សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចែករំលែក៖ សកម្មភាពប្រកួតប្រជែងគ្នានៅទីអវកាស ឬដែលយើងហៅថា Space Race សម្រាប់ទសវត្សទី២០នេះ រវាងគូប្រជែងចាស់តាំងពីសម័យសង្គ្រាមត្រជាក់ គឺអាមេរិក និងរុស្ស៊ី កំពុងមានភាពមមាញឹកសាជាថ្មីចាប់រាប់តាំងពីការបាញ់បង្ហោះផ្កាយរណបបញ្ចូនយានស្វ័យប្រវត្តិទៅកាន់ទីលំហអាកាស និងឋានព្រះច័ន្ទ ភពសុក្រ និងភពអង្គារផងដែរ។
ប៉ុន្តែសម្រាប់ការប្រកួតប្រជែងគ្នាលើកនេះអាមេរិក និងរុស្ស៊ីនឹងមិនស្ថិតនៅក្នុងទីលាននៃការប្រកួតតែម្នាក់ឯងទៀតនោះទេ ពីព្រោះថាមកដល់បច្ចុប្បន្នបណ្តាប្រទេសដល់ទៅ៧២ហើយដែលកំពុងធ្វើការងារទៅលើកម្មវិធីស្រាវជ្រាវទីអវកាសដោយខ្លួនឯង ហើយក្នុងនោះរួមមានទាំងមហាយក្សចិន ឥណ្ឌា និងបន្តបន្ទាប់ដូចជាប្រទេសជប៉ុន កាណាដា កូរ៉េខាងត្បូង រួមទាំងសហភាពអារ៉ាប់រួមជាដើម ដោយមិនទាន់រាប់បញ្ចូលជាមួយនឹងទីភ្នាក់ងារស្រាវជ្រាវអវកាសរបស់អ៊ឺរ៉ុបផង។
ប្រវត្តិនៃការកកើតឡើងនៃការប្រកួតប្រជែងអវកាស Space Race នេះមានអាយុកាលមិនតិចនោះទេគិតចាប់តាំងតែពីឆ្នាំ១៩៥៥។ តើវាបានចាប់ផ្តើមឡើងដោយរបៀបណា? ខាងក្រោមនេះគឺជាប្រវត្តិត្រួសៗអំពី Space Race រវាងសហរដ្ឋអាមេរិក និងសហភាពសូវៀត៖
ថ្ងៃទី0២ ខែសីហា ឆ្នាំ១៩៥៥ ពោលគឺតែប៉ុន្មានថ្ងៃប៉ុណ្ណោះដែលអាមេរិកបានប្រកាសថានឹងបាញ់ផ្គាយរណបជាលើកដំបូងរបស់ខ្លួន សហភាពសូវៀតក៏បានប្រកាសដូចគ្នាអំពីផែនការនេះ និងដែលវាត្រូវបានគេចាត់ទុកថាជាពេលវេលាចាប់ផ្តើមដំបូងនៃការប្រកួតប្រជែងគ្នាទៅលើការស្រាវជ្រាវអវកាស ឬ Space Race។
ការប្រកួតប្រជែងគ្នានេះត្រូវបានទទួលការចាប់អារម្មណ៍យ៉ាងខ្លាំងពីសំណាក់មហាជនមកពីជុំវិញសកលលោក ហើយជាពិសេសនៅពេលដែលផ្កាយរណបដំបូងរបស់រុស្ស៊ីដែលមានឈ្មោះថា Sputnik 1 ត្រូវបានបាញ់ចេញជោគជ័យជាលើកដំបូង និងមុនសហរដ្ឋអាមេរិកនាថ្ងៃទី០៤ ខែតុលាឆ្នាំ១៩៥៧ និងជាបន្តបន្ទាប់រុស្ស៊ីក៏បានបញ្ចូនមនុស្សទៅដល់ទីអវកាសជាលើកដំបូងបំផុតគេលើលោកផងដែរនៅថ្ងៃទី១២ ខែមេសា ឆ្នាំ១៩៦១ជាមួយនឹងអាវកាសយានិកលោក Yuri Gagarin ។
រយៈពេលប៉ុន្មានឆ្នាំបន្ទាប់ពីការប្រកួតប្រជែងគ្នាម សហភាពសូវៀត ឬរុស្ស៊ី បានធ្វើការនាំមុខខ្លាំងទៅលើអាមេរិក ជាពិសេសការបាញ់យានអវកាសទៅដល់ភពព្រះច័ន្ទមុនសហរដ្ឋអាមេរិកផងដែរ។
អាមេរិកបានស្តារមុខមាត់របស់ខ្លួនឡើងវិញតាមរយៈប្រតិបត្តិការដ៏ជោគជ័យក្នុងការបញ្ចូនអវកាសយានិកដំបូងបំផុតទៅជាន់លើដីភពព្រះច័ន្ទ ដែលយើងហៅថាជាបេសកកម្មយានអាប៉ូឡូ១១ ឬ Apollo11កាលពីខែកក្កដា ឆ្នាំ១៩៦៩។ បេសកកម្មក្នុងការចុះចតមនុស្សលើភពព្រះច័ន្ទនេះ សហភាពសូវៀតក៏ធ្លាប់មានផែនការដែរ ប៉ុន្តែបានត្រឹមបរាជ័យដោយការលប់ចោលវាទៅវិញ ហើយងាកទៅកិច្ចការងារផ្សេងដូចជាការចុះចតដំបូងលើភពសុក្រ និងភពអង្គារ ខណៈដែលអាមេរិកជាបន្តបន្ទាប់បានបំពេញបេសកកម្មបញ្ចូនមនុស្សទៅដល់ភពព្រះច័ន្ទតាមរយៈយានអាប៉ូឡូបានចំនួន៥លើកផ្សេងទៀត។
