សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បន្ទាប់ពីមានភាពស្ងប់ស្ងាត់នៃការរីករាលដាលជំងឺកូវី-១៩ ជាពិសេស ក្រោយប្រមុខរាជរដ្ឋាភិបាលកម្ពុជាសម្រេចបើកឲ្យមានសកម្មភាពសេដ្ឋកិច្ចឡើងវិញលើគ្រប់វិស័យភ្លាម បណ្តាអ្នកវិនិយោគ និងអភិវឌ្ឍន៍ក្នុងទីផ្សារលំនៅដ្ឋានតម្លៃមធ្យមចាប់ផ្តើមមានភាពមមាញឹកឡើងវិញគួរឲ្យកត់សម្គាល់ ដែលក្នុងនោះគម្រោងសាងសង់នៅតាមតំបន់ផ្លូវជាតិលេខ៣ និងតំបន់ផ្លូវជាតិលេខ១ កំពុងរត់ប្រណាំងគ្នា។
និយាយតែតំបន់ជាយក្រុងដែលមានចម្ងាយប្រមាណត្រឹម ២០-៣០គីឡូម៉ែត្រ គេសង្កេតឃើញថា សកម្មភាពសាងសង់គម្រោងអភិវឌ្ឍន៍ជាច្រើនកំពុងបង្ហាញពីភាពមមាញឹក ជាពិសេស គម្រោងសាងសង់លំនៅដ្ឋានដែលមានតម្លៃមធ្យមក្រោម១០ម៉ឺនដុល្លារ។
អគ្គនាយកក្រុមហ៊ុនអចលនទ្រព្យ Show Up Real Estate លោក អ៊ិន ណាង បានមានប្រសាសន៍ប្រាប់ AMS ឲ្យដឹងថា គ្រប់ការវិនិយោគ និងសកម្មភាពអភិវឌ្ឍន៍គឺសុទ្ធតែត្រូវបានធ្វើឡើងទៅតាមផែនការ រួមជាមួយភាពជឿជាក់ ដែលវាមិនមែនជាការវិនិយោគដោយភាពប្រថុយប្រថាននោះទេ ព្រោះដើមទុននៃការអភិវឌ្ឍន៍នៅក្នុងវិស័យលំនៅដ្ឋានមានទំហំច្រើនលានដុល្លារ។
លោក អ៊ិន ណាង ដែលជាអភិវឌ្ឍន៍ក្នុងទីផ្សារលំនៅដ្ឋានមួយរូបដែលនោះបានបញ្ជាក់យ៉ាងដូច្នេះថា ៖
«គ្រប់អ្នកអភិវឌ្ឍន៍ទាំងអស់សុទ្ធតែអនុវត្តតាមគម្រោង និងផែនការយុទ្ធសាស្ត្រដែលបានរៀបចំប្រកបដោយភាពជឿជាក់ថាអាចទទួលបានផលចំណេញត្រឡប់មកវិញ ហើយផលចំណេញនេះទៀតសោតគឺកើតមានចំពោះ៣ភាគីរួមគ្នាក្នុងពេលតែមួយ រួមមានក្រុមហ៊ុនដែលជាអភិវឌ្ឍន៍ អតិថិជនដែលទិញគម្រោង និងរដ្ឋាភិបាលតាមរយៈការបង់ពន្ធ»
លោកបន្តថា ៖
«បច្ចុប្បន្ននេះបើនិយាយពីការអភិវឌ្ឍន៍ក្នុងទីផ្សារលំនៅដ្ឋានគឺគេសំដៅទៅកាន់តំបន់ផ្លូវជាតិលេខ៣ ដែលទើបតែមានការអភិវឌ្ឍន៍ខ្លាំងក្រោយគេបើប្រៀបធៀបទៅនឹងតំបន់ផ្លូវជាតិដទៃទៀតដូចជាផ្លូវជាតិលេខ៦ ផ្លូវជាតិ១ ផ្លូវជាតិលេខ៥ និងផ្លូវជាតិលេខ៤ ព្រោះតម្លៃដីនៅតំបន់ផ្លូវជាតិលេខ៣នៅមានកម្រិតទាប ដែលផ្តល់ឱកាសដល់អ្នកវិនិយោគ និងអភិវឌ្ឍនៅក្នុងទីផ្សារលំនៅដ្ឋាន។ ដោយឡែកសម្រាប់អតិថិជនក៏ទទួលបានចំណេញពីការទិញលំនៅដ្ឋានដូចគ្នា ដែលក្រៅពីទទួលបានលំនៅដ្ឋានបែបទាន់សម័យធ្វើជាកម្មសិទ្ធិជាមួយនឹងការបង់រំលស់ ក៏មានឱកាសចំណេញទៅលើតម្លៃដែលឡើងថ្លៃក្នុងពេលដ៏ខ្លីខាងមុខ ព្រោះពីមួយឆ្នាំទៅមួយឆ្នាំតម្លៃតំនៅដ្ឋានតែងកើនឡើង មិនធ្លាក់ចុះក្រោមតម្លៃថ្លៃដើមនោះទេ»
ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) លោក ច្រឹក សុខនីម បានមានប្រសាសន៍ថា ៖
«ហេតុផលដែលអ្នកអភិវឌ្ឍន៍លំនៅដ្ឋានងាកទៅកាន់តំបន់ផ្លូវជាតិលេខដោយសារតែនៅតំបន់នេះមិនទាន់មានគម្រោងអភិវឌ្ឍន៍ច្រើននោះទេ ហើយតម្លៃដីក៏នៅទាប ហើយអ្វីដែលសំខាន់ នៅតំបន់ភាគខាងត្បូងរាជធានីភ្នំពេញអាចនឹងមានគម្រោងអភិវឌ្ឍន៍ច្រើនទៅលើហេដ្ឋារចនាសម្ព័ន្ធជាងពេលបច្ចុប្បន្ននេះ ជាពិសេសក្រោយពេលដែលគម្រោងអាកាសយាដ្ឋានអន្តរជាតិ តេជោ ក្រុងតាខ្មៅ សាងសង់រួចរាល់ និងដាក់ឲ្យដំណើរការ ខណៈដែលគម្រោងពង្រីកទំហំក្រុងក៏កាន់តែធំ។ ដូច្នេះ ចង់មិនចង់ តំបន់់ដែលស្ថិតនៅចម្ងាយត្រឹម៣០គីឡូម៉ែត្រពីរាជធានីភ្នំពេញ នឹងមានតម្រូវការអភិវឌ្ឍន៍ជាក់ជាមិនខាន»
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ក្រសួងទេសចរណ៍ដាក់ឱ្យអនុវត្តផែនការ ៥ ឆ្នាំ ប្រែក្លាយសៀមរាបជាគោលដៅបេតិកភណ្ឌឆ្លាតវៃ
វិស័យ MSMEs ជាឆ្អឹងខ្នងដ៏សំខាន់ និងជាកម្លាំងចលករចម្បងជំរុញសេដ្ឋកិច្ចកម្ពុជាឱ្យមានភាពធន់ អភិវឌ្ឍន៍ប្រកបដោយចីរភាព
Account
Security
Favourite Content