សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ព្រលានយន្តហោះអន្តរជាតិតារាសាគរ ខេត្តកោះកុង ត្រូវបានពន្យារពេលក្នុងការហោះហើរសាកល្បងជាថ្មីម្តងទៀត ខណៈព្រលានយន្តហោះអន្តរជាតិសៀមរាបអង្គរតម្លៃប្រមាណជិត ១០០០លានដុល្លារបានធ្វើតេស្តសាកល្បងហោះហើរដោយជោគជ័យនៅពាក់កណ្តាលខែឧសភា ឆ្នាំ២០២៣ នេះ។ ការពន្យារពេលហោះហើរសាកល្បងរបស់គម្រោងព្រលានយន្តហោះអន្តរជាតិតារាសាគរខេត្តកោះកុងនេះត្រូវបានមន្ត្រីជាន់ខ្ពស់អាកាសចរស៊ីវិលបកស្រាយថា ដោយសារតែមានផលប៉ះពាល់ និងមានកត្តាអវិជ្ជមានមួយចំនួន។
ឯកឧត្តម ស៊ីន ចាន់សិរីវុត្ថា អ្នកនាំពាក្យរដ្ឋលេខាធិការអាកាសចរស៊ីវិលបានថ្លែងប្រាប់បណ្ដាញសារព័ត៌មាន AMS នៅរសៀលថ្ងៃទី១៦ ឧសភា ២០២៣ ថា កិច្ចដំណើរការនៃការបើកការហោះហើរសាកល្បងរបស់គម្រោងព្រលានយន្តហោះតារាសាគរត្រូវការពេលវេលាបន្ថែមទៀត ហើយសម្រាប់បញ្ហាប្រឈមនៃកិច្ចដំណើរការនេះគឺមានច្រើនបន្ទាប់ពីវិបត្តិកូវីដ១៩ ។
នៅក្នុងរបាយការណ៍របស់អាកាសចរស៊ីវិលបានបង្ហាញពីផលប៉ះពាល់ និងកត្តាអវិជ្ជមានមួយចំនួនដោយក្នុងនោះរួមមាន ៖ ការលំបាក និងបញ្ហាប្រឈមរបស់ក្រុមហ៊ុនក្នុងកិច្ចដំណើរការសាងសង់អាកាសយានដ្ឋាននាអំឡុងពេល និងក្រោយវិបត្តិកូវីដ១៩ ។
របាយការណ៍បង្ហាញថា បច្ច័យអវិជ្ជមាននៃការរីករាលដាលនៃជំងឺកូវីដ១៩ ជាសាកល និងគោលនយោបាយកូវីដ១៩របស់រាជរដ្ឋាភិបាលចិនបានធ្វើឱ្យប៉ះពាល់ធ្ងន់ធ្ងរដល់ក្រុមហ៊ុនក្នុងកិច្ចដំណើរការសាងសង់អាកាសយានដ្ឋានអន្តរជាតិ ដូចជា អ្នកបច្ចេកទេស និងអ្នកជំនាញការរបស់ក្រុមហ៊ុនមានការលំបាកក្នុងការធ្វើដំណើរចេញ-ចូលប្រទេសកម្ពុជា ។ មានការលំបាកក្នុងការផ្គត់ផ្គង់ឧបករណ៍ សម្ភារៈបរិក្ខារសម្រាប់ការសាងសង់ និងការការតុបតែងស្ថានីយ៍អ្នកដំណើរ។
ក្រៅពីនេះ ខ្សែច្រវ៉ាក់ផលិតកម្ម ការផ្គត់ផ្គង់ទំនិញ ភស្តុភារកម្ម និងសេវាកម្មបម្រើឱ្យការងារសាងសង់គម្រោងអាកាសយានដ្ឋានមានការយឺតយ៉ាវ ជាមួយនឹងការកើនឡើងនូវតម្លៃខ្ពស់ (ពីចន្លោះ ២៥ ភាគរយទៅ ៣៥ ភាគរយ ) តម្លៃនៃការដឹកជញ្ជូនទំនិញកាន់តែខ្ពស់ ហើយត្រូវការពេលវេលាច្រើនជាងការរំពឹងទុក ពី៣ទៅ៦ខែ ។
និយាយជារួម ភាពយឺតយ៉ាវ និងការពន្យារពេលដាក់ហោះហើរសាកល្បងនៃព្រលានយន្តហោះនេះ ក៏ដោយសារឥទ្ធិពលនៃវិបត្តិសង្គ្រាមពាណិជ្ជកម្មរវាងអាមេរិក និងចិន ការរឹតបន្តឹងផ្នែកគោលនយោបាយ និងចរាចររូបិយប័ណ្ណរបស់រដ្ឋាភិបាលចិន ភាពអវិជ្ជមានបន្ទាប់បន្សំនៃសង្គ្រាមរវាងរុស្ស៊ី និងអ៊ុយក្រែន ការកើនឡើងនៃតម្លៃប្រេងឥន្ធនៈ និងអតិផរណា និងកត្តាអាកាសធាតុនៅរដូវវស្សានាពេលកន្លងមក ធ្វើឱ្យប៉ះពាល់ដល់ដំណើរការសាងសង់ជាដើម៕
Account
Security
Favourite Content