនៅក្នុងវិស័យអចលនទ្រព្យកម្ពុជា និងជាអ្នកអភិវឌ្ឍន៍ក្នុងវិស័យលំនៅឋានមួយរូបបានបង្ហាញពីទស្សនៈផ្ទាល់ខ្លួន សម្រាប់ជាបច្ច័យមួយដល់អ្នកអភិវឌ្ឍន៍ថ្មីៗពិចារណាមុនពេលចាប់ដំណើរការគម្រោង។

លោកឧកញ៉ា នួន រិទ្ធី ប្រធានក្រុមប្រឹក្សាភិបាលក្រុមហ៊ុន KFA Group បានឱ្យដឹងថា  អ្នកអភិវឌ្ឍន៍លំនៅឋានគួរតែគិតគូរទៅលើកត្តាមួយចំនួនមុននឹងចាប់ផ្ដើមអនុវត្តន៍គម្រោងរបស់ខ្លួន ដោយក្នុងនោះត្រូវគិតគូរទៅលើកត្តាផ្នែកច្បាប់ឱ្យបានត្រឹមត្រូវ ជៀសវាងទៅលើការសាងសង់មិនបានបំពេញទៅតាមលក្ខខណ្ឌ ដែលអាចធ្វើឱ្យមានការរាំងស្ទះ ហើយអាចធ្វើឱ្យក្រសួងចុះទៅហាមឃាត់មិនឱ្យបន្តសកម្មភាពសាងសង់ជាដើម។

លោកឧកញ៉ាបន្តថា ៖

“ការរៀបចំច្បាប់ឱ្យបានត្រឹមត្រូវនេះ បានសម្រួលដល់ការបំបែកប្លង់ក្បាលដីជូនអ្នកទិញបានលឿន ពីព្រោះអតិថិជនខ្លះមិនមានលុយសុទ្ធទេ ត្រូវការយកប្លង់រត់ការយកលុយពីធនាគារ ហើយអតិថិជនផ្សេងទៀតពេលបង់លុយផ្ដាច់ក៏ត្រូវការយកប្លង់មកទុកនៅផ្ទះ ដើម្បីជាភាពកក់ក្ដៅ។ ដូច្នេះ អ្នកអភិវឌ្ឍន៍លំនៅឋានក៏គួរតែស្នើសុំច្បាប់ ឬអាជ្ញាបណ្ណ ទាំងអាជ្ញាបណ្ណសាងសង់ និងអាជ្ញាបណ្ណលក់ ពីព្រោះ អ្នកអភិវឌ្ឍន៍ខ្លះគាត់សុំតែអាជ្ញាបណ្ណសាងសង់ទេ ហើយមិនមានអាជ្ញាបណ្ណលក់នោះឡើយ”

លោកឧកញ៉ាបន្ថែមថា ៖

“ចំនុចសំខាន់មួយទៀតដែលអ្នកអភិវឌ្ឍន៍លំនៅឋានត្រូវគិតគូរនោះគឺការចុះបញ្ជីពន្ធដារឱ្យបានត្រឹមត្រូវ ដើម្បីងាយស្រួលក្នុងការបង់ពន្ធ ហើយកាត់ឈ្មោះក៏អត់មានបញ្ហា បើសិនជាមិនបានចុះបញ្ជីនោះទេ ពេលកាត់ឈ្មោះឱ្យអតិថិជនទៅបង់ពន្ធនឹងមានបញ្ហាដល់អតិថិជនជាមិនខានឡើយ ។ អ្វីដែលសំខាន់មួយទៀត អ្នកអភិវឌ្ឍន៍លំនៅឋានមិនគួរគិតតែពីរកប្រាក់ចំណេញ ហើយមិនមើលទៅលើគុណភាពសំណង់ និងការរស់នៅរបស់ប្រជាពលរដ្ឋឡើយ ដូចជាប្រព័ន្ធទឹក ភ្លើងក្នុងផ្ទះ ប្រព័ន្ធទឹក ភ្លើង នៅខាងក្រៅ និងប្រព័ន្ធលូទឹកស្អុយ ត្រូវមើលឱ្យបានច្បាស់លាស់ផងដែរ ធ្វើយ៉ាងណាឱ្យអតិថិជនដែលទិញផ្ទះទៅហើយ មានការសប្បាយចិត្ត និងរស់នៅដោយកក់ក្ដៅ ។ ដោយឡែក ស្ថានភាពដីក៏ជាកត្តាសំខាន់មួយដែរ ដែលអ្នកអភិវឌ្ឍន៍លំនៅឋានគួរគិតគូរ ជាក់ស្ដែង អ្នកអភិវឌ្ឍន៍ត្រូវមើលទៅដីនោះមានការលិចទឹកឬទេ ត្រូវចាក់បំពេញដីឱ្យបានខ្ពស់ និងត្រូវមានប្រព័ន្ធរំដោះទឹកចេញពីតំបន់នោះដើម្បីកុំឱ្យលិចលង់ជាដើម”

ជាមួយគ្នានេះ លោកឧកញ៉ា នួន រិទ្ធី ក៏បានបន្តឱ្យដឹងដែរថា ថ្វីត្បិតតែការអភិវឌ្ឍលំនៅឋានក្នុងប្រទេសកម្ពុជាមានច្រើនគម្រោងមែន តែសម្រាប់គម្រោងអភិវឌ្ឍន៍ណាដែលមានការកែច្នៃប្រឌិត និងមានភាពទាក់ទាញនៅតែបន្តទទួលបានអ្នកគាំទ្រ និងអ្នកទិញ ជាពិសេសគម្រោងដែលមានគុណភាពល្អ គម្រោងដែលមានការរចនាបថស្អាតប្លែកជាដើម៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន