សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ចក្ខុវិស័យរបស់រាជរដ្ឋាភិបាលបានកំណត់យកឆ្នាំ២០៣០ ជាឆ្នាំដែលកម្ពុជានឹងក្លាយជាប្រទេសដែលមានប្រាក់ចំណូលមធ្យមកម្រិតខ្ពស់ក្នុងនោះរាជរដ្ឋាភិបាលក៏មានចក្ខុវិស័យរៀបចំរចនាសម្ព័ន្ធ និងការរស់នៅរបស់ប្រជានជនឱ្យកាន់តែប្រសើរ ដោយក្នុងនោះដែរ ក្រសួងរៀបចំដែនដី នគរូបនីយកម្ម និងសំណង់បានប្ដេជ្ញាក្នុងការជំរុញការចុះបញ្ជីដីធ្លីឱ្យរួចរាល់ទាំងស្រុងនៅមុខឆ្នាំ២០៣០ ។
បើតាមឯកឧត្តម សាយ សំអាល ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានថ្លែងនៅក្នុងពិធីដាក់ឱ្យប្រើប្រាស់ជាផ្លូវការសេវាសាធារណៈ តាមប្រព័ន្ធអនឡាញរបស់ក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី០៩ មេសា ២០២៤ ថា គិតមកដល់បច្ចុប្បន្ននេះ ក្រសួងបានចុះបញ្ជីក្បាលដីបានចំនួនជាង៧លានក្បាលដីហើយ ដោយនៅសល់ប្រមាណ៥លានក្បាលដីទៀតត្រូវចុះបញ្ជីឱ្យអស់ទាំង៥លានក្បាលដីតែម្ដង ។
ឯកឧត្តមបានបន្តថា ក្នុងរយៈពេល៦ខែចុងក្រោយនេះ ក្រុមការងារ និងមន្ត្រីនិងក្រសួងរៀបចំដែនដី នគរូបនីយកម្ម និងសំណង់ បានវាស់បានជាង១លានក្បាលដីបន្ថែមទៀត ហើយនៅខួបលើកទី៤០នៃការចេញបណ្ណដំបូងរបស់កម្ពុជា ពោលនៅឆ្នាំ២០២៩ ក្រសួងរៀបចំដែនដី នគរូបនីយកម្ម និងសំណង់ នឹងបញ្ចប់ការវាស់វែង និងចុះបញ្ជីដីធ្លីនៅទូទាំងប្រទេសកម្ពុជា ហើយដើម្បីពន្លឿនដល់ការចុះបញ្ជីដីធ្លី ឱ្យបានឆាប់រហ័ស ក្រសួងរៀបចំដែនដីនគរូបនីយកម្មនិងសំណង់បានដាក់ឱ្យប្រើប្រាស់សេវាសាធារណៈ តាមប្រព័ន្ធអនឡាញ ដោយកិច្ចសន្យាពីខាងសមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា ។
ឯកឧត្តមបានបន្ថែមថា ការវាស់វែង និងចុះបញ្ជីដីធ្លីនេះ គឺបានផ្ដល់ប្រយោជន៍ជាច្រើនដល់ប្រជាពលរដ្ឋ និងរដ្ឋាភិបាល ក្នុងនោះរួមមាន ផ្ដល់បណ្ណកម្មសិទ្ធិដល់ម្ចាស់ដីស្របច្បាប់ ទី២ បញ្ចប់នូវទំនាស់ឬវិវាទដីធ្លី ដែលតែងតែកើតឡើងជាញយៗ និងមួយទៀតនោះ ម្ចាស់ដីធ្លីឬអចលនទ្រព្យដែលត្រូវការទុនសម្រាប់រកស៊ីអាចយកបណ្ណកម្មសិទ្ធិនោះទៅដាក់នៅធនាគារ ហើយយកលុយមកពង្រីកអាជីវកម្មរបស់ខ្លួន ។
ឧកញ៉ា ចេង ខេង អគ្គនាយកក្រុមហ៊ុនអចលនទ្រព្យ ស៊ី ភី អិល បានថ្លែងឱ្យដឹងថា ការធ្វើទំនើបកម្មរបស់ក្រសួងរៀបចំដែនដីនគរូបនីយកម្មនិងសំណង់ ជាពិសេសសេវាសាធារណៈ តាមប្រព័ន្ធអនឡាញនេះ គឺពិតជាបានផ្ដល់សារសំខាន់ដល់ក្រុមហ៊ុនភ្នាក់ងារអចលនទ្រព្យខ្លាំងណាស់ ពីព្រោះថាអ្នកប្រកបរបរ ខាងភ្នាក់ងារអចលនទ្រព្យ ពិតជាត្រូវការព័ត៌មានលម្អិត និងជាក់ស្ដែង ដើម្បីឱ្យដឹងច្បាស់ថា ទ្រព្យនោះជាទ្រព្យពិតប្រាកដរបស់អ្នកណាម្នាក់៕
Account
Security
Favourite Content