សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្រសិនបើស្ថានការនៃការទប់ស្កាត់ការរីករាលដាលជំងឺឆ្លងកូវីដ-១៩ បានល្អប្រសើរដូចរយៈពេលប៉ុន្មានថ្ងៃជាប់គ្នាកន្លងទៅនេះ សម្ដេចតេជោ ហ៊ុន សែន បាន និងកំពុងត្រៀមអនុញ្ញាតឲ្យមានការបើកប្រទេសឡើងវិញលើគ្រប់វិស័យ ដើម្បីអាចដំណើរការសេដ្ឋកិច្ចកម្ពុជាឡើងវិញ។
មានប្រសាសន៍នៅក្នុងកិច្ចប្រជុំពេញអង្គគណៈរដ្ឋមន្ត្រីកាលពីថ្ងៃចុងសប្ដាហ៍មុននេះ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា ប្រសិនបើស្ថានការនៃការទប់ស្កាត់ការឆ្លងរីករាយដាលជំងឺកូវីដ-១៩ ត្រូវបានអនុវត្តល្អប្រសើរក្រោមការចូលរួមយ៉ាងយកចិត្តទុកដាក់ពីណាក់កម្លាំងពាក់ព័ន្ធ រួមមានកងកម្លាំងប្រដាប់អាវុធ មន្ត្រីសុខាភិបាល ជាពិសេសប្រជាពលរដ្ឋនៅទូទាំងប្រទេសអនុវត្តនូវវិធានការ ៣ កុំ និង ៣ ការពារ ឲ្យបានយ៉ាងខ្ជាប់ខ្ជួននោះ កម្ពុជានឹងអាចបើកប្រទេសលើគ្រប់វិស័យឡើងវិញ។
ជាការគួរឲ្យកត់សម្គាល់ បច្ចុប្បន្ននេះ កំណើននៃចំនួនអ្នកឆ្លងត្រូវបានកាត់បន្ថយ ហើយចំនួនអ្នកស្លាប់ក៏មានការថយចុះដូចគ្នា ដោយមានថ្ងៃខ្លះ ចំនួនអ្នកស្លាប់ដោយសារជំងឺកូវីដ-១៩ តិចជាងចំនួនអ្នកស្លាប់ដោយសារគ្រោះថ្នាក់ចរាចរណ៍នោះផង។ ការណ៍នេះមានន័យថា ការអនុវត្តនូវវិធានការការពារ និងទប់ស្កាត់ការឆ្លងរីករាលដាលនៅក្នុងសហគមន៍ ក៏ដូចជាក្នុងប្រទេសទាំងមូល ត្រូវបានធ្វើឡើងមានភាពល្អប្រសើរ ខណៈដែលអ្នកបានចាក់វ៉ាក់សាំងសរុបនៅទូទាំងប្រទេសបានកើនឡើងច្រើនជាង៩០ភាគរយ។
សម្ដេចតេជោ ហ៊ុន សែន បានមានប្រសាសន៍ថា ៖
«ប្រសិនបើក្នុងរង្វង់ ១០-១៥ ថ្ងៃ អត្រាឆ្លងត្រឹមកម្រិតដូចសព្វថ្ងៃ និងអត្រាអ្នកស្លាប់ត្រឹមកម្រិតប៉ុណ្នឹង ខ្ញុំគិតថាដល់ពេលវេលាដែលយើងត្រូវបើកសេដ្ឋកិច្ចឡើងវិញលើគ្រប់វិស័យ ប៉ុន្តែទៅតាមគន្លងថ្មី ជាមួយនឹងវិធានការ ៣កុំ ៣ការពារ របស់យើង ដែលនឹងនាំទៅដល់ការងើបឡើងវិញនៃសេដ្ឋកិច្ចរបស់យើង»
សម្ដេចបានបន្តថា ៖
«ឥឡូវ ទាំង IMF ទាំងធនាគារពិភពលោក ក៏ដូចជាស្ថាប័នហិរញ្ញវត្ថុដទៃទៀត បានព្យាករណ៍តម្លើងនូវអត្រាកំណើនសេដ្ឋកិច្ចរបស់យើងពី ១,៨% ទៅ ២,២% ដែលមុននោះ ឆ្នាំទៅ យើងប្រជុំគ្នានៅទីនេះ ដាក់ព្យាករណ៍កំណើនសេដ្ឋកិច្ច ៤,១% ប៉ុន្តែដោយសារតែការវាយឡុកនៃជំងឺរាតត្បាត គឺមានការព្យាការណ៍សាជាថ្មី ថាយើងធ្លាក់មកនៅត្រឹម ១,៨% ហើយឥឡូវគេព្យាករណ៍ថា នឹងឡើងដល់ ២,២%។ ត្រឹមរយៈពេល២ខែចុងក្រោយនៃឆ្នាំនេះ យើងអាចបើកបាន ជាពិសេសគឺទេសចរផ្ទៃក្នុង និងសេវាដទៃទៀត នោះកំណើនសេដ្ឋកិច្ចនឹងអាចឡើងលើសនេះបន្តិចទៀត ហើយចំណូលថវិកាជាតិនឹងអាចវិលត្រឡប់មករកស្ថានភាពល្អប្រសើរ»
ជាមួយគ្នានេះ សម្ដេចតេជោ ហ៊ុន សែន ក៏បានថ្លែងអំណរគុណចំពោះគ្រប់តួអង្គដែលពាក់ព័ន្ធ ជាពិសេសអរគុណចំពោះប្រជាពលរដ្ឋដែលបានខិតខំការពារសុវត្ថិភាពខ្លួនឯង ខិតខំការពារក្រុមគ្រួសារ ព្រោះបញ្ហានៃជំងឺកូវីដនេះចាប់ផ្តើមចេញពីមនុស្សម្នាក់ៗនេះតែម្ដង៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
វិស័យឯកជនសាទរនឹងគម្រោងបង្កើតតំបន់ SME ពិសេស នៅខេត្តព្រះសីហនុ
Top News, ព្រឹត្តិការណ៍, សេដ្ឋកិច្ច
• 02/09/2026
វិស័យឯកជនដែលពាក់ព័ន្ធបានបង្ហាញពីការសាទរ និងគាំទ្រឱ្យមានតំបន់តំបន់ប្រមូលផ្តុំសហគ្រាសធុនតូច មធ្យម និង រោងចក្រ (SME Cluster) កាន់តែឆាប់
កម្ពុជា ជំរុញការកសាងទំនុកចិត្តឌីជីថល តាមរយៈយុទ្ធនាការ «អនុភាពបច្ចេកវិទ្យាខ្មែរ» ពង្រឹងសន្តិសុខសាយប័រ ទិន្នន័យ និងប្រព័ន្ធក្លោដ
ព្រឹត្តិការណ៍, អាជីវកម្មថ្មី និងនវានុវត្ត
• 02/09/2026
កម្ពុជា ជំរុញការកសាងទំនុកចិត្តឌីជីថល តាមរយៈយុទ្ធនាការ «អនុភាពបច្ចេកវិទ្យាខ្មែរ» ពង្រឹងសន្តិសុខសាយប័រ ទិន្នន័យ និងប្រព័ន្ធក្លោដ ដើម្បីធានាសុវត្ថិភាពបរិយាកាសធុរកិច្ច
ស៊ុយអែត ចំណាយជិត ៥ពាន់លានដុល្លារ ទិញនាវាចម្បាំងពីបារាំង ៤គ្រឿង ដើម្បីពង្រឹងកម្លាំងជើងទឹក
ព្រឹត្តិការណ៍, អាជីវកម្មថ្មី និងនវានុវត្ត
• 01/09/2026
ប្រទេសស៊ុយអែត បានព្រមព្រៀងទិញនាវាចម្បាំងដ៏ទំនើបចំនួន ៤គ្រឿង ពីក្រុមហ៊ុនផលិតនាវារបស់បារាំង ក្នុងទំហំទឹកប្រាក់ប្រមាណ ៤,៩៩ ពាន់លានដុល្លារអាមេរិក
វត្តមានតំបន់សេដ្ឋកិច្ចពិសេសថ្មីតម្លៃ ៣០០លានដុល្លារ នៅខេត្តកំពង់ស្ពឺ នឹងក្លាយជាមជ្ឈមណ្ឌលភស្តុភារ ជំរុញការតភ្ជាប់ពាណិជ្ជកម្មក្នុងតំបន់ និងនិរន្តរភាព
Top News, ព្រឹត្តិការណ៍, សេដ្ឋកិច្ច
• 01/09/2026
វត្តមានតំបន់សេដ្ឋកិច្ចពិសេសថ្មីតម្លៃ ៣០០លានដុល្លារ នៅខេត្តកំពង់ស្ពឺ នឹងក្លាយជាមជ្ឈមណ្ឌលភស្តុភារ ជំរុញការតភ្ជាប់ពាណិជ្ជកម្មក្នុងតំបន់ និងនិរន្តរភាព
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content