សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ថ្លែងនៅក្នុងពិធីបិទសន្និបាតបូកសរុបលទ្ធផលការងាររបស់រដ្ឋបាលខេត្តបាត់ដំបងកាលពីពេលថ្មីៗនេះ សម្ដេចក្រឡាហោមស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃបានជំរុញឱ្យរដ្ឋបាលខេត្តបាត់ដំបងសម្របសម្រួលដល់វិនិយោគិនទាំងវិនិយោគិននៅក្នុងខេត្តផ្ទាល់ និងវិនិយោគិនមកពីតំបន់ផ្សេងមានភាពងាយស្រួលក្នុងការធ្វើនីតិវិធីវិនិយោគ ។
សម្ដេចក្រឡាហោមបានមានប្រសសាន៍ថា ដោយសារតែខេត្តបាត់ដំបង ជាខេត្តដែលមានសក្ដានុពលលើការអភិវឌ្ឍវិស័យកសិកម្ម ឧស្សាហកម្ម និងទេសចរណ៍ ដួចនេះ រដ្ឋបាលខេត្តត្រូវបន្តយកចិត្តទុកដាក់គាំទ្រ និងបង្កលក្ខណៈងាយស្រួលដល់ការវិនិយោគក្នុងមូលដ្ឋានរបស់ខ្លួន ជាពិសេសផ្តល់ភាពអនុគ្រោះសម្រាប់ការវិនិយោគ។ បន្ថែមលើនេះ រដ្ឋបាលខេត្តត្រូវបន្តខិតខំកៀរគរ និងលើកទឹកចិត្តដល់ការវិនិយោគសម្រាប់ការអភិវឌ្ឍទៅលើវិស័យមួយចំនួនដូចជា វិស័យឧស្សាហកម្ម វិស័យទេសចរណ៍ សហគ្រាសធុនតូច និងមធ្យម ដើម្បីបង្កើតឱកាសការងារ ប្រាក់ចំណូល សំដៅលើកកម្ពស់ជីវភាពរស់នៅរបស់ប្រជាពលរដ្ឋ។
សម្ដេចមានប្រសាសន៍ថា ៖
“តាមរយៈច្បាប់ស្ដីពីការវិនិយោគនៅក្នុងព្រះរាជាណាចក្រកម្ពុជា បានផ្ដល់សិទ្ធិអំណាចដល់រដ្ឋបាលខេត្ត មានសិទ្ធិសម្រេចអនុញ្ញាតឱ្យមានការវិនិយោគក្នុងទុនវិនិយោគត្រឹម៥លានដុល្លារអាមេរិកចុះ ក្រោមដូច្នេះបើលើសពីនេះត្រូវឱ្យវិនិយោគិនស្នើសុំទៅថ្នាក់ជាតិ”
លោក កែវ សារ៉ន ប្រធានសាខានៃក្រុមហ៊ុន Century 21 Zillion Holding ប្រចាំខេត្តបាត់ដំបងបានមានប្រសាសន៍ថា សក្ដានុពលនៃខេត្តបាត់ដំបងគឺមានច្រើន ប៉ុន្តែមួយរយៈនេះ ដោយសារតែបញ្ហាស្ថានភាពសេដ្ឋកិច្ចសកលលោកផង បញ្ហាកូវីដ១៩ទើបតែផុតទៅថ្មីៗផង ដូច្នេះការវិនិយោគថ្មីៗ នៅក្នុងខេត្តបាត់ដំបងមិនទាន់មានលេចជារូបរាងនោះទេ តែយ៉ាងណាក្ដីយើងរង់ចាំមើលនៅពេលខាងមុខ ដោយរំពឹងថាវិនិយោគិនមកពីតំបន់ផ្សេងៗក៏ដូចជាមកពីក្រៅប្រទេសចូលមកបណ្ដាក់ទុនវិនិយោគឡើងវិញក្នុងខេត្តបាត់ដំបង ។
លោកបន្តថា ៖
“គម្រោងផ្លូវជាតិលេខ៥តភ្ជាប់ពីភ្នំពេញ មកដល់បាត់ដំបង និងបន្តទៅកាន់ខេត្តបន្ទាយមានជ័យគឺជាផ្លូវដ៏សំខាន់ក្នុងការដឹកជញ្ជូនទំនិញ និងអ្នកដំណើរពីភ្នំពេញ មកខេត្តបាត់ដំបង ហើយខេត្តបាត់ដំបងនាពេលបច្ចុប្បន្ននេះ យើងឃើញថាមានការទាក់ទាញខ្លាំងលើវិស័យទេសចរណ៍ដោយក្នុងពេលបុណ្យទានម្ដងៗគេសង្កេតឃើញថាខេត្តមួយនេះតែងតែទទួលបានភ្ញៀវទេសចរច្រើនជាងគេ”
បើតាម លោក សារ៉ន បានឱ្យដឹងថា ក្រៅពីផ្លូវនេះដែរ ផ្លូវតភ្ជាប់ពីបាត់ដំបងទៅកាន់ខេត្តសៀមរាបក៏នឹងជំរុញឱ្យទំនាក់ទំនងពាណិជ្ជកម្ម និងទេសចរ រវាងខេត្តទាំងពីរកាន់តែច្រើនឡើងថែមទៀតផង ជាក់ស្ដែងអ្នកមកលេងសៀមរាប អាចបង្ហូសមកលេងបាត់ដំបង ហើយអ្នកមកលេងបាត់ដំបងក៏អាចបន្តទៅលេងសៀមរាបបានដោយងាយស្រួលនៅពេលផ្លូវនោះសាងសង់រួច ៕
Account
Security
Favourite Content