សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ផែនការរុះរើរោងចក្រ ឬក៏ផ្លាស់ប្តូរទីតាំងរោងចក្រឧស្សាហកម្មចេញពីរាជធានីភ្នំពេញបាន និងកំពុងបន្តសកម្មភាពជាបន្តបន្ទាប់ទៅកាន់តំបន់ដែលនៅជាប់នឹងរាជធានីភ្នំពេញ ដែលក្នុងនោះ សម្រាប់តែខេត្តកំពង់ស្ពឺ កំពុងតែទទួលបានផលប្រយោជន៍យ៉ាងច្រើនពីការផ្លាស់ប្តូរទីតាំងរោងចក្រទាំងនោះ។
យោងតាមសេចក្ដីប្រកាសព័ត៌មានពីក្រុមប្រឹក្សាអភិវឌ្ឍន៍កម្ពុជានាពេលកន្លងមកបានបង្ហាញថា គម្រោងវិនិយោគរោងចក្រថ្មីៗជាច្រើនដែលរាជរដ្ឋាភិបាលកម្ពុជាបានចេញវិញ្ញាបនបត្រចុះបញ្ជីឱ្យវិនិយោគជាផ្លូវការ ភាគច្រើនបានរកទីតាំងរបស់ខ្លួននៅក្នុងទឹកដីខេត្តកំពង់ស្ពឺ ដែលធ្វើឱ្យខេត្តមួយនេះទទួលបានគម្រោងរោងចក្រថ្មីៗជាច្រើនក្នុងចំណោមបណ្ដាខេត្តទូទាំងប្រទេស ។
លោក បូ សេងហូរ ប្រធានសាខានៃក្រុមហ៊ុនអចលនទ្រព្យ Century 21 Zillion Holding បានមានប្រសាសន៍ឱ្យដឹងថា តំបន់មួយចំនួននៅក្នុងខេត្តកំពង់ស្ពឺ កំពុងទទួលបានគម្រោងវិនិយោគជាបន្តបន្ទាប់ដោយភាគច្រើនជាគម្រោងរោងចក្រឧស្សាហកម្ម ក្នុងនោះមានដូចជាតំបន់នៅតាមបណ្ដោយផ្លូវ៥១ ផ្លូវ៤១ ផ្លូវ៤៤ និងផ្លូវលេខ៤២ជាដើម ។
លោកបន្តថា ៖
“មានតំបន់មួយនោះយើងបានទទួលព័ត៌មានពីមន្ត្រីសាលាខេត្តមកថា នឹងមានក្រុមហ៊ុនបរទេសធំមួយគ្រោងនឹងវិនិយោគជាតំបន់ឧស្សាហកម្មធំជាងគេក្នុងខេត្តកំពង់ស្ពឺ តែមន្ត្រីសាលាខេត្តមិនចង់ឱ្យបែកខ្ចាយព័ត៌មានទេ ព្រោះខ្លាចធ្វើឱ្យដីធ្លីហក់ឡើងខ្ពស់ ។ ដូច្នេះ កំពង់ស្ពឺនឹងក្លាយទៅជាខេត្តដែលទាក់ទាញទៅលើឧស្សាហកម្មដ៏មានសក្ដានុពល”
លោកបន្ថែម ៖
“ក្រៅពីតំបន់ទាំងនេះ នៅមានតំបន់ជាច្រើនទៀតដែលទទួលបានគម្រោងវិនិយោគលើរោងចក្រ ទាំងរោងចក្រដែលទើបបង្កើតថ្មី និងរោងចក្រដែលរើចេញពីភ្នំពេញផងដែរ ហើយក៏បានធ្វើឱ្យតម្លៃដីធ្លីនៅតំបន់ទាំងនោះបានឡើងថ្លៃ ជាពិសេសគឺម្ចាស់ដីគាត់ដំឡើងថ្លៃដោយខ្លួនឯងតែម្ដងដោយឃើញមានការវិនិយោគច្រើន”
លោក វ៉ា វីរៈ អ្នកជំនាញអន្តរជាតិបានមានប្រសាសន៍ថា តំបន់ដែលមានភាពទាក់ទាញលើការវិនិយោគ ឬតំបន់ដែលវិនិយោគិនគួរតែសិក្សាពីសក្ដានុពលវិនិយោគនោះគឺតំបន់ប៉ែកខាងលិចទន្លេ ដូចជាទៅកាន់ខេត្តកំពង់ស្ពឺ ផ្នែកខ្លះនៃខេត្តកណ្ដាល និងផ្នែកខ្លះនៃខេត្តតាកែវជាដើម ពីព្រោះតំបន់នោះជាតំបន់ទំនាបមានភាពងាយស្រួលក្នុងការដឹកជញ្ជូន និងតភ្ជាប់ទៅកាន់កំពង់ផែអន្តរជាតិ ។
លោក ប៉ូ អ៊ាវគង់ អគ្គនាយកក្រុមហ៊ុនAdvance បានមានប្រសាសន៍ផងដែរថា នៅពេលភ្នំពេញកាន់តែរីកចម្រើន រោងចក្រមិនអាចឈរជើងបានយូរបន្តទៀតទេ ដូច្នេះនឹងត្រូវផ្លាស់ប្តូរទៅកាន់តំបន់ជាយក្រុង ដោយយកតំបន់កណ្ដាលក្រុង ឬជិតក្រុងនោះទៅអភិវឌ្ឍន៍វិស័យដែលអាចរកចំណូលបានខ្ពស់ ដូចជាសង់ជាអគារពាណិជ្ជកម្មកម្រិតខ្ពស់ជាដើម ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
វត្តមានតំបន់សេដ្ឋកិច្ចពិសេសថ្មីតម្លៃ ៣០០លានដុល្លារ នៅខេត្តកំពង់ស្ពឺ នឹងក្លាយជាមជ្ឈមណ្ឌលភស្តុភារ ជំរុញការតភ្ជាប់ពាណិជ្ជកម្មក្នុងតំបន់ និងនិរន្តរភាព
រយៈពេល ៧ខែ ខេត្តកំពង់ស្ពឺទាក់ទាញបានគម្រោងវិនិយោគចំនួន ៧៥គម្រោង បង្កើតការងារបានរាប់ម៉ឺនកន្លែង
Account
Security
Favourite Content