សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ត្បូងឃ្មុំ ៖ សំបកពណ៌មាស ព្រមគ្នាជាមួយសាច់ពណ៌ក្រហមឆ្អៅ និងមានរសជាតិផ្អែមឆ្ងាញ់ ជាឪឡឹកមួយប្រភេទដែលត្រូវបានកសិករម្នាក់ដាំនៅលើផ្ទៃដីជាច្រើនហិចតាដោយសារវាឆាប់បានផល និងមានតម្លៃខ្ពស់ក្នុងទីផ្សារ។
លោក ប៊ូ ម៉ាន ជាម្ចាស់ចំការឪឡឹកមួយកន្លែងស្ថិតនៅភូមិបឹងទន្សោង ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ បានប្រាប់ AMS ឱ្យដឹងថា លោកបានជ្រើសរើសយកពូជឪឡឹកមកធ្វើការដាំដុះចំនួន៣ប្រភេទ រួមមានពូជឪឡឹកពណ៌លឿង ពូជឪឡឹកពណ៌ការ៉ុត និងពូជឪឡឹកពណ៌មាស ដោយសារវាឆាប់ទទួលបានទិន្នផលច្រើន ចំណាយពេលតិចក្នុងការដាំ និងថែទាំ ហើយអាចលក់បានតម្លៃថ្លៃនៅលើទីផ្សារ ដែលអាចជួយសម្រាលជីវភាពគ្រួសារបានល្អប្រសើរជាងការដាំដំណាំផ្សេងៗ ហើយតាមរយៈចំការឪឡឹកទាំងនេះក៏បានផ្ដល់ការងារដល់បងប្អូនក្នុងភូមិថែមទៀតផង។
លោក ម៊ូ មាន បានមានប្រសាសន៍បញ្ជាក់ថា ៖
«ឪឡឹកជាប្រភេទដំណាំឆាប់ឱ្យផលលឿន ប្រើរយៈពេលដាំតែ ៥០-៦០ ថ្ងៃប៉ុណ្ណោះ គឺអាចប្រមូលផលបានជាបណ្តើរៗហើយ ជាក់ស្ដែងត្រឹមតែការដាំដុះនៅលើផ្ទៃដីមួយហិកតា គឺអាចប្រមូលផលបានពី ១៥-២៥តោន ឬច្រើនជាងនេះប្រសិនបើឪឡឹកល្អខ្លាំង»
«ដោយឡែក ចំពោះតម្លៃឪឡឹកប្រភេទនេះគេអាចលក់រាយក្នុងតម្លៃ ៥ ០០០រៀលក្នុង១គីឡូក្រាម ហើយទិញចាប់ពី ៥០គីឡូក្រាមឡើងទៅគេគិតតម្លៃបោះដុំ ៣ ០០០រៀលក្នុង១គីឡូក្រាម។ ទីផ្សារឪឡឹកល្អខ្លាំងណាស់ មានការពេញនិយមច្រើនពីបងប្អូនប្រជាជនខ្មែរ ស្ទើរគ្រប់មជ្ឈដ្ឋាន ជាពិសេសទីប្រជុំជន ឬផ្សារទំនើបនៅរាជធានីភ្នំពេញក៏ពេញនិយមខ្លាំងផងដែរ»
ជាអ្វីដែលម្ចាស់ចំការខាងលើបានលើកឡើង
បច្ចុប្បន្ន លោក ប៊ូ ម៉ាន កំពុងធ្វើការដាំដុះឪឡឹកជាដំណាក់កាលៗ លើផ្ទៃដីប្រមាណជាង១០ហិចតា ហើយដើម្បីអាចទទួលបានទិន្នផលខ្ពស់ គឺត្រូវការថែទាំជាប្រចាំដូចជាសម្អាតស្មៅ ដាក់ជី កម្ចាត់សត្វល្អិតដែលបំផ្លាញដំណាំ និងព្យាបាលជំងឺរបស់ដំណាំឪឡឹកផងដែរ។
ទាក់ទងនឹងការចាប់ផ្ដើមពីដំណាក់កាលដំបូង ត្រូវបានម្ចាស់ចំការរូបនេះលើកឡើងថា លោកបានដាំដំណាំឪឡឹកនេះជាង ១០ឆ្នាំមកហើយ ដោយក្នុងផ្ទៃដី ១ហិកតាគេត្រូវចំណាយដើមទុនអស់ប្រហែល ៣ពាន់ដុល្លារដែលចំណាយទៅលើថ្លៃភ្ជួររាស់ដី ការរៀបចំប្រព័ន្ធស្រោចស្រព ថ្លៃពូជ ថ្លៃជី ថ្លៃថ្នាំការពារសត្វល្អិត ថ្លៃប្រេង និងថ្លៃកម្លាំងពលកម្មជាដើម។
យ៉ាងណាមិញ ការដាំឪឡឹកនេះក៏ជួបប្រទះនូវផលលំបាកខ្លះដែរ ដូចជាបញ្ហាអាកាសធាតុក្តៅខ្លាំងពេក ឬភ្លៀងញឹកញាប់ពេក ពិសេសសត្វល្អិតដែលបំផ្លាញដំណាំតែម្ដង។ ក្រៅពីនេះក៏មានបញ្ហាខ្វះខាតមធ្យោបាយដឹកជញ្ជូនទៅកាន់ទីផ្សារពុំទាន់ពេលវេលា មានការយឺតយ៉ាវដែលអាចបណ្តាលឲ្យផ្លែឪឡឹកខូចគុណភាព បាត់បង់រសជាតិ។
បើទោះជាបែបនេះក្ដី ក៏ម្ចាស់ចំការរូបនេះនៅតែមានចក្ខុវិស័យចង់ពង្រីកការដាំដុះឱ្យកាន់តែធំជាងពេលបច្ចុប្បន្ន ដែលក្រៅពីដាំដំណាំឪឡឹក លោកក៏មានដាំដំណាំរួមផ្សំផ្សេងទៀតដូចជា ពោតពណ៌ស្វាយ ត្រសក់ផ្អែមគ្រប់ប្រភេទ និងបន្លែផ្សេងៗដែលមានតម្រូវការនៅលើទីផ្សារផងដែរ។
លោកបានបន្ថែមឲ្យដឹងថា ប្រសិនបើបងប្អូនចង់ដាំដំណាំឪឡឹកជាលក្ខណៈគ្រួសារ ក៏អាចដាំបានដោយខ្លួនឯង តែបើចង់ដាំដំណាំឪឡឹកជាលក្ខណៈអាជីវកម្ម គឺគួរតែរកអ្នកមានជំនាញមកជួយការងារ ទើបអាចធ្វើឲ្យដំណើរការដាំដុះមានភាពរលូន កាត់បន្ថយភាពប្រឈមនឹងការខាតបង់។
ជាមួយគ្នានេះ តាមរយៈ AMS លោកក៏បានថ្លែងអំណរគុណដល់បងប្អូនខ្មែរទាំងអស់ដែលស្រលាញ់ និងគាំទ្រកសិផលធម្មជាតិរបស់ខ្មែរ។ លោកក៏សូមលើកទឹកចិត្តដល់អ្នកដែលចាប់យករបរកសិកម្ម សូមកុំបោះបង់ចោលនូវអ្វីដែលខ្លួនស្រឡាញ់ ទោះបីជាជួបការលំបាក ប៉ុន្តែត្រូវចេះស្វែងរកដំណោះស្រាយ រកជំនួយពីអ្នកជំនាញផ្នែកកសិកម្ម ក៏ដូចជាខាងផ្នែកទីផ្សារ ដើម្បីដោះស្រាយ ក៏ដូចជាអភិវឌ្ឍខ្លួនបន្តិចម្ដងៗ និងឈានទៅរកភាពជោគជ័យបាន៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អឺរ៉ុប ប្រឈមបញ្ហាផ្ទៃក្នុងធ្ងន់ធ្ងរ ពលរដ្ឋអស់ទំនុកចិត្ត ខណៈមេដឹកនាំធំៗបន្តដាក់អាទិភាពលើវិស័យយោធា
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ វិបត្តិដ៏ធ្ងន់ធ្ងរមួយកំពុងផ្ទុះឡើងយ៉ាងខ្លាំងនៅទូទាំងសហភាពអឺរ៉ុប តាមរយៈការតវ៉ាអំពីបញ្ហាប្រចាំថ្ងៃជាច្រើនរបស់ប្រជាពលរដ្ឋទូទៅ ខណៈដែលអាទិភាពភូមិសាស្ត្រនយោបាយបានបង្ខំឲ្យរដ្ឋាភិបាលរបស់ពួកគេបែរជាងាកទៅរកការត្រៀមខ្លួនដើម្បីធ្វើសង្គ្រាមទៅវិញ។ នៅក្នុងអត្ថបទវិភាគមួយដែលចេញផ្សាយដោយកាសែត RT បានសរសេរថា រាប់ចាប់ពីបញ្ហាហេដ្ឋារចនាសម្ព័ន្ធសាធារណៈ មានការទ្រុឌទ្រោម តម្លៃជីវភាពរស់នៅរបស់ពលរដ្ឋកើនឡើងកប់ពពក ហើយវិស័យឧស្សាហកម្មប្រឈមនឹងការកាត់បន្ថយយ៉ាងគំហុក