សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រាជរដ្ឋាភិបាលកម្ពុជា បានបង្កើតក្រុមការងារជំរុញការវិនិយោគនៅតំបន់ឆ្នេរ ជាពិសេសនៅក្នុងខេត្តព្រះសីហនុ ដោយក្នុងនោះថែមទាំងបានលើកទឹកចិត្តដល់វិនិយោគិនជាតិ និងអន្តរជាតិ ឱ្យបណ្ដាក់ទុនវិនិយោគនៅតំបន់ឆ្នេរនៃព្រះរាជាណាចក្រកម្ពុជាកាន់តែច្រើនបន្ថែមទៀត ខណៈដែលរាជរដ្ឋាភិបាលបានចំណាយថវិកាវិនិយោគលើហេដ្ឋារចនាសម្ព័ន្ធខ្ទង់ពាន់លានដុល្លារអាមេរិកដើម្បីតភ្ជាប់ប៉ូលសេដ្ឋកិច្ចភ្នំពេញ ទៅកាន់ប៉ូលសេដ្ឋកិច្ចនៃតំបន់ឆ្នេរ ។
ជាការកត់សម្គាល់ បច្ចុប្បន្ន បានអភិវឌ្ឍន៍ហេដ្ឋារចនាសម្ព័ន្ធទំនើបៗជាច្រើន តភ្ជាប់ពីភ្នំពេញទៅកាន់តំបន់សមុទ្រ រួមមានផ្លូវជាតិ ផ្លូវល្បឿនលឿន ផ្លូវដែក និងផ្លូវទឹក ( គម្រោងព្រែកជីកហ្វូណនតេជោ ) ជាដើម ។ សម្រាប់ផ្លូវជាតិ (ផ្លូវគោក) រាជរដ្ឋាភិបាលសម្រេចបាននូវការសាងសង់ផ្លូវជាតិលេខ៣ តភ្ជាប់ទៅកាន់ខេត្តកំពត និងកែប ក្រៅពីនេះ មានផ្លូវបែកពីផ្លូវជាតិលេខ៣ ជាច្រើនខ្សែទៀត ដូចជា ផ្លូវលេខ៣១ ផ្លូវលេខ៣៣ ជាដើម ។ ក្រៅពីនេះដែរ ផ្លូវជាតិលេខ៤ ក៏ត្រូវបានរាជរដ្ឋាភិបាលចំណាយថវិការាប់រយលានដុល្លារដើម្បីលើកកម្ពស់ឱ្យកាន់តែស្អាត ធំ និងមានគុណភាពតភ្ជាប់ទៅកាន់ខេត្តព្រះសីហនុ ។ ដោយឡែក ផ្លូវជាតិលេខ៤១ ក៏បានចំណាយថវិកាប្រមាណជិត១០០លានដុល្លារដើម្បីលើកកម្ពស់កាន់តែប្រសើរ ដែលតភ្ជាប់ពីផ្លូវជាតិលេខ៤ ទៅកាន់លេខ៣ ក្នុងខេត្តកំពត និងបន្តទៅកាន់តំបន់ឆ្នេរ ។ សម្រាប់ផ្លូវជាតិលេខ៤៨ ដែលតភ្ជាប់ពីផ្លូវជាតិលេខ៤ ត្រង់ចំណុចផ្លូវបំបែកស្រុកស្រែអំបិល ទៅកាន់ទីរួមខេត្តកោះកុង ក៏បាន និងកំពុងសាងសង់លើកកម្ពស់កម្រិតគុណភាព ដោយគ្រោងនឹងបញ្ចប់ឆាប់ៗ ដែលជាសក្ដានុពលជំរុញការវិនិយោគនៅកាន់ខេត្តតំបន់សមុទ្រមួយនេះ ស្របពេលដែលអាកាសយានដ្ឋានអន្តរជាតិតារាសាគរក៏បានដាក់ដំណើរការក្នុងដំណាក់កាលដំបូង ។
គ្រាន់តែរៀបរាប់ត្រួសៗដូចការលើកឡើងខាងលើនេះបានឱ្យឃើញថា កម្ពុជាបានចំណាយថវិការាប់ពាន់លានដុល្លារអាមេរិកក្នុងការកសាង និងលើកកម្ពស់កម្រិតគុណភាពហេដ្ឋារចនាសម្ព័ន្ធ តភ្ជាប់ពីប៉ូលសេដ្ឋកិច្ចភ្នំពេញ ទៅកាន់ប៉ូលសេដ្ឋកិច្ចតំបន់សមុទ្រ ដែលត្រូវបានប្រសិទ្ធនាមថាជាតារារះនាទិសនិរតីរបស់កម្ពុជា ។
មន្ត្រីជាន់ខ្ពស់កម្ពុជា ឯកឧត្តម ជា កុកហុង ប្រធានលេខាធិការដ្ឋានអភិវឌ្ឍន៍ខេត្តព្រះសីហនុ ទៅជាតំបន់ប៉ូលសេដ្ឋកិច្ចគំរូពហុបំណង បានថ្លែងថា តាមរយៈផែនការមេអភិវឌ្ឍន៍ខេត្តព្រះសីហនុ រយៈពេល១៥ឆ្នាំ កម្ពុជារំពឹងថានឹងទទួលបានទុនវិនិយោគប្រមាណ២០ពាន់លានដុល្លារអាមេរិកទៅលើគម្រោងវិនិយោគនានាក្នុងខេត្តព្រះសីហនុ ហើយនឹងជួយជំរុញកំណើនសេដ្ឋកិច្ចបានមួយកម្រិតផងដែរ។
សូមរំលឹកថា ក្នុងរយៈពេល១១ខែ ក្នុងឆ្នាំ២០២៤ (ខែមករា-ដំណាច់ខែធ្នូ) កន្លងទៅនេះ ក្រុមការងារជំរុញការវិនិយោគក្នុងខេត្តព្រះសីហនុ បានសម្រេចជាគោលការណ៍ផ្ដល់ការលើកទឹកចិត្ត ការអនុគ្រោះការសម្រួលនីតិវិធីដោះស្រាយវិវាទ ចំនួន២១៣គម្រោង ស្មើនឹង២១៣ភាគរយលើសគោលដៅសូចនាករកម្មសិទ្ធិ ដែលបានកំណត់ត្រឹម១០០គម្រោង និងមានទុនវិនិយោគរហូតដល់៦ ០២៦លានដុល្លារអាមេរិក លើសសូចនាករសមិទ្ធផលដែលបានកំណត់ត្រឹម ១០០០លានដុល្លារអាមេរិក ។ ក្នុងនោះ គម្រោងពាក់ព័ន្ធនឹងអគារជាប់គាំងទាំង១០៣ គម្រោង ស្មើនឹង៤៨ភាគរយនៃគម្រោងពាក់ព័ន្ធនឹងអគារជាប់គាំងសរុប និងមានទឹកប្រាក់ប្រមាណ ២ ៥១០លានដុល្លារអាមេរិក អាចបង្កើតការងារបានចំនួនជាង៤ពាន់កន្លែង ត្រូវបានសម្រួលនីតិវិធី និងដោះស្រាយវិវាទ ដើម្បីឱ្យមានដំណើរការឡើងវិញ ៕
Account
Security
Favourite Content