សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ អស់រយៈពេលជាច្រើនឆ្នាំកន្លងមកនេះ រដ្ឋាភិបាលទីក្រុងវ៉ាស៊ិនតោនបានដាក់សំពាធ និងបន្តតាមដានយ់ាងតឹងរឹងទៅលើប្រតិបត្តិការអាជីវកម្មរបស់ក្រុមហ៊ុនអ្នកផលិតដ្រូនដ៏ធំបំផុតរបស់ពិភពលោក DJI ។
ក្រុមហ៊ុនដែលមានមូលដ្ឋាននៅក្នុងប្រទេសចិនមួយនេះគឺជាអ្នកក្តោបក្តាប់ចំណែកទីផ្សារសកលដ្រូនសម្រាប់ប្រើប្រាស់ធំជាងគេបំផុត ប៉ុន្តែក្រុមហ៊ុននេះក៏តែងតែទទួលរងនូវការចោទប្រកាន់ជានិច្ចពីសំណាក់មន្ទីរប៉ង់តាហ្គោនថាមានការពាក់ព័ន្ធទៅនឹងរដ្ឋាភិបាលទីក្រុងប៉េកាំង ដូចជា ការតាមឃ្លាំមើល និងគ្រប់គ្រងជនជាតិភាគតិចនៅក្នុងប្រទេសចិន ព្រមទាំងការចោទប្រកាន់ជាច្រើនទៀតដូចជាជាប់ពាក់ព័ន្ធទៅនឹងជាមួយភាគីរុស្ស៊ី ក្នុងសង្គ្រាមជាមួយនឹងអ៊ុយក្រែនដែលរហូតមកដល់ពេលបច្ចុប្បន្ននេះនៅបន្តបង្ហូរឈាមដាក់គ្នានៅឡើយ។
ក្រោយការអត់ធ្មត់មួយរយៈកន្លងមកនេះ ជាពិសេសបន្ទាប់ពីត្រូវបានអាមេរិកដាក់បញ្ចូល DJI ទៅក្នុងបញ្ជីខ្មៅកាលពីឆ្នាំ២០២២ ថាជាក្រុមហ៊ុនដែលមានពាក់ព័ន្ធទៅនឹងកងកម្លាំងយោធារបស់រដ្ឋាភិបាលក្រុងប៉េកាំងផងនោះ នៅទីបំផុតក្រុមហ៊ុនយក្សនេះបានសម្រេចចិត្តក្នុងការដាក់ពាក្យបណ្តឹងប្រឆាំងជាមួយនឹងមន្ទីរប៉ង់តាហ្គោនហើយកាលពីថ្ងៃទី១៨ ខែតុលាកន្លងទៅនេះ។
ព័ត៌មាននេះត្រូវបានយកមកចេញផ្សាយដោយកាសែត AFP ខណៈដែល DJI បានប្តឹងថា ក្រសួងការពារជាតិអាមេរិក ហៅកាត់ថា DoD បានធ្វើការសម្រេចចិត្តខុសឆ្គងចំពោះទំនាក់ទំនងរវាង DJI និងយោធាចិន។ បន្ថែមពីនេះ DJI បានចេញសេចក្តីថ្លែងការណ៍មួយកាលពីថ្ងៃសៅរ៍ចុងសប្ដាហ៍កន្លងទៅនេះថា កន្លងមកអស់រយៈពេល១៦ខែហើយដែលក្រុមហ៊ុនបានព្យាយាមក្នុងការទាក់ទង និងពន្យល់ទៅកាន់ក្រសួងការពារជាតិអាមេរិកដើម្បីបញ្ជាក់ពីភាពស្មោះត្រង់ក្នុងប្រតិបត្តិការអាជីវកម្ម ប៉ុន្តែពុំទទួលបានការដំណោះស្រាយណាល្អប្រសើរឡើយរហូតដល់ជម្រើសចុងក្រោយគឺត្រូវតែដាក់ពាក្យប្តឹងទៅកាន់តុលាការសហព័ន្ធ។
ក្រុមហ៊ុនបានបញ្ចាក់សាជាថ្មីទៀតថា៖ DJI មិនត្រូវបានគ្រប់គ្រង ឬត្រួតពិនិត្យដោយកងកម្លាំងយោធាចិននោះឡើយ ហើយកន្លងមកក្រសួងការពារជាតិអាមេរិកក៏បានទទួលស្គាល់ហើយថា DJI គឺជាអ្នកផលិតដ្រូនសម្រាប់ប្រើប្រាស់ដោយជនស៊ីវិល និងដ្រូនបែបពាណិជ្ជកម្មប៉ុណ្ណោះ ពោលគឺមិនមានការពាក់ព័ន្ធទៅនឹងសកម្មភាពយោធា ឬមុខងារជាដ្រូនយោធានោះឡើយ។
គួរឲ្យដឹងដែរថា ក្រុមហ៊ុន DJI ត្រូវបានបង្កើតឡើងដំបូងតាំងតែពីឆ្នាំ២០០៦ ហើយបច្ចុប្បន្នត្រូវបានគេចាត់ទុកថាជាក្រុមហ៊ុនអ្នកផលិតយន្តហោះដ្រូនធំជាងគេបំផុតរបស់ពិភពលោកសម្រាប់ទីផ្សារពាណិជ្ជកម្មប៉ុណ្ណោះ។ កេរ្ត៍ឈ្មោះរបស់ DJI មានភាពល្បីល្បាញកាន់តែខ្លាំងដោយសារតែបានជួយឲ្យសកម្មភាពប្រើប្រាស់ដ្រូនកាន់តែមានអត្ថប្រយោជន៍ចំពោះវិស័យជាច្រើនគិតចាប់តាំងពីការថតរូបថតវិដេអូ, ប្រើជាជំនួយក្នុងការធ្វើកសិកម្ម ព្រមទាំងប្រតិបត្តិការស្វែងរង និងជួយសង្គ្រោះ ហើយក៏ប្រើសម្រាប់សុវត្ថិភាពនៅតាមទីសាធារណៈផងដែរ៕
Account
Security
Favourite Content