សហគមន៍កសិករចង់ឱ្យផលិតកម្មស្រូវរបស់ខ្លួនមានតម្លៃល្អនៅលើទីផ្សារ

ភ្នំពេញ៖ កសិករកម្ពុជា ដែលភាគច្រើនបានប្រកបរបរធ្វើស្រែនៅតាមបណ្តាខេត្តនានាកំពុងរង់ចាំការប្រមូលផលស្រូវរបស់ខ្លួននាពេលខាងមុខជាមួយនឹងក្ដីរំពឹងថានឹងទទួលផលល្អ ហើយក៏មានតម្លៃល្អនៅលើទីផ្សារ ខណៈដែលក្រសួងកសិកម្ម ក៏​កំពុងជំរុញឱ្យមានការផលិតពូជស្រូវ​ល្អសែនក្រអូបផ្ការំដួល និងផ្ការំដួល ដើម្បីឆ្លើយតបនឹងតម្រូវការទីផ្សារផងដែរ​។

ក្នុងរយៈពេលប៉ុន្មានខែចុងក្រោយ ការឡើងថ្លៃប្រភេទស្រូវ (IR និង​OM) បានធ្វើឱ្យកសិករដែលដាំដុះស្រូវប្រភេទនេះ​ មា​ន​សេចក្តីត្រេកអរយ៉ាងខ្លាំង ប៉ុន្តែក្រោយមកស្ថានភាពនៃតម្លៃស្រូវនេះក៏បានត្រឡប់មករកសភាពធម្មតាវិញ ខណៈកសិករភាគច្រើនដាំដុះស្រូវប្រភេទសែនក្រអូប និងផ្ការំដួលនៅតាមបណ្តាខេត្ត ដែលនឹង​ត្រៀមប្រមូលផលក្នុងខែវិច្ឆិកា-ធ្នូ បានសំណូមពរដល់ក្រសួងកសិ​កម្មឱ្យជួយគិតគូរ​រក្សាលំនឹងតម្លៃស្រូវសែនក្រអូប ផ្ការំដួល ឱ្យស្ថិតនៅក្នុ​ងតម្លៃខ្ពស់ដូចជាប្រភេទស្រូវ IR និងOM ដែលបានប្រមូលផលដើមរដូវ ។

លោក អេង ថុង ប្រធានសហគមន៍កសិកម្មសំបូរមានជ័យ ខេត្តកំពង់ចាម បានប្រាប់ AMS ឱ្យដឹង​ថា ប្រភេទស្រូ​វផ្ការំដួល និងសែនក្រអូប គេអាចដាំដុះបានត្រឹមតែម្តងប៉ុណ្ណោះក្នុងមួយឆ្នាំ ព្រោះជាប្រភេទស្រូវប្រកាន់រដូវ ហើយ​ការដាំដុះ​​ត្រូវការថែ​ទាំខ្លាំងជាងស្រូវធម្មតា ។ ចំណែកស្រូវ IR និងOM ពឹងផ្អែកច្រើនលើទឹកភ្លៀង តែអាចដាំ និងប្រមូលផលបាន ២-៣ដង ក្នុង១ឆ្នាំ ហើយងាយស្រួលលក់ទៅប្រទេសវៀតណាម។

លោកប្រធានសហគមន៍រូបនេះបានគូសបញ្ជាក់ថា ទាក់ទងនឹងការជំរុញឱ្យកសិករផលិតស្រូវប្រភេទណាមួយ គឺទី១-ត្រូវមានទីផ្សារនៃការបញ្ជាទិញ ទី២-ត្រូវដឹងពីតម្លែ លើទីផ្សារ និងទី៣-ដឹងពីទិន្នផលវាជាក់លាក់ ក្នុង១ហិកតាទទួលផលប៉ុន្មាន និងបញ្ហាប្រឈមរបស់ស្រូវអ្វីខ្លះ?។

លោក អេង ថុង បានមានប្រសាសន៍ថា ពេលស្រូវOM ឡើងថ្លៃ ស្រូវសែនក្រអូបមិនឡើងថ្លៃទេ ហើយទិន្នផលទទួលបានពី ៤-៥តោនក្នុង១ហិកតា ចំណែកឯស្រូវ OM ទិន្នផលវាទទួលបានពី៥-៧តោនក្នុង១ហិកតា។

លោកប្រធានសហគមន៍បានបញ្ជាក់ថា ស្រូវ OM មានដើមទាប ងាយទទួលផល ទិន្នផលច្រើន ឃើញថាខុសគ្នាច្រើន ពេលស្រូវ OM ឡើងថ្លៃ បើជំរុញកសិករឱ្យផលិតសែនក្រអូប ឬស្រូវចំប៉ីស  វាជារឿងពិបាក ហើយបើតម្លៃស្មើគ្នា កសិករគាត់ប្រាកដជាធ្វើស្រូវ OM សិន ព្រោះទិន្នផលវាខុសគ្នា។

លោក អេង ថុង បានលើកឧទាហរណ៍ពីសហគមន៍របស់លោកថា កសិករស្ទើរតែ ៩០% គេនាំគ្នាងាកទៅធ្វើស្រូវ OM ច្រើន ដែលបច្ចុប្បន្នមានប្រមាណជិត ៣០០ហិកតាក្នុងចំណោមស្រូវសហគមន៍ទាំងអស់មានជិត ១ ០០០ហិក​​​​តា ព្រោះវៀតណាមទិញតែ​ស្រូវ OM ទោះតម្លៃធ្លាក់មកត្រឹម១គីឡូថ្លៃ ១ ១០០ – ១ ១៥០រៀលក៏ដោយ ព្រោះស្រូវវៀតណាមមានហានីភ័យទាបជាង។

រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម ឌិត ទីណា ​ក្នុងឱកាសពិនិត្យកសិដ្ឋានផលិតពូជស្រូវ និងសហគមន៍កសិកម្ម ក្នុងខេត្តបាត់ដំបង ​កាលពីថ្ងៃទី១០ ខែកញ្ញា បានជំរុញការប្រើប្រាស់ពូជស្រូវសុទ្ធ ពូ​ជស្រូវល្អ សែនក្រអូប និងផ្ការំដួល ដែលជាពូជស្រូវយុទ្ធសាស្ត្ររបស់ខ្មែរ​។

ឯកឧត្តម ឌិត ទីណា បានបញ្ជាក់ថា ការជ្រើសរើសពូជស្រូវសុទ្ធ សែនក្រអូប និងផ្ការំដួល គឺជួយដល់អ្នកផលិតពូជសុទ្ធ និងបង្កើនផ​លចំណេញសម្រាប់ទាំងអស់គ្នា។ ក្រសួងនឹងជួយជំរុញឱ្យមានការសហការ សម្របសម្រួលជាមួយអាជ្ញាធរ និងរោងម៉ាស៊ី​នកិ​នស្រូវ​ពីទីផ្សារ និងតម្លៃរបស់វា។

ឯកឧត្តម ឌិត ទីណា បានគូសបញ្ចាក់ថា ជាយន្តការចាំបាច់​ត្រូវមានការចូលរួមសហការគ្នាល្អ ការកសាងនូវ​បណ្តាញ​ពូជស្រូវសុទ្ធ ពិសេសពូជស្រូវសែនក្រអូប និងផ្ការំដួល ដែលមានតម្លៃថ្លៃ មានការចុះបញ្ជី មានវិញ្ញាបន​បត្រ​ត្រឹមត្រូវ និងមា​នខ្សែច្រវាក់ទីផ្សារល្អ  និងត្រូវ​ជំរុញ​ឱ្យ​កសិករ​ប្រើប្រាស់​ពូជស្រូវ​សុទ្ធ​នេះ ​និង​ប្រមូល​ទិញ​មកវិញ​តាម​តម្លៃ​កិច្ចសន្យា ឱ្យឆ្លើយតបនឹងតម្រូវការទីផ្សារ និងការប្រើប្រាស់ផ្សព្វ​ផ្សាយច​លនាពូជសុទ្ធ និងជំរុញការប្រើប្រាស់ពូជសុទ្ធឱ្យកាន់តែធំទូលាយ ទាំងអ្នកប្រើស្រូវចំណី ដើម្បីពង្រីកឱ្យធំ ព្រោះជា​គោល​បំណង​ដើម្បី​ជួយ​ដល់​កសិករ​ឱ្យមាន​ទីផ្សារ​ទទួលបាន​ផល​​ចំណេញ​ទាំងអស់គ្នា និង​ជួយ​ដល់​សេដ្ឋកិច្ចជាតិ​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ

ការិយាល័យជួល ​ទំហំ​ជិត​២០ម៉ឺន​ម៉ែត្រការ៉េ​បន្ថែមទៀត រំពឹងចាក់​បញ្ចូល​ក្នុងទីផ្សារ​​​ក្នុងឆ្នាំ២០២៤​នេះ

ព្រឹត្តិការណ៍, អចលនទ្រព្យ

• 24/07/2024

កំណើននៃ​តម្រូវការ​និងការ​ផ្គត់ផ្គង់ការិយាល័យ​ក្នុង​រាជធានីភ្នំពេញ បានកើន​ឡើងជា​បន្តបន្ទាប់​​ក្រោយ​វិបត្តិកូវីដ​១៩ ដោយ​សហគ្រិន​ឬម្ចាស់​ក្រុមហ៊ុន​ជាច្រើន​ បាន​ផ្លាស់....

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុតកំពុងឈរឈ្មោះជាបេក្ខភាពប្រធានាធិបតី

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុត ប្រែពីអាជីពមេធាវីក្លាយជាបេក្ខភាពប្រធានាធិបតី

NBC ៖ ទុនបម្រុងអន្តរជាតិរបស់កម្ពុជាមានការប្រែប្រួលតិចតួចក្នុងឆមាសទី១ ឆ្នាំ២០២៤

ព្រឹត្តិការណ៍, ហិរញ្ញវត្ថុ

• 24/07/2024

គិតត្រឹមឆមាសទី១ ឆ្នាំ២០២៤ កម្ពុជាមានទុនបម្រុងអន្តរជាតិ ២០ ប៊ីលានដុល្លារអាមេរិក

យុវជនចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

សិក្ខាកាមចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍លើជំនាញការិយាល័យជួរមុខ

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ក្រសួងរៀបចំដែនដីកំណត់ចក្ខុវិស័យលើការងារអាទិភាពចំនួន៣ ដើម្បីសម្រេចយុទ្ធសាស្ត្របញ្ចកោណ

ព្រឹត្តិការណ៍, អចលនទ្រព្យ

• 24/07/2024

យុទ្ធសាស្ត្របញ្ចកោណដំណាក់កាលទី១ នៅត្រង់បញ្ចកោណ​ទី៤ មុំទី៤ បានលើកឡើងអំពីការពង្រឹងលើការការគ្រប់គ្រង ធ្វើទំនើបកម្មនគរូបនីយកម្ម

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម