សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តម្លៃដីធ្លីនៅតំបន់អរិយក្សត្រដែលកំពុងមានគម្រោងអភិវឌ្ឍន៍ជាក្រុងថ្មីចំណុះឱ្យខេត្តកណ្តាល បានហក់ងើបឡើងយ៉ាងលឿនក្នុងរយៈពេលប៉ុន្មានខែចុងក្រោយនេះ ជាពិសេសនៅក្រោយពេលរាជរដ្ឋាភិបាលប្រកាសសាងសង់ស្ពានឆ្លងទន្លេភ្ជាប់ពីអរិយក្សត្រ មកកាន់ភ្នំពេញ និងបានចុះហត្ថលេខាជាមួយភាគីកូរ៉េរួចរាល់មក។
បើតាមអ្នកអភិវឌ្ឍន៍លំនៅឋាននៅតំបន់អរិយក្សត្រ និងវិហារសួរឱ្យដឹងថា តម្លៃដីនៅតំបន់អរិយក្សត្រពីមុនត្រឹមតែ១០០ដុល្លារក្នុងមួយម៉ែត្រការ៉េ ប៉ុន្តែពេលនេះ បានហក់ឡើងដល់៣០០ដុល្លារអាមេរិកក្នុងមួយម៉ែត្រការ៉េ ដែលមានការកើនឡើងខ្ពស់ និងកំពុងពិបាកក្នុងការស្វែងរកទិញដើម្បីអភិវឌ្ឍន៍។
លោក ថាន់ ចាន់ណា អ្នកអភិវឌ្ឍន៍លំនៅឋាននៃបុរី ចាន់ណា លែន ក្នុងតំបន់វិហារសួគ៌បានប្រាប់ AMS នៅថ្ងៃទី៤ ខែមករា ឆ្នាំ២០២៣ ឱ្យដឹងថា បន្ទាប់ពីគម្រោងស្ពានមិត្តភាពកម្ពុជា កូរ៉េបានចុះហត្ថលេខា និងគ្រោងបើកការដ្ឋាននៅពេលខាងមុខ ឃើញថាតម្លៃដីធ្លីនៅតំបន់អរិយក្សត្រ និងវិហារសួគ៌បានហក់ឡើងលឿនតែម្ដង ដែលជាការពិបាកមួយសម្រាប់អ្នកអភិវឌ្ឍន៍ក្នុងការស្វែងរកដីធ្លី។
លោកបន្តថា ៖
“បច្ចុប្បន្ននេះតម្លៃផ្ទះនៅតំបន់ទាំងនេះ នៅមានកម្រិតទាបនៅឡើយទេ តែរយៈពេលពីរ ឬបីឆ្នាំខាងមុខខ្ញុំជឿជាក់ថា តម្លៃផ្ទះនឹងហក់ឡើងដូចគ្នា ហើយប្រជាពលរដ្ឋនឹងទៅរស់នៅតំបន់នោះកាន់តែច្រើនផងដែរ ខណៈបច្ចុប្បន្ននេះ មានគម្រោងអភិវឌ្ឍន៍មួយចំនួនបាន និងកំពុងរៀបចំផែនការត្រៀមអភិវឌ្ឍន៍ជាបន្តបន្ទាប់”
លោក ឌឹត ចណ្ណា អគ្គនាយកក្រុមហ៊ុនឡាក់គី ក៏បានឱ្យដឹងថា ការអភិវឌ្ឍហេដ្ឋារចនាសម្ព័ន្ធនៅតំបន់អរិយក្សត្រ និងការតភ្ជាប់ស្ពានពីភ្នំពេញ នឹងជំរុញឱ្យមានការអភិវឌ្ឍបន្ថែមទៀតនៅតំបន់នោះ។ ក្នុងនោះដែរ ការអភិវឌ្ឍលំនៅឋានគឺជាអាទិភាពមួយសម្រាប់បំពេញតម្រូវការរបស់ប្រជាពលរដ្ឋដែលនឹងចាប់ផ្ដើមទៅកាន់ទីនោះកាន់តែច្រើន ។
លោកបានបញ្ជាក់ផងដែរថា បច្ចុប្បន្ននេះឃើញមានគម្រោងធំៗចាប់ផ្ដើមលេចវត្តមាននៅតំបន់ត្រើយខាងកើតរាជធានីភ្នំពេញ ដោយក្នុងនោះមានដូចជាក្រុមហ៊ុនបុរីប៉េងហួត ក្រុមហ៊ុនរបស់អ្នកឧកញ៉ា ឡេង ណាវ៉ាត្រា គម្រោងសាលារៀនអន្តរជាតិ ក្លីនិកឯកជន និងផ្សារទំនើបសហគមន៍មួយចំនួនក៏កំពុងតែត្រៀមខ្លួនក្នុងការអភិវឌ្ឍនៅតំបន់នេះផងដែរ ដែលវានឹងជំរុញឱ្យក្រុងអរិយក្សត្រកាន់តែមានភាពទាក់ទាញខ្លាំងនៅពេលឆាប់ៗខាងមុខនេះ ៕
Account
Security
Favourite Content