សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជ្រោយចង្វារជាតំបន់អភិវឌ្ឍន៍ថ្មីមួយក្នុងការទាក់ទាញអ្នកវិនិយោគ ជាពិសេសទៅលើលំនៅឋានបែបទំនើប លំនៅដ្ឋានសហកម្មសិទ្ធិ និងមណ្ឌលពាណិជ្ជកម្ម ដោយក្នុងខណ្ឌនេះគេឃើញមានការរីកចម្រើនខ្លាំងទៅលើអាជីវកម្មចម្រុះរីកដុះដាលច្រើន ។ ជាមួយនឹងភាពរីកចម្រើនទាំងនេះ តើតម្លៃដីធ្លីមានការប្រែប្រួលយ៉ាងណាក្នុងឆ្នាំ២០២៣នេះ ។
បើតាមសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានបង្ហាញពីតម្លៃដីធ្លីនៅតាមសង្កាត់នីមួយៗក្នុងខណ្ឌជ្រោយចង្វាររួមមានដូចខាងក្រោម ៖
១. សង្កាត់ជ្រោយចង្វារ ៖ សង្កាត់នេះ ចាត់ទុកជាតំបន់ដែលមានតម្លៃខ្ពស់ជាងគេក្នុងចំណោមសង្កាត់ទាំង៥ ដោយសារនៅតាមបណ្ដោយផ្លូវធំៗគេអាចលក់បានក្នុងតម្លៃ ១៦០០ ដុល្លារអាមេរិកទៅដល់៣៧០០ដុល្លារអាមេរិកក្នុងមួយម៉ែត្រការ៉េ និងតម្លៃ ៨៥០ដុល្លារអាមេរិក ទៅ ២ ១០០ដុល្លារអាមេរិកក្នុងមួយម៉ែត្រការ៉េ នៅតាមផ្លូវតូចៗ។
២.សង្កាត់ព្រែកតាសេក ៖ តម្លៃដីក្នុងសង្កាត់មួយនេះ មានតម្លៃចន្លោះពី ៤៥០ដុល្លារអាមេរិកទៅ ១ ១០០ដុល្លារអាមេរិកក្នុងមួយម៉ែត្រការ៉េសម្រាប់ទីតាំងដីដែលនៅជាប់ផ្លូវធំ និងតម្លៃចន្លោះពី១៨០ដុល្លារអាមេរិកទៅ ៣៨០ដុល្លារអាមេរិកក្នុងមួយម៉ែត្រការ៉េសម្រាប់ទីតាំងដីនៅតាមផ្លូវតូចៗ ។
៣.សង្កាត់ព្រែកលៀប ៖ ព្រែកលៀបជាសង្កាត់មានការរីកចម្រើនមួយដែរបន្ទាប់ពីសង្កាត់ជ្រោយចង្វាដោយតម្លៃដីក្នុងសង្កាត់នេះ មានតម្លៃចន្លោះពី ៩៥០ដុល្លារអាមេរិក ទៅ ៣ ៣០០ដុល្លារអាមេរិកក្នុងមួយម៉ែត្រការ៉េ សម្រាប់ទីតាំងនៅជាប់ផ្លូវធំ និងតម្លៃចន្លោះពី ៤០០ដុល្លារអាមេរិកទៅ ១ ៥០០ដុល្លារអាមេរិកក្នុងមួយម៉ែត្រការ៉េ សម្រាប់ទីតាំងដីនៅជាប់ផ្លូវតូច ។
៤.សង្កាត់កោះដាច់ ៖ សង្កាត់នេះត្រូវបានចាត់ទុកថា ជាតំបន់ដែលនៅឆ្ងាយពីទីក្រុងភ្នំពេញបន្តិច ហើយតម្លៃដីនៅសង្កាត់នេះក៏រាងធូរថ្លៃជាងគេដែរ ក្នុងនោះ សម្រាប់ទីតាំងនៅតាមបណ្ដោយផ្លូវធំៗ មានតម្លៃចន្លោះពី ៨០ ទៅ ៣៥០ដុល្លារអាមេរិកក្នុងមួយម៉ែត្រការ៉េ និងតម្លៃចន្លោះពី ២០ដុល្លារ ទៅ ១០០ដុល្លារអាមេរិកក្នុងមួយម៉ែត្រការ៉េសម្រាប់ទីតាំងនៅតាមផ្លូវតូចៗ ។
៥. សង្កាត់បាក់ខែង ៖ សង្កាត់មួយនេះក៏ត្រូវបានចាត់ទុកថាជាតំបន់នៅជាយខណ្ឌជ្រោយចង្វារដែរដោយតម្លៃដីក្នុងមួយម៉ែត្រការ៉េ មានតម្លៃចន្លោះពី ២៨០ដុល្លារ ដល់ ៩៥០ដុល្លារអាមេរិកសម្រាប់ទីតាំងដីនៅជាប់ផ្លូវធំ និងតម្លៃ ៨០ដុល្លារទៅ ៣៥០ដុល្លារអាមេរិកក្នុងមួយម៉ែត្រការ៉េសម្រាប់ទីតាំងនៅផ្លូវតូច ។
បើតាមការសង្កេតឃើញជាក់ស្ដែងតំបន់ខណ្ឌជ្រោយចង្វារ ចាប់ផ្ដើមមានអគារខ្ពស់ៗលូតឡើងជាបន្តបន្ទាប់ ជាពិសេសនៅក្នុងសង្កាត់ជ្រោយចង្វាផ្ទាល់តែម្ដង និងសំបូរទៅដោយលំនៅឋានតម្លៃថ្លៃៗដែលស្ថិតនៅតាមបណ្ដោយផ្លូវជាតិលេខ៦ នៅក្នុងតំបន់អភិវឌ្ឍន៍ OCIC ក្នុងសង្កាត់ព្រែកលៀប និងសង្កាត់ជ្រោយចង្វា ៕
Account
Security
Favourite Content