សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អាផាតមិន ជាផ្នែកមួយនៃទីផ្សារអចលនទ្រព្យក្នុងប្រទេស និងបានចូលរួមចំណែកដល់វិស័យបដិសណ្ឋារកិច្ចរបស់កម្ពុជា ។ ដោយឡែក នៅក្នុងរយៈពេល៣ឆ្នាំចុងក្រោយនេះ ទីផ្សារអាផាតមិនហាក់មិនមានការប្រែប្រួលនោះទេ ពោលគឺរក្សាបាននូវតម្រូវការ និងតម្លៃថេរ ។
យោងតាមរបាយការណ៍របស់ក្រុមហ៊ុន CBRE Cambodia ចេញផ្សាយសម្រាប់ត្រីមាសទី៣ ឆ្នាំ២០២៤បានបង្ហាញឱ្យឃើញថា ទីផ្សារជួលអាផាតមិនបានរក្សាតម្លៃថេរក្នុងត្រីមាសទី៣នេះ បើធៀបនឹងត្រីមាសទី២ និងទី១ឆ្នាំ ២០២៤ ដោយមានការប្រែប្រួលតិចតួចបំផុត ។
របាយការណ៍នេះ បានបង្ហាញថា តម្លៃជួលអាផាតមិនក្នុងមួយម៉ែត្រការ៉េមានតម្លៃជិត១៥ដុល្លារអាមេរិកក្នុងមួយខែសម្រាប់អាផាតមិនប្រភេទកម្រិត B ។ តម្លៃនេះ បើធៀបនឹងត្រីមាសទី២ឆ្នាំ ២០២៤ មានការកើនឡើងតែ ២.៩ភាគរយប៉ុណ្ណោះ ។ សម្រាប់អាផាតមិនកម្រិត A ( Grade A ) មានតម្លៃ ប្រមាណ២០ដុល្លារអាមេរិកក្នុងមួយម៉ែត្រការ៉េក្នុងមួយខែ ។ បើប្រៀបធៀបជាមួយនឹងត្រីមាសទី២ឆ្នាំ២០២៤ ដូចគ្នា មានកំណើនត្រឹមតែ ១,២ភាគរយប៉ុណ្ណោះ ។
យោងទៅលើរបាយការណ៍ដដែលនេះ បានបង្ហាញថា ចាប់តាំងពីអំឡុងឆ្នាំ២០២២ ដល់ត្រីមាសទី៣ឆ្នាំ ២០២៤នេះ តម្លៃនៃការជួលអាផាតមិននៅក្នុងរាជធានីភ្នំពេញស្ទើរតែមិនមានការប្រែប្រួលនោះទេ ជាក់ស្ដែងនៅក្នុងត្រីមាសទី២ឆ្នាំ ២០២២ អាផាតមិនកម្រិត B មានតម្លៃប្រហាក់ប្រហែលនឹង១៥ដុល្លារអាមេរិកក្នុងមួយម៉ែត្រការ៉េក្នុងមួយខែ ហើយរហូតដល់ត្រីមាសទី៣ឆ្នាំ២០២៤នេះ តម្លៃនៃការជួលអាផាតមិនប្រភេតនេះ ក៏នៅតែមានតម្លៃប្រហាក់ប្រហែលនឹង១៥ដុល្លារអាមេរិកដូចគ្នាក្នុងមួយម៉ែត្រការ៉េ ក្នុងមួយខែ ។ ដោយឡែកអាផាតមិនកម្រិតA ដែលដាក់ជួលក្នុងតម្លៃ ប្រមាណ២០ដុល្លារអាមេរិកក្នុងមួយខែក្នុងមួយម៉ែត្រការ៉េ កាលពីត្រីមាសទី២ឆ្នាំ ២០២២ រហូតដល់ត្រីមាសទី៣ឆ្នាំ ២០២៤នេះ តម្លៃនៃការជួលអាផាតមិនកម្រិត A ក៏នៅតែមានតម្លៃ ប្រមាណ២០ដុល្លារអាមេរិកដដែល ។
តាមរបាយការណ៍បង្ហាញថា ក្នុងឆ្នាំ ២០២៤នេះ អាផាតមិនដែលបានដាក់បញ្ចូលក្នុងទីផ្សារ មានចំនួនប្រមាណ៤.៥០០យូនីត ក្នុងរាជធានីភ្នំពេញ ហើយចំនួននេះ បើធៀបនឹងឆ្នាំ ២០២៣កន្លងទៅ មានកំណើនតិចតួចប៉ុណ្ណោះ ។
បើតាមលោក ប៉ូ អ៊ាវគង់ អគ្គនាយកក្រុមហ៊ុនអចលនទ្រព្យ Advance បានឱ្យដឹងថា ទីផ្សារអាផាតមិនភាគច្រើនពឹងលើភ្ញៀវទេសចរបរទេស ឬជនបរទេសដែលកំពុងធ្វើការនៅក្នុងប្រទេសកម្ពុជា និងស្នាក់នៅក្នុងប្រទេសកម្ពុជា ។ ចាប់តាំងពីវិបត្តិកូវីដ១៩ ទីផ្សារមួយនេះហាក់មានការថមថយ ហើយរហូតមកដល់ពេលនេះ ក៏ឃើញថាតម្រូវការលើផ្នែកអាផាតមិននៅតែមានកម្រិតតិចតួចធៀបនឹងឆ្នាំមុនពេលមានវិបត្តិកូវីដ១៩ ។
លោកបន្តថា សម្រាប់វិស័យអចលនទ្រព្យកម្ពុជា ចាប់ពីពេលនេះតទៅ គឺត្រូវធ្វើសកម្មភាពតាមបែបបរិបទថ្មី ដោយវិស័យនេះនឹងមិនអាចងើបឬមានសកម្មភាព វិនិយោគនិងតម្រូវខ្លាំងដូចមុនឆ្នាំ ២០២០នោះទេ ប៉ុន្តែ អ្នកវិនិយោគ អ្នកអភិវឌ្ឍន៍ក្នុងវិស័យនេះ អាចរកវិធីសាស្ត្រក្នុងការរកចំណូលពីវិស័យនេះ ដូចជាការកែច្នៃអចលនទ្រព្យណាដែលមិនមានចំណូល ឱ្យទទួលបានចំណូល ជាក់ស្ដែងក៏មានម្ចាស់អចលនទ្រព្យជាច្រើនបានកែច្នៃ ដើម្បីរកចំណូលក្នុងពេលកំពុងរង់ចាំវិនិយោគិនមកបណ្ដាក់ទុន ក្នុងនោះមានដីទំនេរជាច្រើនកន្លែងត្រូវរៀបចំជាផ្សាររាត្រី ផ្សារសហគមន៍ សម្រាប់ជួលឱ្យអាជីវករ ៕
Account
Security
Favourite Content