ការប្រកួតប្រជែងគ្នាលើវិស័យស្រាវជ្រាវអវកាសនេះបានកើតឡើងនៅក្នុងចន្លោះពេលនៃសម័យសង្គ្រាមត្រជាក់ដែលបានកើតឡើងរវាងមហាអំណាចទាំង២ក្រោយការបញ្ចប់ទៅជាផ្លូវការនៃសង្គ្រាមលោកទី២។ សង្រ្គាមប្រជែងគ្នាក្នុងវិស័យស្រាវជ្រាវអវកាសត្រូវបានគេរាប់យកពីឆ្នាំ១៩៥៥ ទៅដល់ឆ្នាំ១៩៩១ ពោលគឺចន្លោះឆ្នាំសម័យសង្គ្រាមត្រជាក់ពីឆ្នាំ១៩៤៧ ទៅដល់ឆ្នាំ១៩៩១។ ជាលទ្ធផលសរុបមកវិញ ការប្រកួតប្រជែងក្នុងទីអវកាស ឬ Space Race រវាងអាមេរិក និងសហភាពសូវៀត ពួកគេបានបន្សល់ទុកនូវស្នាដៃជាច្រើនដូចជាការបាញ់ផ្កាយរណបដំបូងបំផុត ការបញ្ចូនអវកាសយានិកដំបូងបំផុតទៅកាន់ទីអវកាស ផ្កាយរណបដំបូងបំផុតទៅដល់ភពព្រះច័ន្ទ និងភពសុក្រ ការកសាងស្ថានីយទីអវកាសដោយសហភាពសូវៀត ខណៈដែលអាមេរិកគឺជាអ្នកដែលបានបញ្ចូនអវកាសយានិកដំបូងបំផុតក្នុងប្រវត្តិសាស្ត្រទៅដល់ដីរបស់ភពព្រះច័ន្ទ និងការអភិវឌ្ឍទៅលើបច្ចេកវិទ្យាកែច្នៃឡើងវិញនូវយានអវកាសចាស់ៗ ហើយជាចុងក្រោយមហាអំណាចទាំងពីរក៏បានជាប់ឈ្មោះជាអ្នកបង្កើតឲ្យមានស្ថានីយទីអវកាសអន្តរជាតិ ឬ ISS ដំបូងបំផុតផងដែរ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
មន្រ្តីជាន់ខ្ពស់ក្រសួងកិច្ចការនារី ជំរុញឱ្យសហគ្រិនស្រ្តីរួមគ្នាបង្កើតជាប្រព័ន្ធអេកូឡូស៊ីអាជីវកម្ម
ព្រឹត្តិការណ៍, អត្ថបទពាណិជ្ជកម្ម
• 22/09/2026
មន្ត្រីជាន់ខ្ពស់ក្រសួងកិច្ចការនារី ជំរុញឱ្យសហគ្រិនស្ត្រីរួមគ្នាបង្កើតជាប្រព័ន្ធអេកូឡូស៊ីអាជីវកម្ម ដើម្បីជំរុញផ្តល់លទ្ធភាពឱ្យស្រ្តីអាច ចាប់ផ្តើមរក្សាលំនឹង ការពង្រីក និងការដឹកនាំអាជីវកម្មរបស់ខ្លួន ប្រកបដោយភាពធន់ និងចីរភាព។ លោកជំទាវ គ្រី ណាល់លីស រដ្ឋលេខាធិការ តំណាងដ៏ខ្ពង់ខ្ពស់លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី និងជាគណៈកម្មការវាយតម្លៃ និងផ្តល់ពិន្ទុ លើកឡើងនៅក្នុងការប្រកួតពានរង្វាន់សហគ្រិនស្ត្រីឆ្នើមប្រចាំឆ្នាំ២០២៦ ក្រោមប្រធាន
ត្រឹមមួយសប្តាហ៍បន្ទាប់ពីឧបនាយករដ្ឋមន្ត្រីកម្ពុជាទស្សនកិច្ចនៅ Shenzhen, BYD Sealion 6 EV FLASH Charge Edition តម្លៃ 32,800 ដុល្លារ ប្រកាសដាក់លក់ជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 22/09/2026
ភ្នំពេញ ៖ នៅថ្ងៃទី 20 ខែកញ្ញា BYD បានរៀបចំពិធីសម្ពោធដាក់លក់ជាផ្លូវការនូវ Sealion 6 EV FLASH Charge Edition នៅ BYD & Denza Flagship Showroom ក្នុងរាជធានីភ្នំពេញ។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content