ប៉ុន្តែមេដឹកនាំជាច្រើននៅទ្វីបនេះកំពុងបង្វែរធនធានរដ្ឋកាន់តែច្រើនឡើងទៅក្នុងកញ្ចប់ថវិកាការពារជាតិ ការបំពាក់អាវុធយោធាឡើងវិញ និងការត្រៀមខ្លួនផ្នែកសន្តិសុខ។ ការមើលរំលងបញ្ហាផ្ទៃក្នុងដែលកំពុងតែកើតមានកាន់តែធ្ងន់ធ្ងរ និងការបង្កើនកម្លាំងយោធាខាងក្រៅនេះបានគាស់រំលើងភាពវឹកវរជាសាធារណៈកាន់តែស៊ីជម្រៅនៅតាមបណ្តាតំបន់ទីប្រជុំជន និងទីក្រុងសំខាន់ៗនៅទូទាំងអឺរ៉ុបភាគខាងលិច។ ជាក់ស្តែង នៅក្នុងប្រទេសអេស្ប៉ាញ
សាខា ៤ ថ្មីបន្ថែមទៀតរបស់ អិលអូអិលស៊ី ត្រូវបានដាក់ឱ្យដំណើរការ «ឥណទានមាសកើនទ្រព្យ» ជាផ្លូវការ ដើម្បីបំពេញតម្រូវការសាច់ប្រាក់បន្ទាន់ជូនអតិថិជន
ព្រឹត្តិការណ៍, អត្ថបទពាណិជ្ជកម្ម
• 09/10/2026
ខេត្តកណ្តាល និងខេត្តកំពង់ស្ពឺ៖ ដើម្បីបន្តឆ្លើយតបទៅនឹងតម្រូវការហិរញ្ញវត្ថុរបស់អតិថិជនដែលរស់នៅតាមបណ្តាខេត្តនានា ក្រៅពីរាជធានីភ្នំពេញ ឱ្យទទួលបាននូវដំណោះស្រាយហិរញ្ញវត្ថុដែលមានភាពងាយស្រួលនិងមានសុវត្ថិភាព អិលអូអិលស៊ី បានដាក់ដំណើរការនូវផលិតផល «ឥណទានមាសកើនទ្រព្យ» នៅសាខាចំនួន ៤ បន្ថែមទៀត មានដូចជាសាខាក្រុងតាខ្មៅ – សង្កាត់រកាខ្ពស់ សាខាស្រុកកោះធំ – ឃុំព្រែកថ្មី សាខាស្រុកអង្គស្នួល – ឃុំបែកចាន
អាម៉េរិក-មីយ៉ាន់ម៉ា ចូលតុចរចាស្ងាត់ៗ ដើម្បីពិចារណាទណ្ឌកម្មឡើងវិញ ជាពិសេសកុងត្រារ៉ែកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 09/10/2026
បរទេស ៖ រដ្ឋាភិបាលអាម៉េរិក កំពុងផ្លាស់ប្តូរនយោបាយរបស់ខ្លួនយ៉ាងស្ងៀមស្ងាត់ចំពោះប្រទេសមីយ៉ាន់ម៉ា ដោយជំនួសមកវិញនូវការផ្អាកទណ្ឌកម្មដែលខ្លួនបានដាក់ជាច្រើនឆ្នាំមកហើយនោះដើម្បីប្រាស្រ័យទាក់ទងដោយផ្ទាល់ និងពិចារណាឡើងវិញនូវការលើកលែងទណ្ឌកម្មទាំងនោះ។ នៅក្នុងអត្ថបទមួយដែលត្រូវបានចេញផ្សាយដោយ CNA នាពេលថ្មីៗនេះបានពន្យល់ថា មូលហេតុចម្បងនៅពីក្រោយការកែប្រែនយោបាយការទូតភ្លាមៗនេះ គឺដោយសារតែតម្រូវការបន្ទាន់របស់ទីក្រុងវ៉ាស៊ីនតោនក្នុងការទទួលបានសិទ្ធិចូលទៅកាន់ប្រភពធនធានរ៉ែកម្រ (Heavy Rare Earth Elements) ដ៏ច្រើនសន្ធឹកសន្ធាប់របស់មីយ៉ាន់ម៉ា ដែលជាវត្ថុធាតុដើមដ៏សំខាន់សម្រាប់ផលិតកម្មបច្ចេកវិទ្យា គ្រឿងអេឡិចត្រូនិក បរិក្ខាការពារជាតិ និងការផលិតយានយន្តអគ្គិសនី។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content