សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បាត់ដំបង ៖ បាត់ដំបង ជាខេត្តមួយដែលមានការចាប់អារម្មណ៍ខ្ពស់ពីសំណាក់អ្នកវិនិយោគក្នុងស្រុក ហើយក៏មានសន្ទុះនៃការអភិវឌ្ឍគម្រោងថ្មីៗដែលមានតម្លៃរាប់សិបលានដុល្លារនៅក្នុងរយៈពេលប៉ុន្មានខែចុងក្រោយនេះ ដែលបានជំរុញឱ្យតម្លៃដីធ្លីមានការកើនឡើងគួរឱ្យកត់សម្គាល់ ជាពិសេសនៅតំបន់អំណោយផលដល់វិស័យឧស្សាហកម្ម។
លោក អ៊ិន ដារា ប្រធានសាខាក្រុមហ៊ុនភ្នាក់ងារអចលនទ្រព្យអន្តរជាតិ KW Cambodia នៅខេត្តបាត់ដំបងបានថ្លែងប្រាប់ AMS ឱ្យដឹងថា តម្លៃដីធ្លីនៅក្នុងខេត្តបាត់ដំបងនាពេលបច្ចុប្បន្ននេះបានហក់ឡើងជាបន្តបន្ទាប់ ជាពិសេសក្រោយវិបត្តិកូវីដ១៩នៅក្នុងប្រទេសបានធូរស្រាល។ ដោយឡែកសម្រាប់ទីផ្សារដីធ្លីនៅតាមបណ្ដោយផ្លូវជាតិតភ្ជាប់ពីក្រុងបាត់ដំបងទៅស្រុករតនមណ្ឌលដែលជាតំបន់អំណោយផល និងមានសក្ដានុពលផ្នែកឧស្សាហកម្មក៏មានហាងឆេងខ្ពស់គួរឱ្យកតសម្គាល់ផងដែរ។
លោកបន្តថា ៖
“តម្លៃដីធ្លីដែលនៅជាប់ផ្លូវជាតិតែម្ដងអាចមានតម្លៃចន្លោះពី៥០ដុល្លារអាមេរិកទៅ២៥០ដុល្លារអាមេរិកក្នុងមួយម៉ែត្រការ៉េ ដោយអាស្រ័យទៅលើទីតាំង ហើយមានម្ចាស់ដីខ្លះបានដាក់តម្លៃខ្ពស់ជាងនេះទៅទៀតក៏មានដែរ។ អ្វីដែលជាការកត់សម្គាល់គឺចាប់តាំងពីចូលឆ្នាំខ្មែររហូតមកឃើញថា សកម្មភាពនៃការវិនិយោគលើគម្រោងថ្មីៗនៅក្នុងខេត្តបាត់ដំបងចាប់ផ្ដើមកក្រើកឡើងវិញ ក្រោយពីវិនិយោគិនសំងំរង់ចាំមើលស្ថានភាពអស់មួយរយៈធំក្រោយស្ថានភាពធូរស្រាល“
លោក ដារា បានឱ្យដឹងថា ៖
“បច្ចុប្បន្ននេះ នៅក្នុងខេត្តបាត់ដំបង បាន និងកំពុងសាងសង់ផ្លូវសំខាន់ៗតភ្ជាប់ពីខេត្តផ្សេងៗទៀតចូលមកកាន់ទីរួមខេត្ត ដូចជាផ្លូវជាតិលេខ១០ តភ្ជាប់កោះកុងមកកាន់ពោធិ៍សាត់ចូលបាត់ដំបង គម្រោងផ្លូវថ្មីតភ្ជាប់ពីសៀមរាបមកកាន់ខេត្តបាត់ដំបង ដែលផ្លូវទាំងនេះនឹងជំរុញសក្ដានុពលខេត្តបាត់ដំបងបានមួយកម្រិតទៀត ហើយចង់មិនចង់វាក៏នឹងធ្វើឱ្យតម្លៃដីនៅបាត់ដំបងងើបឡើងមួយកម្រិតផងដែរ”
លោក ព្រាប កុល ប្រធានក្រុមប្រឹក្សាភិបាលនៃក្រុមហ៊ុនអចលនទ្រព្យ Century 21 Zillion Holding បានមានប្រសាសន៍កន្លងមកថា សក្ដានុពលដីធ្លីនៅក្នុងប្រទេសកម្ពុជា គឺនៅមានវិសាលភាពធំធេងណាស់ និងមានឱកាសនៃការឡើងថ្លៃបន្ថែមទៀត បើធៀបនឹងប្រទេសជិតខាងក៏ដូចជាប្រទេសក្នុងតំបន់ ។
លោកបន្តថា ដីធ្លីនៅក្នុងប្រទេសកម្ពុជា បើសិនជាកែច្នៃវាឱ្យមានតម្លៃ វានឹងមានតម្លៃបន្ថែមទៀត ដូច្នេះហើយក្នុងនាមជាក្រុមហ៊ុនអភិវឌ្ឍន៍ និងភ្នាក់ងារអចលនទ្រព្យគួរជំរុញ និងលើកទឹកចិត្តឱ្យពលរដ្ឋយល់ដឹងពីការកែច្នៃកែប្រែដីធ្លីឱ្យទៅជាមានតម្លៃខ្ពស់ ដើម្បីទទួលបានចំណូល និងផលចំណេញ។
សូមបញ្ជាក់ថា នៅក្នុងខេត្តបាត់ដំបង ក្នុងរយៈពេលប៉ុន្មានឆ្នាំចុងក្រោយនេះ មានក្រុមហ៊ុនក្នុងស្រុកធំៗមួយចំនួនបានចូលទៅអភិវឌ្ឍគម្រោងធំៗជាមួយនឹងការបណ្តាក់ទុនរាប់សិបលានដុល្លារ ជាពិសេសផ្នែកសំណង់លំនៅឋាន និងការអភិវឌ្ឍជាប្រភេទគម្រោងដីឡូត៍ ហើយក្រៅពីនេះក៏មានគម្រោងអភិវឌ្ឍន៍ជាតំបន់កម្សាន្តកៃច្នៃដើម្បីទាក់ទាញទេសចរជាតិ និងអន្តរជាតិ ក៏ដូចជាវិនិយោគិនថ្មីៗផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ស្វែងយល់ពីតម្លៃដីធ្លីនៅតាមតំបន់នានាក្នុងខណ្ឌឫស្សីកែវ ក្នុងឆមាសទី១ ឆ្នាំ២០២៦
កសិករវ័យ ៦៤ ឆ្នាំនៅបាត់ដំបង បង្កើនស្រះត្រីដល់ ២៦ រំពឹងរកចំណូលបាន ៥០ លានរៀល/១ឆ្នាំ
Account
Security
Favourite Content