សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(ភ្នំពេញ)៖ ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បានចាត់ទុកថា គណៈស្ថាបត្យករកម្ពុជា គឺជាដៃគូដ៏ធំមួយរបស់ក្រសួង និងជាឧបករណ៍ដ៏មុតស្រួចក្នុងការប្រែក្លាយ និងការវិវត្តន៍ផ្នែកស្ថាបត្យកម្មនៅកម្ពុជាឱ្យឈានឡើងមួយកម្រិតទៀតក្នុងសហសម័យកម្ពុជា។
នេះជាការលើកឡើងរបស់ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ក្នុងកិច្ចប្រជុំក្រុមប្រឹក្សាគណៈស្ថាបត្យករកម្ពុជាដែលបានធ្វើឡើងនៅទីស្ដីការក្រសួង កាលពីថ្ងៃដើមសប្ដាហ៍កន្លងទៅនេះ។
ឯកឧត្តមឧបនាយករដ្ឋមន្ត្រី សាយ សំអាល់ បានមានប្រសាសន៍បញ្ជាក់ថា ៖
«កិច្ចប្រជុំនាពេលនេះ គឺធ្វើឡើងដើម្បីពិភាក្សាផ្លាស់ប្តូរមតិយោបល់អំពីគុណភាពនៃវិជ្ជាជីវៈស្ថាបត្យករកម្ពុជា ថាតើយើងត្រូវរៀបចំដោយរបៀបណាទៅលើគុណភាពសមត្ថភាព ក្រមសីលធម៌ វិជ្ជាជីវៈ ចរិយាមារយាទ របស់ស្ថាបត្យករកម្ពុជា និងនៅក្នុងករណីដែលស្ថាបត្យករមានកំហុសក្នុងបទបញ្ញត្តិ និងបទដ្ឋានជាធរមាន ថាតើយើងត្រូវមានវិធានការលុបអាជ្ញាបណ្ណរបស់ស្ថាបត្យករនោះ ឬយ៉ាងណា»។
នៅក្នុងឱកាសនោះ ឯកឧត្តមឧបនាយករដ្ឋមន្ត្រី ក៏បានលើកឡើងផងដែរថា ៖
«ដល់ពេលវេលាហើយដែលយើងត្រូវរួមគ្នារៀបចំប្រទេសជាតិឱ្យបានល្អប្រសើរស្របតាមប្រសាសន៍ថ្នាក់ដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលតែងតែចង្អុលបង្ហាញ ក្នុងគោលដៅកសាងភូមិឋានក្សេមក្សាន្ត មានទ្រនំសុភមង្គល សម្រាប់ប្រជាពលរដ្ឋ នោះសន្តិភាពនឹងនៅជាមួយយើងទាំងអស់គ្នាជារៀងរហូត»៕
Account
Security
Favourite Content