សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឈរលើទស្សនៈទានគិតគូរពីសុវត្ថិភាព និងសោភ័ណភាពតាមទីប្រជុំជន ក្រសួងរៀបចំដែនដី នគរូបនីយកម្ម និងសំណង់ និងក្រសួងសាធារណការ និងដឹកជញ្ជូន បានប្រជុំពិភាក្សាគម្រោងកែលម្អ និងលើកកម្ពស់សោភ័ណភាពកំណាត់ផ្លូវជាតិលេខ៤ ដោយជ្រើសរើសទីតាំងទីប្រជុំជនចំនួន ៣ទីតាំង (ស្ថិតក្នុងភូមិសាស្ត្រ ក្រុងច្បារមន ខេត្តកំពង់ស្ពឺ ទីតាំងរង្វង់មូលវាលរេញ និងផ្សារព្រៃនប់ ស្ថិតក្នុងភូមិសាស្ត្រខេត្តព្រះសីហនុ) ដើម្បីអនុវត្តជាគម្រោងសាកល្បង ។
កិច្ចប្រជុំផ្ទៃក្នុងជាមួយក្រុមការងារក្រសួងសាធារណការ និងដឹកជញ្ជូន ក្នុងគម្រោងកែលម្អ និងលើកកម្ពស់សោភ័ណភាពកំណាត់ផ្លូវជាតិលេខ ៤ “ក្រុងច្បារមន”និង”រង្វង់មូលវាលរេញ”និង”ផ្សារព្រៃនប់” បានធ្វើឡើងនៅទីស្ដីការក្រសួង នាព្រឹកថ្ងៃទី២៤ ខែកក្កដា ឆ្នាំ២០២៥។
នៅក្នុងកិច្ចប្រជុំនោះ ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រី ក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា ក្រសួងមានបំណងចង់យកគម្រោងកែលម្អ និងលើកកម្ពស់សោភ័ណភាពកំណាត់ផ្លូវជាតិលេខ ៤ “ក្រុងច្បារមន” និង”រង្វង់មូលវាលរេញ” និង”ផ្សារព្រៃនប់” ធ្វើជាគម្រោងគម្រូមួយសម្រាប់ទីប្រជុំជនគ្រប់ទីកន្លែងទាំងអស់នៅក្នុងប្រទេសកម្ពុជា ដោយជំហានដំបូងគឺចង់យកក្រុងច្បារមនធ្វើជាគោលជាមុនសិនដោយប្រមូលគំនិត បទពិសោធន៍ ទស្សនទានទាំងអស់ទៅកែសម្រួលទីប្រជុំជនក្រុងច្បារមន ខេត្តកំពង់ស្ពឺ ដោយអាចញែកផ្លូវម្ខាងចេញពីផ្លូវជាតិលេខ៤ និងរៀបចំចំណតរថយន្ត ចិញ្ចើមផ្លូវ និងផ្លូវថ្មើរជើង រៀបចំប្រព័ន្ធបង្ហូរទឹកកខ្វក់ និងដាំដើមឈើ ដើម្បីបង្កើនសោភ័ណភាពទីនេះបន្ថែមទៀត ជាទីប្រជុំជនដែលប្រជាពលរដ្ឋគ្រប់រូបអាចរស់នៅបាន និងមានសុវត្ថិភាព។
ឯកឧត្តមឧបនាយករដ្ឋមន្ត្រី សាយ សំអាល់ បានគូសបញ្ជាក់ថា គម្រោងនេះផ្តោតលើ៖ (១).ការរៀបចំទីសាធារណៈ និងទីប្រជុំជនក្នុងក្រុងឱ្យមានបរិយាកាសល្អអាចរស់នៅបានសម្រាប់ទាំងអស់គ្នា (២).ឈានទៅកាត់បន្ថយ និងបញ្ចៀសគ្រោះថ្នាក់ចរាចរណ៍ជាយថាហេតុ ផ្តល់សេវាកាន់តែល្អប្រសើរសម្រាប់អ្នករស់នៅ និងឆ្លងកាត់តំបន់ជាប្រចាំ និង (៣). ផ្តល់នូវហេដ្ឋារចនាសម្ព័ន្ធចាំបាច់សម្រាប់ឱ្យអ្នកទីក្រុងមានភាពងាយស្រួលក្នុងការរស់នៅ។ តាមគម្រោង ទីប្រជុំជនដែលត្រូវកែលម្អ និងលើកកម្ពស់សោភ័ណភាពបែបនេះមានប្រមាណជាង ២០០ទីតាំងនៅទូទាំងប្រទេស ៕
Account
Security
Favourite Content